اللهم أصلح لنا ديننا الذي هو عصمة أمرنا وأصلح لنا دنيانا التي فيها معاشنا وأصلح لنا آخرتنا التي إليها معادنا، اللهم لا تجعل الدنيا أكبر همنا ولا مبلغ علمنا ولا إلى النار مصيرنا، اللهم لا تجعل مصيبتنا في ديننا، اللهم اجعل الحياة زيادة لنا في كل خير والموت راحة لنا من كل شر، اللهم اختم لنا بخير واجعل عواقب أمورنا إلى خير وتوفنا وأنت راضٍ عنا. اللهم أصلح أئمتنا وولاة أمورنا وآمنا في أوطاننا ودرونا، اللهم اغفر جميع ما مضى من ذنوبنا واعصمنا فيما بقي من عمرنا، وارزقنا عملاً زاكياً ترضى به عنا, خذ بنواصينا إلى الحق، واجعل الإسلام منتهى رجائنا. اللهم لا تدع لنا ولا لأحد من المسلمين هماً إلا فرجته ولا ذنباً إلا غفرته ولا مريضاً إلا شفيته ولا ميتاً إلا رحمته ولا ديناً إلا قضيته ولا مبتلى إلا عافيته ولا عسيراً إلا يسرته ولا كرباً إلا نفسته ولا حاجة من حوائج الدنيا والآخرة إلا يسرتها. أقول قولي هذا وأستغفر الله لي ولكم. |

(مناظر من قرية البشرآن)
                                                                                                                                                                                                                                                                    
تابعونا عبر تويتر تابعونا عبر فيس بوك

الإهداءات




مختارات ( جندب المالكي )

الشعر الفصيح والشعبي


إضافة رد
قديم 05-22-2014, 05:18 PM   #1


الصورة الرمزية البشرآن
البشرآن غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Jul 2013
 أخر زيارة : اليوم (04:47 PM)
 المشاركات : 879 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
 اوسمتي
اوفياء المنتدى وسام النوايا الحسنة وسام التميز وسام التميز 
لوني المفضل : Crimson
افتراضي مختارات ( جندب المالكي )





حيا الله اللي عاشقا=
حيا الله اللي عاشقا للنواميس=بن عمي اللي كل قمة رقاها
بوعارف اللي دارس الطيب تدريس=اللي علوم اهل المراجل حواها
ياولد خامسنا كبير الخواميس=اللي عليه الناس تبدي ثناها
بوحامد الونعم بكل المقاييس=اللي حصون الطيب شيد بناها
تشهد له الاحرار وسط المجاليس=ونحن بفعله نفتخر ونتباها
عسى مقره في علو الفراديس=ويزوجه ربي من اجمل نساها
وحي البيوت اللي زهت بالكراريس=ابيوت شعرا عاليا مستواها
من شاعر صاغ العبارة بتقييس=ماهو بناطق كلمتن ماوعاها
اليا توحوه الرجال السناعيس=في وسط مجلسها وفي منتداها
اثنو على قوله بعاد المراميس=والكل اشاد بكلمته ومعناها
ونكان تبغى الصدق من غير تدليس=هذي القصيدة طاب لي محتواها
وتحركت عندي جميع الهواجيس=والذاكرة قامت تفاعل معاها
ثم قمت اسطر فوق بيض القراطيس=عذب البيوت اللي تناغم صداها
اكرس اجهودي للاشعار تكريس=حتى تنال اعجاب منهو قراها
عندي دراية بالكتب والقواميس=واكثر عباد الله عرفنا لغاها
ومشيت بقدامي عسير التضاريس=يومن غيري قادمه ما وطاها
واسلم وتبقى ياربيع المتاعيس=في مبتدا ابياتي وفي منتهاها
متذوقاً للنادرات=
حيا الله اللي ساق لي عذب الابيات=ابيات شعراً تتسم بالفخامة
متذوقاً للنادرات الجزيلات=والطيب مولي له جميع اهتمامه
ويابومعاذ ان كان تبغى الوناسات=قم دق سلف الجيب واربط حزامه
وتخير امن اهل الوفاء والمروات=اثنين معروفين بالاستقامة
قرمين يفدونك نهار الملاقات=و بروسهم شيمة وفيهم شهامة
لرسلتهم ما قصرو في المهمات=تلقا بهم شدة وتلقا صرامة
ثم انهجو يم الديار البعيدات=الواقعة بقصى سواحل تهامة
اراضياً صارت حدايق وغابات=من كثر ما صبت عليها الغمامة
وليا وصلتو يارجال الشكالات=وارجو عساكم تاصلو بالسلامة
ثم اقضو اجمل ما قيضيتو من اوقات=ما واحدً يطري عليه استلامه
في كشتةً تسوى ثلاثين مكشات=لا قيموها نالت اعلى علامة
ياراعي الكلمة الجزلة=
حيالله اللي بيوته مثل عذب الزلال=يامقدم اهل الشهامية وياشيخها
مثلك نعده ليا جا للمدايح مقال=واهل التفاهات نسترسل بتوبيخها
واقول يامسندي والقول مابه جدال=اصقور الاوكار مايختل تفريخها
وان عودت للمواجه واللقاء والنزال=اخصومنا نستطيع اليوم تدويخها
والنوق يامسندي ماهي بمثل الجمال=واقول بعض الاباعر سهل تنويخها
لاشك عندي سواليفاعراظ وطوال=لياطرت للعرب. تصعب على ذيخها
واسلم وسلم وتبقى ياكريم السبال=ياراعي الكلمة الجزلة وياشيخها
يامرحبا=
يامرحبا بك يبن ساري ولك من صفر الدلال=فنجال بننا فيه حبات العويدي زايدة
شرفتني بمعايدتك اليوم ياجزل المقال=ياللي ليا نشت ماترمي يكون القايدة
ابوك. ساري راعي الفزعة وزيزوم الرجال=شيخا يروس القوم وايدينا دوام امعى يده
الله يديم افراحكم وسروركم طول الليال=والله يجنبكم صواديف والزمن وشدايده
واسلم وتبقى يافهد وتعيش ياقرم العيال=ياراعي الجزلة وياراعي البيوت الرايدة
ياولد خالي=
ياولد خالي كلما ضاقت النفس=والوقت كشر لك بوجها عبوسي
قوم اذكر الله خالق الجن والانس=اللي بذكره تطمئن النفوسي
لابد ماتدرك وتستوعب الدرس=حتى تفيد امن العبر والدروسي
والغيث لامنه نزل ينبت الغرس=وبناظرك تزدان كل الغروسي
يامرحبا=
يامرحبا واهلين والله يحييك=أعداد ماغنا القميري على الراك
واعداد ماتصبح وتمسي مماسيك=واعداد ماتركع وتسجد لمولاك
ياالوافي اللي ماندم من يخاويك=ياراعي الفطنة وياراع الادراك
الشايب اللي بسم سامي مسميك=الله تعالى وفقه يوم سماك
والله يعيد العيد واجيك واتيك=واعتز يالمطنوخ وافخر بملفاك
واقبل تحياتي عسى الرب يبقيك=يالوافي اللي ما تعدد مزاياك
(يابومهند )=
يابومهند ودي اقول بيجاز=لاهنت يستاذ الادب واللباقة
لاصار في التقدير جيد وممتاز=جبت النجاح اللي وسيعاً نطاقه
واسمك مسجل في سجلات الانجاز=اشبه بعود الطيب عند احتراقه
وانتم جميعاً عندي إكرام واعزاز=وبكم ترى تربطني اقوى علاقة
والداخلية لوبتعطيني ايعاز=سجلت اساميكم معي في البطاقة
يقولها اللي عاجزاً كل الاعجاز=عن وصفكم يهل الفخر والعراقة
(سلاماً ازكى)=
سلاماً ازكى من عطور العطاطير=وازكى من الكادي وريحة عبيره
يلفي على نسل الرجال المشاهير=اللي لهم في معجم الطيب سيرة
يلفي على سعد الخوي بالمعاذير=مني ومن كل الوجيه السفيرة
لك في ضمايرنا مكانة وتقدير=يامن فعولك بالمدايح جديرة
واللي حصل كسرً وللكسر تجبير=ولا ينجبر كسراً بليا جبيرة
ويالبدر يبن الغانمين المناعير=من غيركم في الرابطة نستشيره
انته مقدمنا ولا نقبل الغير=ونسير وانت اللي تقود المسيرة
نرقب رجوعك ياربيع المسايير=ياللي تحل المعظلات العسيرة
واسلم ودمت وبنتظار التباشير=يومن تعود الرابطتنا الشهيرة
(قال من طول)=
قال من طول على المبدا وقوفه=بعد ماغنّا جديدات القوافي
كثّر الله خير من كرم ضيوفه=الكريم الجيد القرم السنافي
اجودياً دايماً تندا كفوفه=بالرخا ولا بالاوقات العجافي
يذكرون النا س طيبه ومعروفه=سيرته مثل الشذّى والفعل ضافي
مزبني في الوقت لا كثّرت صدوفه=لصبح الحظ الردي مقبل ولا في
يازبون اللي شكى قسوة ضروفه=يوم يحدنّه مبيّحت الخوافي
يا عسى بيت الردى تهوي سقوفه=ويتعرض للزوابع والسوافي
والردي يالقرم لا كثرت حلوفه=ما تعذرت الرفيق ودوم تافي
والوقار اسمك مسجل في كشوفه=تحسن المنطوق وتحل الخلافي
هذا ابو رايد كما كلاً يشوفه=مدني الجزلات في بيض الصحافي
قلتها والشعر تخضع لي حروفه=يوم جيت الرجم بقداماً حوافي
الخفوق اتقول نيراناً بجوفه=ما تطفيها صهاريج المطافي
والفواذ ايحن واللوعة تلوفه=حنته يالربع تصحي كل غافي
حنة الجمس الذي حنة بلوفه=يوم يقطع به وسيعات الفيافي
من صواديف الزمان ومن حتوفه=والمشاكل والفتن والاختلافي
دارنا بالشر والكيد امحيوفة=والله ان الجو ذا ماهو بصافي
العدو شاهر شباريه وسيوفه=والماً للحرب يحسبنا ضعافي
مادرا انا نستطيع اليوم خوفه=ونتحداه ونحنده للتلافي
ياعسى الحلة بالاوناس امخلوفة=يالله عقبنا الستيرة والعوافي
وانتهى قول الذي طول وقوفه=بعد ما غنا جديدات القوافي
(( بسم الله))=
بسم الله اللي مالجا له لاجي=الا فرج له صاحب الافراجي
ياناصر اهل الحق يامولانا=تنصر هل التوحيد في دماجي
وانصر هل الايمان في سوريا=نصرا على ماقيل مايحتاجي
والطاغية بشار عجل حتفه=بعبوتة تنزل من الميراجي
ثم الصلاة على نبي الرحمة=اللي سري به ليلة المعراجي
صلو عليه وسلمو تسليما=عد الهوا ومصافق الامواجي
وخلاف هذا الموجز اللي قلته=هذي بيوتا من جديد انتاجي
اجهدت نفسي يوم قمت ابدعها=من شان لايهرج بها الهراجي
ثم السلام ورحمة الله مني=ابصوتنا الصداح والمنلاجي
سلاما انقى ياالاكارم واصفى=امن القراح الصافي الثجاجي
وازكى من اليشموم ومن العنبر=في جونة العطار والحواجي
واغلى من الياقوت ومن اللولو=ومن الحرير الحر والديباجي
لاشك جتنا دعوة من وافي=رجلا كريم ودوم طلق احجاجي
الشيخ ابوموسى عريب المذهب=ابن الرجال امومنين اللاجي
الغاية انا نتجه ونجيكم=ولنا الشرف والفخر يومن ناجي
لكن ظروف الوقت ذا حدتنا=اظروف ما تخلو من الازعاجي
فلتعذرونا يامحمد تكفى=والله مانبغى لك الاحراجي
ونيابة عني وعن من حضرو=مبروك ياللي تنطح الافواجي
الترقية ياجعلها مبروكة=عقبال ماتاخذ مقص وتاجي
لاشك مثلك يالوفي يستاهل=ياممن الملهوف والمحتاجي
هذي مشاعر شاعرا صورها=اتقول في قلبه كما الوهاجي
انا الذي من هجرتي متعلم=وادري عن المدخال والمخراجي
ومن التجارب صار عندي حكمة=اسري بها الليل البهيم الداجي
اميز الاشخاص من نظرتهم=اميز النادر من الهلباجي
والناس فيهم من ينومس فعله=ولكل ضلماء مشعلا وسراجي
والناس فيهم من يفشل فعله=مايمشي الا المسلك المنعاجي
والناس فيهم عالما مطنوخة=وقفاتهم وقفات بن مدلاجي
يوم انتخى به نمر فيما يروى=حتى امنه واصبح عليه اسياجي
والناس فيهم عالما مكروهة=اقلوبها اسود من سواد الصاجي
يالله يارب السما تقلعهم =ويجي ماجا على الحجاجي
كل العلل يوجد لها مايشفي=الا الحماقة ماوجدت اعلاجي
واقول بنهاية كلامي هذا=بنهاية التسجيل والمنتاجي
هذا حسب ضني وحسب ادراكي=لحدن يعارضني على استنتاجي
والختم صلى الله على سيدنا=محمد اللي وضح المنهاجي
(( سلاماً ازكى ))=
سلاماً ازكى من عبير الرياحين=وازكى من اليشموم والياسمينا
يلفي على ابوغيث ريف المقلين=مشكاي لشتدت علي السنينا
وهذي بطاقة تهنية يحمر العين=بسمي وبسم اخواني الغانمينا
نبعث بها لك قبل كل المهننين=قبل العرب يلفونك امباركينا
ومبروك مقدم غيث يبن الميامين=جعله في الدنيا من المسعدينا
والله يجعل له من اسمه نصيبين=ويوفقه ربي بدنياً ودينا
والله يمكن له في الارض تمكين=ويكون له ربي نصير ومعينا
اصله وفصله واقعاً بين جدين=تذكر مواقفهم مع الماجدينا
الجد الاول راعي الزهد والدين=اللي قضى عمره مع الزاهدينا
جنيدب اللي جرب العسر واللين=واقفى عن الاصحاب والاقربينا
ما كانت الدنيا تساوي ريالين=عنده وطلقها طلاقاً مبينا
جعل المهيمن يرحمه قولوا امين=وبجنة الماوى من الخالدينا
والجد الاخر من رجالاً عزيزين=امعرب الجدين ساطي الليمينا
بو رايد اللي مدته تقضي الدين=لاشحت الدنيا وبخلت علينا
اسمه يطارونه مع اقصين وادنين=ومسجلا في معجم الطيبينا
طعّام زاد ودوم طلق الحجاجين=ما قلطت يمناه غير السمينا
وابوك ياغيث ان تريد البراهين=انشدني انا وانشد الخيرينا
ابوك لا صفت جموع المصلين=كان اول العباد والمخبتينا
عون الرفيق وواصلا للقربين=وافنى حياته في رضى الوالدينا
خلك سواته واحذر المسلك الشين=وتجنب الانذال والخايبينا
لاتمشي الا مع رجالاً شجيعين=ناساً كرام وللولي طايعينا
واحذر مع العالم تعامل بوجهين=وابعد عن الضلّال والغافلينا
ابغاك تستوعب جميع المضامين=والشك دايم تقطعه بالليقينا
والختم صل الله ميات الملايين=على النبي الهاشمي الامينا
امحمد اللي بيّن الدين تبيين=اللي نصر الله على المشركينا
__((جندب المالكي))__=


 
 توقيع : البشرآن


التعديل الأخير تم بواسطة البشرآن ; 06-15-2014 الساعة 01:06 AM

رد مع اقتباس
قديم 08-31-2014, 08:42 PM   #2


الصورة الرمزية ابوفهد
ابوفهد غير متواجد حالياً

بيانات اضافيه [ + ]
 رقم العضوية : 26
 تاريخ التسجيل :  Apr 2014
 أخر زيارة : 12-27-2016 (11:13 PM)
 المشاركات : 23 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Chartreuse
افتراضي



صح لسانك ياسنايدي


 
 توقيع : ابوفهد



رد مع اقتباس
إضافة رد

مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
ديوان جندب المالكي جندب المالكي دواوين الشعراء 18 01-11-2018 11:47 PM


Loading...


Powered by vBulletin® Version 3.8.4
Copyright ©2000 - 2019, Jelsoft Enterprises Ltd diamond
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education
هام // ليس بالضرورة ان تعبر جميع المشاركات عن وجهة نظر المنتدى بل تعبر عن وجهة نظر صاحبها
اختصار الروابط
vEhdaa 1.1 by NLP ©2009