قصة وطن

((( قصة وطن ))=
قصّة جزيرة واهلها شرق اوجنوب=وشمالها والغرب تحكيها السنون
كانت حياة الناس غالب ومغلوب=والغالبين اليوم بكره يُغْلَبون
جيران في الديره بجيرتهم ندوب=كانوا على الماء والكلا يتحاربون
كنا نطالع للنجوم وللنصوب= وان غيّب الغيم القمر يستبشرون
نسير طول اليوم في سهل اوحدوب= اولاد محكومين واهلاً يحكمون
وبعد الزوال الشمس مالت للغروب = وليلنا اقبل في هدوئه والسكون
قام الشفق يبدي وتجمعنا الدروب=بعد الغروب افراد الاسره يلتقون
مترفعين عن النمائم والغيوب=وافراحنا عادات مافيها مجون
مع الجهل نمشي بتخطيط امحسوب= رغم الهموم اللي غشتنا ابكل لون
كان التعاون بيننا ابعاد او قروب=للطائحه كل الجماعه يفزعون
وضيفنا نلقاه بالصدر الرحوب= نعطي اليسر والناس ما يتكلفون
وغنيّنا ماشال ماله بالجيوب=ولا شبع وعيال جاره جائعون
كان الكبير ان قام عن ربعه ينوب=وإن هرج كل القبيله ينصتون
كنا نعيش أمال واحلام ورغوب= نبني وطن ننسج كفن ننثر شجون
اهمّ رغبه ماء وزاد او لبس ثوب=وباقي الآمال تحكمها البيون
يعلّمونا كيف هو بذر الحبوب= وكيف نحمي ما لنا مالطامعون
كانت تنغّص عيشنا تلك الحروب=وحدايل البارود تألفها العيون
كان الغزو والنهب عادي بل وجوب=ربعاً ما يغزون العرب يُسْتحقرون
كنا نقول الدين ساكن في القلوب=حتى لو اخطينا خطايانا تهون
وكم جهلنا واحتقرنا من يتوب=والجاهلون إلى اذنبوا يتفاخرون
حتى غطانا حكم جالين الكروب=آل السعود الموجعون المطعمون
ابطال في البيدا يردون الخطوب= ويجرّعون الخصم من كاس المنون
دستورهم قرآن من يجري الهبوب= والسنة الغراء بها يتعاملون
لهم تطيع الكود وتذل الصعوب=ويسود فينا العدل وتزول الغبون
عشنا ابرغد وانعام مافيها سبوب=يشهد عليها احبابنا والحاسدون
لاحقد لا عدوان لاغزو او نهوب=الشعب واحد والرعاع ايحاسبون
من بعد كان البعض يفخر بالذنوب= هالحين صاروا لاذنبوا يستغفرون
والعلم ساد على الجهل في كل صوب=والناس عقب الخوف باتوا يأمنون
يعيش شعب المملكة ذخر الشعوب= في ظل قاده للدخيل يزبّنون
الشيخ/ احمد ابو طلايب المالكي=