اللهم أصلح لنا ديننا الذي هو عصمة أمرنا وأصلح لنا دنيانا التي فيها معاشنا وأصلح لنا آخرتنا التي إليها معادنا، اللهم لا تجعل الدنيا أكبر همنا ولا مبلغ علمنا ولا إلى النار مصيرنا، اللهم لا تجعل مصيبتنا في ديننا، اللهم اجعل الحياة زيادة لنا في كل خير والموت راحة لنا من كل شر، اللهم اختم لنا بخير واجعل عواقب أمورنا إلى خير وتوفنا وأنت راضٍ عنا. اللهم أصلح أئمتنا وولاة أمورنا وآمنا في أوطاننا ودرونا، اللهم اغفر جميع ما مضى من ذنوبنا واعصمنا فيما بقي من عمرنا، وارزقنا عملاً زاكياً ترضى به عنا, خذ بنواصينا إلى الحق، واجعل الإسلام منتهى رجائنا. اللهم لا تدع لنا ولا لأحد من المسلمين هماً إلا فرجته ولا ذنباً إلا غفرته ولا مريضاً إلا شفيته ولا ميتاً إلا رحمته ولا ديناً إلا قضيته ولا مبتلى إلا عافيته ولا عسيراً إلا يسرته ولا كرباً إلا نفسته ولا حاجة من حوائج الدنيا والآخرة إلا يسرتها. أقول قولي هذا وأستغفر الله لي ولكم. |

(رجالاً توفاهم الله من قبيلة البشرآن)
                                                                                                                                                                                                                             
تابعونا عبر تويتر تابعونا عبر فيس بوك

الإهداءات


العودة   الموقع الرسمي لقبيلة البشرآن بني مالك > ►☼۞۩】ركــــــن الادب【۩۞☼◄ > الشعر الفصيح والشعبي


ملف خاص بعميد شعراء الخليج الشاعر الكبير أحمد الناصر الشايع رحمه الله

الشعر الفصيح والشعبي


إضافة رد
قديم 01-09-2017, 08:30 AM   #1


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 01-24-2017 (01:15 AM)
 المشاركات : 435 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
 اوسمتي
ادارة وسام التميز 
لوني المفضل : Brown
افتراضي ملف خاص بعميد شعراء الخليج الشاعر الكبير أحمد الناصر الشايع رحمه الله






ودعت الساحة الشعرية مساء أمس الاحد 10 ربيع الآخر 1438هـ أحد أعمدتها الشاعر الكبير أحمد الناصر الشايع، بعد معاناة طويلة مع المرض.
و"الشايع" من سكان الزلفي، وقد خاض ميادين شعر النظم والقلطة وأبدع في ذلك غاية الابداع ، وله قصائد شعبية تعد
من عيون الشعر الشعبي.
هو أحمد بن ناصر بن علي بن شايع بن حمد بن محمد المسعري الزمامي الدوسري، ولد في عام 1339هـ في مدينة الزلفي، وهو شاعر مخضرم من شعراء النظم والمحاورة.


 
 توقيع : الناطق الاعلامي



رد مع اقتباس
قديم 01-09-2017, 08:34 AM   #2


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 01-24-2017 (01:15 AM)
 المشاركات : 435 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown

اوسمتي

افتراضي



حياته والشعر
نشأ وترعرع في الزلفي طوال حياته، بدأ بكتابة الشعر منذ أن كان عمره 14 سنة، عرف عنه أنه من نجوم شعر المحاورة ولقب بأمير شعراء المحاورة ولعب أول محاوراته في مدينة القريات الشمالية
(قريات الملح سابقًا)، ولعب بعد ذلك مع كثير من عمالقة المحاورة في نجد في جيله أمثال عبدالله لويحان و علي أبو ماجد وناصر بن مشيب الشيباني وعلي القري و البحر وكانت هذه المرحلة الأولى ،
ومن ثم اجتمع مع شعراء الحجاز أمثال محمد الجبرتي ورشيد الزلامي وصياف الحربي ومطلق الثبيتي وخلف بن هذال ومستور العصيمي وفيصل الرياحي و غيرهم الكثير ، ومن شعراء ا
لخليج مرشد البذال وصقر النصافي ولعب المحاورة أيضا مع ابنه
الأكبر محمد وشعراء محاورة أمثال سلطان الهاجري (وجنرال الشعر عبدالله بن شايق) وحبيب العازمي العتيبي وسعود الكريزي وسعود الجمعان المطيري وآخرين.
يقول الشاعر عندما سئل عن عدد من قابلهم من الشعراء : (أنا في كل ليلةٍ لي رفيق) على حد تعبيره، وقال أيضا في إحدى مقابلاته عن رؤيته للشاعر سليمان بن شريم للمرة الأولى والوحيدة
في حياته وقال أنه رآه في سيارته في إحدى قرى سدير في نجد : (شفته مرةٍ على ظهر لوري الله يرحمه) ، أيضا في واحدة من المقابلات التلفزيونية تحدث المذيع عن ما يحدث في ساحة المحاورة
من أن بعض الشعراء لا يريد أن يقابل شاعرا آخر بعينه أيًا كان السبب، سوى أنه أقل منه في المستوى الشعري أو التاريخ الفني أو تهميشًا له، وقال الشاعر : (ذبّاح أبوك لو جا تلعب معه) ،
بقصد أن المحاورة هي للتسلية وليست للتحيز والنرجسية وأنها من إسمها (لعب) وليست مكان للبغض والكره


 
 توقيع : الناطق الاعلامي



رد مع اقتباس
قديم 01-09-2017, 08:35 AM   #3


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 01-24-2017 (01:15 AM)
 المشاركات : 435 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown

اوسمتي

افتراضي



قضى قرابة ٨٢ عاما من عمره في مزاولة الشعر، حتى أن بعض الشعراء الذين مروا عليه في ساحة المحاورة أعدوه مدرسة للشعر الشعبي نظما ومحاورة، وكتب كثيرا
من القصائد التي غنّيت لاحقا من قبل بعض الفنانين الشعبيين المميزين مثل الفنان سلامة العبدالله والفنان حمد الطيار و الفنان خالد عبدالرحمن والفنان عزازي وغيرهم الكثير،
مرورا بفناني الخليج أمثال عائشة المرطا و علي عبدالستار


 
 توقيع : الناطق الاعلامي



رد مع اقتباس
قديم 01-09-2017, 08:37 AM   #4


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 01-24-2017 (01:15 AM)
 المشاركات : 435 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown

اوسمتي

افتراضي



دواوين شعرية
عرف عنه أنه عاشق للبحور والأوزان الشعرية الطويلة التي يُعرف أن أحمد الناصر عشقها وابتكر بعضها مثل المعوشر وغيره، له عدة دواوين صوتية وديوانه النصي الشهير
(نسمات الربيع) الذي طبع للمرة الأولى سنة 1384هـ وقام بتقديمه الأستاذ عبدالكريم الجهيمان.[1] والديوان الجديد تحت التنفيذ (ديوان احمد الناصر الشايع).


 
 توقيع : الناطق الاعلامي



رد مع اقتباس
قديم 01-09-2017, 08:38 AM   #5


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 01-24-2017 (01:15 AM)
 المشاركات : 435 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown

اوسمتي

افتراضي



الابناء
محمد بن احمد الناصر الشايع. (متوفي)
فهد بن احمد الناصر الشايع.
ناصر بن احمد الناصر الشايع
عبد الرحمن بن احمد الناصر الشايع المعروف بالشاعر (مجازف)
عبدالعزيز بن أحمد الناصر الشايع. (متوفي)
عبدالله بن احمد الناصر الشايع.
شايع بن احمد الناصر الشايع.
بدر بن احمد الناصر الشايع. (متوفي)


 
 توقيع : الناطق الاعلامي



رد مع اقتباس
قديم 01-09-2017, 08:40 AM   #6


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 01-24-2017 (01:15 AM)
 المشاركات : 435 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown

اوسمتي

افتراضي




روائع الشاعر الكبير احمد الناصر الشايع
أمبراطور شعر النظم والمحاورة
نهار سبعة عشر=
نهار سبعة عشر سبعة بتالي رجب = ياليتني مادخلت السوق وانا أجنبي
العصر مريت يوم السبت سوق الذهب = لقيت مخلوق لاهندي ولامغربي
مكمّلٍ بالجمال وبالحسب والنسب = قلت السلام وتبسم قال لي وش تبي
بغيت اعرفه وش اسمه مار مالله كتب = يقول ابي سمعتي واخشى على مذهبي
قلت الظليمة حرام بكل حشمة وادب = قالت معي علم وصانا عليه النبي
أنشد ولايلحق النشـّـاد لوم وعتب = أنا غريب وقضى ماي وقضى مزهبي
أنتي من أهل الكرك والدير , ولا حلب = قالت يشيب الولد ماحصل اللي يبي
قلت أنتي من السويد أهل الفرح والطرب = قالت بلاد العروبة رغبتي وطلبي
أنتي من اهل الخليج مخلصين النشب = قالت من المسلمين وجد ابوي عربي
أنتي ربيتي بدار مطوعين الصعب = ببو ظبي يازريف الطول ولا دبـــــي
قلت انتي من أهل نجد معزلين السّرب = قالت ورى البحر الابيض شعبي ومنسبي
قلت انتي من اهل مصر وزاد فيها الغضب = قالت لاوالله يعني مذهبي وذهبي
قلت انتي من الكويت مفرجين الكرب = قالت جنوب البحر بحدود مرمى الظبي
واللي يقول الهوى كله خطر ماكذب = قلت اوعديني وعد بس اذكره واكذبي
قالت رجاجيل شط النيل مع من غلب = اليوم انا راضية واخشى يزيد غضبي
قامت تعجّب وقالت يازمان العجب = يالايم أهل الغرام أنا أشهد انك غبي
عليك رسم البداوة والزمان انقلب = قالت عظامي ودمي واللحم وعصبي
أنا من البدو كان الدم وصل الركب = يوم السلاح المفتـّل والرصاص حلبي
ابوي قال الدبش يسرح ولاله جنب = رمحي بيمناي والبندق على منكبي
نهار سبعة عشر سبعة بتالي رجب = ياليتني مادخلت السوق وانا أجنبي
آه من قلباً=
آه من قلباً هواجيسه تلوفه = مع همومه كل ما اقفن واقبلني
لاذكرت اللي زها الحنا كفوفه = يالطيف الحال طار النوم عني
ليت عيني وان بغت شوفه تشوفه = كود قلبي يستريح ويرجهني
حيث عيني عن هوى غيره عيوفه = ماتبي غيره لو انه غاب عني
والله اني طحت في حال المروفه = حيلتي كثر التوجد والتمني
ماذبحني كود من تذبح وصوفه = من جميع البيض حبه ممتحني
عنز ريم مابعد رامت اخشوفه = قايده للصيد ترعى كل فني
والجوازي كنها معها معسوفه = يوم تجفل كلبوهن يجفلني
هرجت العشاق يازين معروفه = والغلا باقصى الضماير مستكني
الهوى مثل المغازي والنكوفه = والقصيدة من سمع فيها يغني
القمر يظلم الى بين كسوفه = لاتبين للعرب ظنك وظني
لازم راعي الهوى تكثر صدوفه = لو يطولن الليال او يقصرني
والمعافى ملحق الدنيا حسوفه = ماطعنه اللي من الفرقا طعني
لو تروح الروح للزين مخلوفه = والعذارى يبعدٍ او يقربني
يا بعد نوم الليل=
يا بعد نوم الليل عن حجـر عينـي =صبر على ما صار من وال الأقدار
صبرت صبر بـاح منـه الكنينـي =أضحك مع العالم وكني علـى نـار
ما غير أهوجس بين نفسي وبينـي =يعلم بها العلام فـي كـل الأسـرار
تقل اتحـرى لـي علـوم تجينـي =مع الطروش اللي يجيبون الأخبـار
فهمـت رأس العلـم مـن كلمتينـي =من يوم قالوا جـا محمـد ونصـار
تكسّـرت عقبـه جرايـد يميـنـي =عز الله اني عقب ما صار صبّـار
مـن عقبهـا ونيـت لـي ونتينـي =ونة غريب بالخلا ضـاع واحتـار
لـولا الله أبـرك ثـم قـوة يقينـي =لا طير مثل الطير من كف صقـار
تخنقنـي العبـره وأفـرّك يدينـي =واحترت مثل مصالي النار والغـار
علـم يخلـي كـل قاسـي يلينـي =كنه على قلبي رصـاص أم كـرار
الـى ذكـرت عيالـه المصغرينـي =هــذا يعزيـهـم وهــذاك زوار
احد على جنبه واحـد لـه ونينـي =جتني هموم القلب من كل الأقطـار
قلت اصبروا والله مـع الصابرينـي =الله يكافيكـم صواديـف الأشـرار
عسى عوضنـا الحـي بالميتينـي =ناصر ونايف ذخرا سـر واجهـار
وأحمد وعبـدالله ذرانـا الحصينـي =صغار سن وان بدا الـلازم كبـار
يجبر عزاي اللي بخلقـه ضمينـي =محيي العروق الميته عقب الأمطـار
مالي عن المكتوب فـوق الجبينـي =لو رحت شرق وغرب ويمين ويسار
صليت نصف الليل لـي ركعتينـي =أطلب لـه اللـي للخطيـات غفَّـار
خفف ذنوبه يـا أرحـم الراحمينـي =في ماقفٍ ما ينفعـن فيـه الأعـذار
جعله برضوانـك مـن الفايزينـي =بالماقف اللي به يضيعـن الافكـار
في ماقفٍ بـه كـل خافـي يبينـي =تمت وصلى الله على سيد الأبـرار
يامل عيناً =
يامل عيناً الى جا الليل عيت لاتنام = تكثر عليها الروابع يامعين الصابرين
من عقب ما استبشرت بالنور وانجال الظلام= شافت من الغيظ مايملي نظرها مرتين
لا وهني المعافى مايلوم ولا يلام = مستانس لو يزين الوقت ولا مايزين
ماذاق مر الفراق وفارقه حلو الغرام = والولف ملاك ما يحتاج عراف وظمين
الصاحب اللي هدب عينه مثل ريش النعام = ما يلتفت مع طريقه من يسار ومن يمين
اكبر مصيبه ليا سلمت ما رد السلام = مدري وش اللي خطر في بال وضاح الجبين
إن كان لك يا اشقر المجدول في هجري مرام = صبرت صبر الجمل بارضاك لو ضلعي متين
الموجب انه ملكني حب مردوع الوشام = لا خير في عشرتن ما هيب في حرزن مكين
هو حق ياللي تعرفون الحلال امن الحرام = يسهر عيوني ويدعي سري الخافي يبين
العشرة الصافية تقود أهلها بالخزام = ما تختلف عشرة الغالي على طول السنين
وان كان عقب البطا فك اللحام من اللحام = ما عاش أبو نية وحدة مع أو نيتين
ياصاحبي ما تساون الغوارب والسنام = من خف ميزان قدره لو قلبه ذهين
لو شفت منك الجفا مارضى على عيني تضام = قطعت منك الرجا كنك مع الميتين
أذن المـذن=
أذن المـذن ونـادى طـول صوتـه بالمنـاره=وقمت طولـي للسفينـة ثـم فليـت الشراعـي
لو يزيد الموج مانـي فالبحـر سـواق طـاره=عارفٍ مجرى السفينـة فـي نـزولٍ ورتفاعـي
كـل رجـال ٍ هواجيسـه علـى قـد اقـتـداره=والحظيظ اللي مع العربـان عاقـل واجتماعـي
العرب لـو بشرونـي كـان سلمـت البشـاره=في بيوت مخترعهـا طيـب العـرف اختراعـي
بين الأثنيـن المفاهـم فـي محلـه والمشـاره=لو يجون اخوان صلب أو هم خوان من الرضاعي
حجة الغايب معه ومـن اعتـذر قبـل اعتـذاره=مايضيقن النفوس ولا الـدروب اللـي وساعـي
وانـت عنـدك لاتعلـم بالثمانـيـن الـحـراره=والهروج الضايعة مثل الهمل من غيـر راعـي
صابر بالحـق دام الحـق مـن جـار ٍ لجـاره=لو نجيبه دين ياصالـح مـن البنـك الزراعـي
والسعادة حـظ والا العـرف والمعنـى شطـاره=لو رضاك بعيد اسافر له على النقـل الجماعـي
وسع الخاطـر ولابـه كسـر يحتـاج الجبـاره=دايم العاقل وسيع ابطـان ماهـوب انـد فاعـي
اعتذرت من الرفيق وزبـدة الهـرج اختصـاره=إن عذرني كثر خيره وإن ومر بأمـره مطاعـي
قصة جت من رفيقك غصب من غيـر اختيـاره=سألفـه ومخالفـه ماودنـا الهـيـن يـذاعـي
البارحة واليـوم=
البارحة واليـوم عينـي طواريهـا كثيـره= عيني طواريها كثيره وش اسـوي بعينـي
ماجا خبر وعلوم وطروش من ديره لديـره= وطروش من ديره لديره يسلـون االحزينـي
من ينصر المظلوم كوده الى سمع السريره=كوده الى سمع السريره حكم بينـه وبينـي
هجر وسهر وهموم ضاقت على كل الجزيره=ضاقت علي كل الجزيره وانا ضلعي متينـي
لاهل الغرام سلوم ومصيبه الفرقى كبيـره=ومصيبه الفرقى كبيره عساهـا ماتجينـي
عيني تعاف النـوم بالليـل يالله الستيـره=بالليل يالله الستيـره يبـا الخافـي يبينـي
نادو عقيد القوم ياقـوم ملـزوم استشيـره=ياقوم ملزوم استشيره لـو انـه مايبينـي
يازارع اليشموم ليتك تبيع بحسـن سيـره=ليتك تبيع بحسن سيره علـي او تشترينـي
ان بعت باول سوم سموك ابو خير وخيـره=سموك ابو خير وخيره وابو قلـب فطينـي
رضيت بالمقسوم سافر عساها لك سفيـره=سافر عساها لك سفيره وانا وش في يديني
انا له المحكوم ماهمنـي مخلـوق غيـره=ماهمني مخلوق غيـره بحبـه مشترينـي
لو قيل لي منجوم راضي وخلوها قصيـره=راضي وخلوها قصيـره ولا بّيـح كنينـي
نـهار ثالث=
نـهار ثالث عــقب عيــد رمضــــاني =ناس عطاها الله وناس محرومه
أحداٌ قضى عيده ســــلام وتهانــــي =وأحداٌ توصله الكواكـب همومــه
صادفت صدفه من صدوف الزماني=منها قوي الحيل تفتــر عـــزومه
هذا زمـــان الهـــــم والإمتحانـــــي =وقت على قلبي تعاقــب سهــومه
الاولــه كـــامل جميـــــع المعـــاني =مزبن المضيون شرع الخصومه
محمــد اللـــي فالقســـى والليــــاني =عقبه سمـايه غــــايبات نــــجومه
والثانيــه باقـــرب قريــب ودانـــي =خامــس عيالي يوم جتني علــومه
قـالوا مابين الخـــاصره وحلبــاني =ولدك مـات اللـي تـرجـى قـدومـه
جـاء يومه المـوعود باربـع ثواني =قـلت السـبب قـالوا دنا منه يـومه
عــلم عـلى الكبد الصخيفه كواني =كـية عطـب ما تنشكـى للحكومـه
تهشمت كـــل الضلوع المــحاني =مـفجوع والمـفجوع ماحداٌ يـلومه
أخذت لي ساعـه وأنـا في مكـاني =حسبت لي عشرين طيحة وقومه
ألـيا بغـيت الهـرج ييبـس لسانـي =والذاكره عـندي تـقول معـدومه
قــمت أتلــفـت وتسـمـع بـاذانـي =مـن شـاف حـالي ماتهنـا بـنومـه
مما بقـلبي رحـت باللـيـل عـاني =للـموتر اللي مابقى ألا رسـومــه
عـن روحـتي ياليت ربي نهـاني =ولا شفت دمه ساٌيـح في هـدومه
قـمت ودفنتـه والـله المـستعـاني =في خـرقة بيضا عـليه مـحـزومه
يـم الـقويـعيـه بـلاد قـحـطـانــي =والـحر غـير لون وجهي سمومه
وأقفيت من عنده وعشري ثماني =مـثل المـصبـح والبـلاد محكومـه
والله لـولا نـي وســيع البطانـي =لا صكها مثل أشقر الريش حومه
طاوعت نفسي مير عقلي قواني =عـن الخطا ما فيه نفس معصومة
ليت العمر=
ليت العمر ينباع والله لشريه = وأروح للطيّب وأزوّد سنينه
وإلا الردي لعل تقصر لياليه = ما من وجوده فايده خابرينه
أفزع مع الطيّب عسى الله يخليه = اللي لفعل الطيب تبذل يمينه
خل الردي لعل تكثر بلاويه = ثقيل دم وفوق ذا ثقل طينه
ياللي عبيده تطلبه ثم ترجيه = أعطف على عبدك وقوّه بدينه
وإلا الردي ما همني وش يجي فيه = لو غاب ما همب العرب فاقدينه
لا واحسافه كيف يصبح مساويه = النذل والطيّب سوى بالسفينه
مواقف الطيّب تعزه وتغليه = وإلا الردي لعل ربي يهينه
أشكي على اللي شامخات هقاويه = أبو محمد جعل ربه يعينه
مواقفه هالحين وإلا بماضيه = ترفع له البيضاء على أعلى جبينه
اللي يلبي كل صوت يناديه = رجل المواقف كلنا عارفينه
إليا لفى كل الجماعة تحييه = أحد يحب الخشم وأحد يدينه
من حشمته كل يحبه ويغليه = أبو محمد جعل يبطي ونينه
أقول كلمة حق والله ما أرجيه = أرجي كريم كلنا عابرينه
كل من عاش=
كل من عاش بالدنيا يشوف العجايب = مثل ماشفت بالدنيا وشفته باهلها
قمت ابرق وافرق بين مخطي وصايب= مثل فرق الجبال النايفه من سهلها
والتوافيق عند حظوظ و وهايب = عند رب يجازي كل نفس بعملها
اشهد ان الهدوم يسترن المعايب = اثرها تستر الحرمه وتستر فحلها
الاوادم بعضهم مثل وصف الجلايب= لو توحد بها ذيب الخلا كان اكلها
كم صبي تحسب انه ع الضرايب = وان بخصته , كرهت الديره اللي نزلها
مايسر ان حضر , وان غاب ماقيل غايب = مار الارزاق عند ربٍ لخلقه كفلها
مايضد الضديد ولايفيد القرايب = يوم نفسه تعدى حدها من زعلها
وفيه رجل يحل المشكله والنشايب = كل ماحملوه الواجبات احتملها
وااقفٍ للزوم ومرتكي للنوايب= والحمول الثقيله مالها الا جملها
ليت روحه قبل تركز عليه النصايب =حط عنه اربعين من الزلايب بدلها
وفيه منهو مسالم مايحب الطلايب = مشتقى من رضى نفسه ولا من زعلها
وفيه منهو اذا كبرت عليك المصايب= ساق وجهه وجاهه لك ونفسه بذلها
وفيه منهو يبا الجودا فلاشك هايب = كل ماناض صدره جى عضوده خللها
وفيه منهو يحل المعجزات الصعايب = اصغر افعاله الجزلات محدن فعلها
وفيه منهو يعيش وعيشته بالسبايب = كل ماسمعله غلطة من رفيقه نقلها
وفيه منهو على نفسه رضى بالغلايب =الله اللي رفع نفس ونفس خذلها
لو تبي تنصحه لله نجر الهبايب = انكرك والنصيحه ردها ماقبلها
اشهد انه عقوبه من كبار العقايب = قاصر المعرفه قلبه كما قلب بلها
ياناس=
ياناس قولوا لغـض العـود=.تكفون ياناس قولو لـه
ما اشوف له من عذابي زود=.كثر التصاديد وش هو له
ابو ثليـل اشقـر مرجـود=اسمع بذكره ولا اطولـه
وعيون نجل هدبهن سـود=يذبح بهن من يجي حوله
ياكثر الأزوال بيض وسـود=ماهم بمثلـه ولا حولـه
عقب المودة جفا وأصـدود=ماشفت زول مثل زولـه
إن مت ابا القى عليه اشهود=عنقه وخدّه ومجدولـه
أسهر وكل العيـون رقـود=اليا تباطيـت مرسولـه
يازين حبل الهوى ممـدود=لكن سجايـاه مجهولـه
يابدر قبل الليل=
يابدر قبل الليل قرب لي الفرت=شيك على البنزين والزيت كله
القير والدفرنس وإن كان ناظرت=به نقص راعي المشحمه مافطن له
عاير هواه وماه ولا تذكرت=شي يبيه اللي يبي فدوة له
حتى اللي مني على خير سافرت=أمشي ونفسي راضيه مسفهله
عن اللزوم اللي ضروري تأخرت=هات الخفيف وماتثاقلت خله
وإلي ظهرت من البلاد وتشطرت=ترى لزومي فيه جا وقت حله
إلى أنتحى قمت أذكر الله وكبرت=كنه يسابق تالي العصر ظله
لآمر عجلات المواتر وفكرت=لاكنهن وقاف مثل الإخله
طارٍ علي إلى مشيت وتنحرت=قصرٍ يسر اللي يجي عاني له
مارحت عنه يمين ولا تياسرت=قلبي يهذريبه وعيني تدله
ترى الدروب السود مهما تصاغرت=منها تراها عله فوق عله
وإلا الدروب البيض مهما تكابرت=ترى الحظيظ اللي تجي سكة له
إلى بغيت أفرج الهم سيرت=للي حجاجه للمسير يفله
اللي ليا إني جيت عنده تحيرت=فلة حجاج ومجلسه ماتمله
عز الله إني للصداقه تخيرت=اللي رفيقه مايشوف المذله
عبدالعزيز أكبر من اللي تصورت=الفعل فعل سعود والدل دله
بغيت أحبه ربع فعله وقصرت=بأول شبابه والفخر مقبل له
ياكم أماريبه وياكم فاخرت=ياسعد عين اللي يجي فزعة له
مالي عذر عن جيتك لو تعتذرت=ياللي تنزل كل رجل بمحله
عن طبع أبوك وعادته ماتغيرت=للي سنام المجد له مستحله
وردتها هداج تيما وصدرت=من سار مع درب فهو جايز له
بالله يا للي=
بالله يا للي تبا الفيحا عنيـزة ديـرة أهـل الفخـر=يا سعد منهم عضوده بالشدايـد والزمـان العسيـر
نطاحـة الكايـده لا قـل بالدنيـا بعيـر الظـهـر=الطيب منهـم وفيهـم كلهـم كبيرهـم والصغيـر
جعل السلامة زهابك بالطريق الـى نويـت السفـر=اسلم وسلم على عيال العميـم صغيرهـم والكبيـر
اهل الوفا والمـروّه والشهامـه لويشيـن الدهـر=من يديك ليدين صالح خذ كتابي جعل خيـرك كثيـر
يا بو محمد ليالينـا تصافـق مثـل مـوج البحـر=عجزت أميّز لها وجه او قفا يا الله مقسـوم خيـر
واحترت مدري وش اخذ وش اخلي بين هم وقهـر=المبتدا زين ميـر المقبـلات الله علـم وش يصيـر
اللي ذبحني بغير اسلاح ما جا منـه علـم او خبـر=اللي بعقلي وروحي في حياتي صايرن لـي خشيـر
متى على الله عيوني من صخيف الروح تملا النظر=القلب لولا الضلـوع اللـي يردنـه خطيـر يطيـر
كن الشهر لي سنه عقب التفـرق والدقيقـة شهـر=يا الله تلطف بحال المغرم العاشق عليـل الضميـر
يا صدق راع المثل قال الهوى والحب كلـه خطـر=والزين مثل الحيا متبوع مشهـاة الغنـي والفقيـر
اتلا الخبر يوم وادعنـي واقدمـاه طريـق الحفـر=للديرة اللي ورى الرقعي يقود القلب سلـك الحريـر
اصعب علي شوفته من شوفة اللي فوق سطح القمر=لا شك ابصبرا على ما صابني لين الفلـك يستديـر
ابتدي باللي=
ابتدي باللي عليه اعتمـادي= عالـم بالبيـنـه والخفـيـه
كل شـي مرجعـه النفـادي= غير والي العرش ورب البريه
دارنا الزلفي لياجا الوكـادي= مربـع الأجنـاب والآهليـه
دارنا اللي يوم وقت الطرادي= دونها نارد احيـاض المنيـه
كم طردنا من عـدو معـادي =ما يجبيها دام الـروح حيـه
جعل وبل السيل مع كل وادي=من حقوق المزنه العقربيـه
يسقي الزلفي نفود او حمادي= والجبل يمشي شعيب وشغيه
فعل اهلها عند حضر وبوادي= يشهد الرجلي وراعي المطيه
ربعي لـو ينـادي المنـادي= يظهرون اهل الوفا والحميـه
ما حد منهم وقف بالحيـادي =من ذكرهم فزعتـه واهنيـه
آه يامل عينٍ=
آه يامل عينٍ ماتنام = كن فيها رمد والا هزوم
أسهر الليل من زود الغرام = وآتقلب مغير اقعد واقوم
كن لي بالمرض عشرين عام = الله اقوى وهن عشرين يوم
ياهل الخير ودوا له سلام = سلموا لي عليه أكبر لزوم
لا تفك اللحام من اللحام = أثر قلبك على الفرقا عزوم
كيف أبنساك يا بدر التمام = جعل ربي يلوم اللي يلوم
الذوايب على حد الحزام = والردايف مثل شط الردوم
دام لي بالهوى شف ومرام = مابي الا انت بالدنيا عموم
غيرك من البيض عشرتهن حرام = انت مثل القمر بين النجوم
وانت نور البلد عقب الظلام = وانت جنسك مع الناس معدوم
من تولع بعرفك مايلام = ليت حبك تغطيه الهدوم
أشهد إنك تظيم ولا تظام = يا معذب قبيلك بالهموم
يقول من عدا=
يقول من عدى علـى راس مشـراف = كثرت هجوسه في طويل المشاريـف
مالي جدى إلا بالطويل ابـدع القـاف= أصخر عسيرات المعاني على الكيـف
يامل قلبٍ من هوى التـرف ينـلاف = لوف الهبوب اللي تسمـى العواصيـف
غديت مثل اللي علـى راس مهيـاف = أفرح إلى هب الهوى لي مـن الهيـف
يجيب ريح اللي جمع كل الاوصـاف = هاف الحشا المجمول ترف الاطاريف
قلبي على شوف أتلع الجيـد ميـلاف = أنـا مريـض و داونـي بالسواليـف
إلى ذكرتـه صـار بالقلـب رجـاف =أنـا علـى بعـده كثيـر التحاسيـف
جرح الهوى بالناس ما هوب ينشـاف= لا شك جرحك يا اريش العين بي شيف
من قبل أعرفك يالغضي مابي اخلاف = ومن عرفتي لك شفت سبع التخاليـف
شرّك عليّ يا زين من بـد الاسـلاف =همك بقلبي نشـف الـروح تنشيـف
صارت ضلوع القلب عيدان صفصاف= عليك ما تنطح هبايب هواء الصيـف
أوجس بقلبي لك تقل ضـرب نـداف = عندك خبر وشلون ضرب المناديف
لياك تسـرف مابـلا الله بالاسـراف = إرفق إبحالي يـا حسيـن التواصيـف
خل السهر يا زين من بيننـا أنصـاف = ما فيه عاشق ما يجي لـه صواديـف
لا جزيت بخير=
لا جزيت بخير يا ذاك الشعيب= كل ما مريت من عندك بكيت
أذكر اللي قد مضى وانحب نحيب = ليتني باقصاك ما بعت وشريت
المودة جرحها جرح عصيب = وانت يا مضنون عيني مادريت
ليت زولك عن عيوني ما يغيب = أشهد إني في المحبة قد بليت
الله أكبر ياحمامٍ=
الله أكبر ياحمامٍ صلاة العصر ناح = وانشغف قلبي معاه لاجزاه الله بخير
الله أكبر يوم نضنض ورفرف بالجناح =ودي اتبع ساقة الراعبي وازريت اطير
ودي اتبع ساقته بالمقيل وبالمــــراح = شوف عيني بين هاك المباني يستدير
واهنيك بالمــسا ياحمام وبالصـــباح = كل يوم تشاهد الترف ملهوف الضمير
ياحمام الورق قل للغضي سيد المـــلاح =عن ذهابي قل لزين الوصايف يستخير
وصف خده بارق الوسم من منـــشاه لاح = يوم شعشع زاد نور البلد عقب الأخير
والعيون عيون خشفٍ تربى بالبيـــاح = كل ما هبت نسيم الهبايب يستذير
يامريح القلب قلب المولع ما اســتراح = تقل يجذب للهوى في سلوكٍ من حرير
اتضيم واتهضم وانا مالي صــــــلاح = واتقلب طول ليلي مثل وصف الكسير
ياهلي لولا الهوى كان اطنب بالصياح =عقب فرقا الترف ماادري وش الدنيا تصير
كن بعيونه لراع الهوى زرق الرمــاح = هو خطر واللي تولع معه قلبه خطير
يقول اللي=
يقول اللي جميع الناس مايدرون وش فيه = مريضٍ خاطره لكن على سده يلاوي
عيوني ماتنام وعذبت قلبي طواريه = ألايالله لاتقطع رجا القلب الرجاوي
تزايد علتي لاشك جرح القلب أخفّيه = وهذي عادتي في سدي الخافي غلاوي
أخاف من الغشيم إلى سمع هرج يوفّيه = يحسبه مع دليل وعن طريق الرشد غاوي
ترى بعض السوالف تِـفْرق الغالي وغاليه = وأنا عن عرف بعض الناس مستد وغناوي
هني اللي مرِيحٍ خاطره والله معافيه = ولاصابه من الفرقا غرابيل وبلاوي
ينام الليل كله بالموده وش يدريه = فلاشك البلا اللي حل فيه أمرٍ سماوي
إلى جا الليل أغني باوله وابكي بتاليه = أثر جرح الهوى يااهل الهوى ماله مداوي
أنا اظن الهوى مخطور ياخذ روح راعيه = وزرع القلب أشوفه من ثلاث سنين ذاوي
أعزي العين مار القلب مدري من يعزيه = أثر بعض العرب سيله على ذبحي نحاوي
ألا يا ناس خلوني طويل الرجم أعديه = ترى قلبي طواه من الفراق الشين طاوي
أسلي خاطري مار العزا مانيب قاويه = إلى مني ذكرت اللي مثل عين النداوي
تهل العين كدر دموعها من قبل صافيه = ولا تنلام عيني حدها القلب الشقاوي
أنا من عام الأول ناصحٍ قلبي وناهيه = بلاه الله بعشرة واحدٍ ماهوب ياوي
دخيلك يا أشقر المجدول هم القلب يكفيه = أبي منك السلامه قبل تكسير العزاوي
تشح بهرجةٍ يفرح بها قلبي وتحييه = جميع الناس مااسمع هرجهم كني خلاوي
أخفّي علتي والسد ما ابيعه ولا اعطيه = ولاودي يطُولنّ السوالف والدعاوي
عسى من حداني=
عسى من حداني عنك ياضامر السرجوف = يحده على ما تكره النفس خلاقه
لعله يشوف مصيبته في عيونه شوف = مثل ما كسر قلبي عسى تنكسر ساقه
وانا ويش اسوي ياهل العرف والمعروف = ولا اقوى العزى والعين للزين عشاقه
احبك واحب اللي يحبك واحَـلْف حلوف = وعيني لشوفك ياريش العين مشتاقه
وانا حالفٍ بالله لولا الحيا والخوف = لأربّع بوسمٍ يجهر العين براقه
انا المُـولَـع المغرم وانا العاشق المشعوف = وانا المبتلى في حب من شوفه اشفاقه
سلام يالوادي=
سلام يالوادي اللي قد نزلك العام مخلوق = مدري من اي النحايا راح من ديرة لديرة
لكن إلى جيت مدهاله وقفت وصابني عوق = يحتار عنده قدم رجلي وياقف عن مسيرة
ماهوب ودي ولكن حب خلي ساقني سوق = أناظر البيت من عقبه واسولف مع قصيرة
من كثر ما أقبل معه واقفي معه سويت طاروق = هذي سواة العشير اللي شكا فرقا عشيرة
ياشين فرقى الضحى شيناه والمطرود ملحوق = الله يظفي على اللي راح جنحان الستيرة
وشلون ابدله وقلبي مع صخيف الروح ماسوق = لا وا هني المعافى ماشتكى شره وخيرة
وانا تطارد هواجيسي وحمل الغبن مطبوق = اجحد صوابي عن العالم وانا روحي خطيرة
قالوا لي الناس خل المنتحي والحي مرزوق = والناس واجد ولكن ماتريد النفس غيره
هذا وانا خابرٍ راعي الهوى ماهوب ماثوق = والله فلا انسى العشير اللي عليّ يبدي السريرة
يقوله اللي يبي خله وله بالدرب خازوق = ماله جدى إلا تكسر عبرته بأقصى ضميره


 
 توقيع : الناطق الاعلامي


التعديل الأخير تم بواسطة الناطق الاعلامي ; 01-11-2017 الساعة 03:23 AM

رد مع اقتباس
قديم 01-09-2017, 08:43 AM   #7


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 01-24-2017 (01:15 AM)
 المشاركات : 435 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown

اوسمتي

افتراضي



لقاء مع أحمد الناصر الشايع رحمه الله
برنامج بيادر. المجد. مع محمد حمدان المالكي


 
 توقيع : الناطق الاعلامي



رد مع اقتباس
قديم 01-09-2017, 08:44 AM   #8


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 01-24-2017 (01:15 AM)
 المشاركات : 435 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown

اوسمتي

افتراضي



رحلة في وجدان الشاعر احمد الناصر الشايع 1من8 الجزء 1


 
 توقيع : الناطق الاعلامي



رد مع اقتباس
قديم 01-09-2017, 08:45 AM   #9


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 01-24-2017 (01:15 AM)
 المشاركات : 435 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown

اوسمتي

افتراضي



رائعة من روائع أحمد الناصر رحمه الله


 
 توقيع : الناطق الاعلامي



رد مع اقتباس
قديم 01-09-2017, 08:46 AM   #10


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 01-24-2017 (01:15 AM)
 المشاركات : 435 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown

اوسمتي

افتراضي



تعدا ثلاث شهور , أحمد الناصر الشايع


 
 توقيع : الناطق الاعلامي



رد مع اقتباس
إضافة رد

مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Version 3.8.4
Copyright ©2000 - 2018, Jelsoft Enterprises Ltd diamond
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education
هام // ليس بالضرورة ان تعبر جميع المشاركات عن وجهة نظر المنتدى بل تعبر عن وجهة نظر صاحبها
اختصار الروابط
vEhdaa 1.1 by NLP ©2009