اللهم أصلح لنا ديننا الذي هو عصمة أمرنا وأصلح لنا دنيانا التي فيها معاشنا وأصلح لنا آخرتنا التي إليها معادنا، اللهم لا تجعل الدنيا أكبر همنا ولا مبلغ علمنا ولا إلى النار مصيرنا، اللهم لا تجعل مصيبتنا في ديننا، اللهم اجعل الحياة زيادة لنا في كل خير والموت راحة لنا من كل شر، اللهم اختم لنا بخير واجعل عواقب أمورنا إلى خير وتوفنا وأنت راضٍ عنا. اللهم أصلح أئمتنا وولاة أمورنا وآمنا في أوطاننا ودرونا، اللهم اغفر جميع ما مضى من ذنوبنا واعصمنا فيما بقي من عمرنا، وارزقنا عملاً زاكياً ترضى به عنا, خذ بنواصينا إلى الحق، واجعل الإسلام منتهى رجائنا. اللهم لا تدع لنا ولا لأحد من المسلمين هماً إلا فرجته ولا ذنباً إلا غفرته ولا مريضاً إلا شفيته ولا ميتاً إلا رحمته ولا ديناً إلا قضيته ولا مبتلى إلا عافيته ولا عسيراً إلا يسرته ولا كرباً إلا نفسته ولا حاجة من حوائج الدنيا والآخرة إلا يسرتها. أقول قولي هذا وأستغفر الله لي ولكم. |

(مناظر من قرية البشرآن)
                                                                                                                                                                                                                                                                    
تابعونا عبر تويتر تابعونا عبر فيس بوك

الإهداءات




ديوان الشاعرأحمد الأعفر

دواوين الشعراء


 
المشاركة السابقة   المشاركة التالية
قديم 09-10-2014, 11:31 AM   #1


الصورة الرمزية البشرآن
البشرآن غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Jul 2013
 أخر زيارة : يوم أمس (12:05 PM)
 المشاركات : 885 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
 اوسمتي
اوفياء المنتدى وسام النوايا الحسنة وسام التميز وسام التميز 
لوني المفضل : Crimson

اوسمتي

افتراضي ديوان الشاعرأحمد الأعفر






الشاعرالاديب الاريب أحمد حامد حسن الأعفر
‏‏‏مختص في العقيدة. ومهتم بالدعوة والخطابة.ومتذوق للشعر والأدب له نتاجٌ شعري رائع ٌ ماتع وله رباعيات
متميزة بالشعر النبطي نورد في هذا المتصفح بعضاً منها أتمنى أن تنال استحسانكم واعجابكم
البارحة=
البارحة والليل مهراس الأعلام=والحزن عقّب له بوجهي علامة
جتني بشاش تخط فـي الأرض الأقدام=وتسوق مشراه العتب والملامة
تقول لي شيبّت وإنهار الالهام=ما عاد نسمع لك خبر في تهامه
أي والله اني شبت من قبل ذا العام=والعُمر أخذ له من مشيبي عِمامة
وطويت من درب الهوى كل الأعلام=وشكمت للقلب الهواوي خطامه
أبعدت عن وادي سُليما والأريام=وجنبّت عن وضحا وسلمى وشامة
وصحاني الواقع من أضغاث الأحلام=في صبح يومٍ ما غشته العتامة
شفت الحقايق وانجلت كل الأوهام=وطل الصباح وغردت لي حمامة
والصاحب اللي كنت اظنه لي إحزام=أمست بصدري مدمياتً سهامه
حاولت أخفيّها عن الخاص والعام=وقاومت مر الكسر والإنهزامة
وسريت وأنا رافعاً رأسي إشمام=بعداً عزيز ولا تقارُب ندامة
كرامتي تابا علىّ أحني الهام=أعز ما عند الكريم الكرامة
وأنا الذي بالأمس حطمت الأرقام=أضرب على شان الوفاء كل هامة
أواصل الطيّب على عز وإكرام=وأنا مع الوافي عصاه وحزامه
وصل الإحبة والأقارب والأرحام=ما هو صعيب إلا على أهل الرخامة
قالت بشاش ; الشام وش قلت بالشام=خلك من الماضي وفلّت زمامه
قلت; الله أكبر وش بقي لأهل الإسلام=الشعب الإسلامي تخلخل نظامه
فسق وفجور وضيعة أخلاق وإجرام=ما عاد باقي إلا تقوم القيامة
تطاولوا من حولنا كل الأقزام=والفاشل الهيّن تعلّى مقامه
في سوريا صارت مبانيهم أركام=والرافضي جرّد عليهم حُسامه
أما العراق أضحى فتن بعد صدام=تقاسموا ثرواته أهل الزعامة
والقدس منقاده لتقرير حاخام=وترعى خنازيره بردهات رامه
وتلك اليمن في حرب دامي من أعوام=متى يعالج فرقته وإنقسامة
وكل ما شاهدت قنوات الإعلام=أرجع على قلبي وألملم حطامه
ما في يدي حيلة ولا عندي أحكام=ماني من أصحاب السمو والفخامة
أدعي واصلي وانتظر بيض الأيام=واقول يالله الستر والسلامة
شعرأحمدالأعفر=
؟؟؟؟؟؟؟؟؟=
ياطاير الشوق=
ياطاير الشوق خذ منّي كلاماً كبير=مامون مضمون والنقّاد ماينقده
تنصى به الشاعر الفذ اللبيب الخطير=والى بدا لك ورّحب فيك قبّل يده
قل له ترا احمد يبلغك السلام الكثير=يذكرك بالعرف والمعروف مايجحده
سلام ياعيضه ابن طوير يابو منير=ياشاعر القاف والايقاع والمفرده
انا اشهد انك حكيماً للقوافي وامير=وانا اشهد ان المحافل بعدكم بارده
جمعت نحت الفرزدق مع عذوبة جرير=يامنهل العرف والميراد والقاعده
ياحدة إقبال ياعرّاب ادب شكسبير=يامعقل الشعر ياحاكمه يامارده
سجلت في صفحة التاريخ شعراً مثير=يوم اغلب الشعر لامتعه ولافايدة
قطعت مايقطع الراكب بظهر البعير=والماء في الساقيه والزاد في المزوده
سبعين حجه ينوشك بردها والهجير=حتى استوت لك صروح ابياتك الخالده
بيني وبينك صداقة عمر ماهو قصير=صداقة إخلاص ماهي صحبةً بايدة
وإن مُت ابوصي بها وافي يُتّم المسير=لان الوفاء دين بين الناس ومعاهدة
؟؟؟؟؟؟؟؟؟=
( آه مـــن قـلـبـاً )=
آه مـــن قـلـبـاً شـقــاوي مـــا هـــو مـثــل الـقـلـوب= كــــنّـــــه امـــكـــلـــف بـــحـــمـــل الــمــشــقـــه والـــعـــنــــا
جتني الأخبار من كل حدب وكل صـوب= قـالــوا ابـــن طــويــر قــــد مــــات وانــهــار الـبِـنــا
وارتـبـكـت وتـهــت وانـــا مـضــرّى بالـخـطـوب =مـبـهــلاً صــــدري لــضـــرب الـخـنـاجــر والـقــنــا
قلت لا ما انهار لو يلحقه بعـض النـدوب =مـــــن يـخــلّــف مـــثـــل زعـــكـــان يــبــشــر بـالـثــنــا
لا يــزال الـعـز فـــي مـحــرز الـلـيـث الـوثــوب= لا تـــطـــاول روس الأقـــــــزام ونـــفــــوس الـــدنــــا
شــامــخــاً مــــــا زعــزعــتــه الـــزوابــــع والــهــبـــوب= تـحـت ظـلــه يـنـضـج الـنـبـت ويـطـيـب الـجـنـا
جيـت يـا زعكـان والـحـال يطـويـه الشـحـوب =مــــــــا تــــــــدوم أيــــــــام الأحــــــــزان وايــــــــام الــهـــنـــا
جـيــت يـازعـكـان والـخـطـو تـخـنـقـه الــــدروب= مـن هنـاك أحفيـت وجـه الـدروب ومـن هنـا
جـيـتـك أعـزيــك فـــي شـيــخ شـعّــار الـجـنــوب= والـــــبــــــقــــــا لله وحـــده ولــــلــــخـــــلـــــق الــــــفــــــنــــــا
كــــان تـشـكــي فــقــد والــــدك عــدتــك الـعـيــوب =أنــــــــــــا فــــــاقــــــد خــوةً مـــا تــــــقـــــــدر بـــثـــمـــنــــا
خـــــــوةً مـــــــا خـالـطــتــهــا الــخــطــايــا والــــذنــــوب= يـنـعـكــس مـنــهــا عـــلـــى حـــالـــة الـــواقـــع ســـنـــا
يــوم صـكـات المنـاكـب ودحـمـات الـجـنـوب =يـعـتــزي لا قــلــت ويــــن الــخــوي ويــقــول أنـــــا
هل ترا وشلون من بعده استجدي الغيوب= بــعــد كــنّـــا فـــــي الــحـــوادث نـصّــبــر بـعـضـنــا
لـو يعـبّـر عـنَـي الصـمـت والـدمـع السـكـوب =مـــا يـصـافـح وجـهــي الـكــذب وعـلــوم الـخـنــا
وأكـثــر الـشُـعّـار لـــو جــــاك يتـبـيـكـى كــــذوب= بـعـــد ســـاعـــه يــنــقــع الـــزيـــر ويـــجـــر الــغــنــا
؟؟؟؟؟؟؟؟؟=
( يابشير )=
يابشير اقرب لي الكرسي وجيب الدلة=واعطني فنجال من شاهيك الخثراني
واقترب عندي وهات اللي براسك كله=ابغي اسولف معك وان كنت باكستاني
انا وانت اخوان يارجال باصل الملة=والله انك عندي ابرك من بعض صحباني
هات قلي وش بلا كشميركم محتلة=ماقدرتم تسحقون الهند في الميداني
يلعب الهندوس فيكم مثل لعب السلة=وانتم الواحد ثلاث امتار في متراني
يابشير نحن كماكم في هوان وذلة=ماتشوف القدس من جور اليهود يعاني
اه ياقلبي وعيني كن فيها ملة=لي شهر والنوم ما خالط رموش اجفاني
والحقيقة ما انتهت الا وحولي شلة=ما قدرت اخفي عليهم وجهي وعنواني
في ربوع الجايزة لاذلة ولا قلة=من يدورني على وضح النقا يلقاني
؟؟؟؟؟؟؟؟؟=
( يالحيتي )=
يالحيتي يفداك مليون رجال=من الرجال اللي لحاهم حليقة
وايضاً فداك إرجالاً لحاهم طوال=لكنهم يجرون عكس الحقيقة
اللي مراجلهم تفاهات وهبال=واخلاقهم طاحت بهّوة سحيقة
مالي بهم حاجة على كل الاحوال=ولا التقي معهم على أية طريقة
روحوا وراكم يا رديين الافعال=أنا صديق اللي يثمن صديقه
اللي ليا ثقلت على المتن الاحمال=أشتالها مافيه شياً يعيقه
يرقى بروس جبال ويصادم جبال=يوم الجبان يغص حلقه بريقه
هذا له عندي مكاناً ومنزال=منزال لايق والمكانة تليقه
خلك بداخل خافقي روح وتعال=ياتوأم الخافق واخوه وشقيقه
؟؟؟؟؟؟؟؟؟=
( يا وافي )=
يا وافي احضر لي قلم واعطني البوك=واقرب للي الثنتين قهوة وشاهي
بقعد بها راساً من الوقت معروك=تجري رياح الووقت عكس اتجاهي
والبارحة ما نام جفني وانا ابوك=ادفع داوهي واتحمل دواهي
وجدي لمن صاحب من الناس صعلوك=يضيعه بين الشلل والمقاهي
النذل لا يصحبك لو انه اخوك=يفضحك ويبيعك على شي واهي
والوقت فيه الشر والخير مشروك=ادري عن الايام ماني بساهي
انا مضرس من زماني ومعلوك=ماني من اصحاب الترف والرفاهي
واصحابي اللي وردهم مثمراً شوك=اسداً علي وعند غيري براهي
ابقدر ادبّر لهم كيد وآحوك=لكن ينهاني عن الشر ناهي
الصبر لي عادة وبي عزة املوك=لكن ما احب الفخر والتباهي
بابي عن الزلات والعيب مصكوك=تمنعني اخلاقي ووجهي وجاهي
؟؟؟؟؟؟؟؟؟=
( افكار )=
افكار في راسي تدور وهواجيس=صدري لها موطن وقلبي مهاجر
تصدع براسي مثل صدع المهاريس=وتطعن بقلبي مثل طعن الخناجر
ماهي على شان البنات الموانيس=نجل العيون ولابسات البناجر
ولا نتوّخ للوجوه المفاليس=ولا تعطف النظرة على كل فاجر
ولاعرجت بأطراف لندن وباريس=ولا هوّمت بظهور عوج الحناجر
ماتلطم الا في وجوه السناعيس=ولا تطعن الا في النحر والمحاجر
ياهيه ياللي غربتك الكوابيس=في العصر مستشيخ وفي الصبح تاجر
المشيخة ماهي بلبس البرانيس=ولا هي بوجهٍ ما اسفعته الهواجر
الشيخة اللي ما تثبت بتاسيس=مثل الجدار اللي على راس حاجر
خل الشياخة لابن هدلان وجريس=وشايع الامسح وبرجس وساجر
اهل البيوت العامرة بالنواميس=واهل السيوف الحدب يوم المشاجر
؟؟؟؟؟؟؟؟؟=
( على عادتك )=
على عادتك ياوسع صدرك يبو عواد=سعة تحرج الخصام وتهز ميقافه
ترد السيول على وراها وهي تعتاد=تفج الديار وتاخذ الارض مدلافة
يقولون اذا قابلت خصم اجل الميعاد=على شان تكسب وقت وتضيع اهدافه
وانا اقول اذا مالك عن المعركة مشراد=تخير لوجه الخصم ضربات خطافة
ولخبط له اوراقه ونغص عليه الزاد=وخله مع العالم حكاية وسولافة
اقوله وانا مالي مزارع ولا ميراد=ولكن كلمة حق بالصدق هتافة
لون ان البشوت تشيخ النذل والمرباد=غدى كل نذلاً شيخ اذا لبس اكتافه
واذا الشيخ تشري لحيته تحلية براد=فلا تعتب على تالي الحي واطرافه
وانا في الحقيقة ما اعتب الا على الاجواد=اذا غضوا الانظار واغضوا على التافه
نهاراً يصبحهم بناراً وقدح زناد=وليله يبيتهم على موعد القافه
؟؟؟؟؟؟؟؟؟=
( يارب )=
ياربي لك الامر وبك الحول والتكلان=إذا امسيت في صدعاً من الارض وحداني
وهالوا علي التربة الربع والخلان=وراحوا على بيتي يعزون ورعاني
وجوني ملآيكتك يسالون عن ماكان=وطاح الغطا وامسيت في داري الثاني
فيا ذلة الموقف ويامعظم الخسران=إذا قلت وش قدمت لي قلت ما امداني
سهيت ولهيت وتهت في غاية الخذلان=واطعت الهوى واصغيت لابليس وارداني
؟؟؟؟؟؟؟؟؟=
(ربا عيات )=
لي مدة امشي كني آطى على ماس=والارض من حولي بحوراً تصافق
صرحت حتى ضاق مني اقرب الناس=وجاملت حتى خفت اسمى منافق
ياموسع الدنيا على خالي الراس=اللي لها في كل حلة مرافق
ويامضيق الدنيا على طيب الساس=اللي لهزعات الخنا ما يوافق
؟؟؟؟؟؟؟؟؟=
(ربا عيات )=
الحظ ياوافي شريطه منّوع=أما طلع ممتاز وإلا مشوّه
وأنا على ماقيل حظي مكوع=لاهاضني برقه ولافاض نوّه
إن قلت لي بيتين قالوا مطوع=وش فيه داخل جوه ماهو بجوّه
مادام فعلك مثل مسكاً تضوع=اللي على بالك تسويه سوّه
؟؟؟؟؟؟؟؟؟=
(ربا عيات )=
بين المشالح وبين اصحاب بعض الكتوف=نبوةً قالها الشعار وتحققت
لوالملابس تبدل شاينات الظروف=كان القلوب اقتفاها خير وترققت
الله من كلمةً في الصدر عيّت تطوف=مافكرت في عواقبها ولا دققت
ولا المشالح لها قلباً وعيناً تشوف=طارت عن اكتاف بعض الناس وتشققت
؟؟؟؟؟؟؟؟؟=
(ربا عيات )=
دخلت القصور وشفت فيها ترف واسراف=وسكانها عن حاجة الناس ما تدري
وشفت العشاش اللي تنصب في الارياف=تقول انها ما عام خمسة عشر هجري
وشفت النشاما ياكلون الرغيف الحاف=ولحم الغنم يشبع به الكلب والنسري
يولون نسمع بالغنا بس ما ينشاف=وهم في زمان العلم والعلم العصري
؟؟؟؟؟؟؟؟؟=
(ربا عيات )=
ياهيه ياللي ممتلي كبر وغرور=الطيب عادة والتواضع جبلة
دكتور وش يحصل لو أصبحت دكتور=تحتك تراب وفوقك أنجم مطلة
والله ولو كنت بنظر مقلتي نور=لو كنت مستحوذ على القلب كله
الشوف والله لاطمسه طمس ويغور=والقلب والله لاشلعه من محله
جمع القصائد وترتيبها وتنسيقها (جندب المالكي)


 
 توقيع : البشرآن


التعديل الأخير تم بواسطة جندب المالكي ; 09-24-2019 الساعة 12:44 PM

رد مع اقتباس
 

مواقع النشر (المفضلة)

الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع إبحث في الموضوع
إبحث في الموضوع:

البحث المتقدم
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Version 3.8.4
Copyright ©2000 - 2019, Jelsoft Enterprises Ltd diamond
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education
هام // ليس بالضرورة ان تعبر جميع المشاركات عن وجهة نظر المنتدى بل تعبر عن وجهة نظر صاحبها
اختصار الروابط
vEhdaa 1.1 by NLP ©2009