عرض مشاركة واحدة
قديم 07-23-2013, 01:04 AM   #1
أبو عبدالرحمن


الصورة الرمزية جندب المالكي
جندب المالكي غير متواجد حالياً

بيانات اضافيه [ + ]
 رقم العضوية : 3
 تاريخ التسجيل :  Jul 2013
 أخر زيارة : يوم أمس (08:37 PM)
 المشاركات : 3,155 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown
Mmyz ديوان جندب المالكي



ديوان جندب المالكي

ياهاجـسي=
ياهاجـسي توها زانت بيـــوت الـنشيد = من بعد ما كانت ابواب الشعرموصدة
لاشك في مـدح ربعي يستـــثار الـقصيد = ويغــنّي الحرف وتراقص له المفردة
يقدح زناد القريحة بالقــصيد الفريد = والشاعرية لبــــدع الشعر متوقدة
ون قلت في ربعي البشران شـعـراً جديد = هـزايل الـقول مرفــوضة ومستبعدة
ربعي هل الصيت والمجدالعظـيم التليد = مجداً يحـدّث به الوالد لولد اولده
ونحن هل الحرب لا قام النهـار الشديد = ونحن هل الباس والنوماس والبوردة
من لابةً ذكرها بين القبـــــايل حميد = تجف الاقــلام لـــو تاريخها نسرده
رفرف لها بيرق الهيبة عـــلى كل حيد = يوم المطانيخ ببيات الحِداء منشدة
دعوى بني مالك اللي يحتــمون الطريد = اللي تــودّب خصــيم الدار وتكبده
تشهد لنا القادسية والكـــلام الوكيد = مثبـــوت في معجّم التاريخ ومجلده
اهل شجّــــاعة واهل فزعة وراياً سديد = ومـــــواقفاَ بيّنه للناس ومشوهدة
واعود لمداح ربعي صادقــــين الوعيد = العـــزوة اللي بفن الرمي متفردة
انحن رمـاح المنايا ممـــنين الشريد = وافعالنــا في رحاب المجد متجدده
والضيف يلقى تراحيـــباً تذيب الجليد = ودلال بناَ ومن تــمر النبوت اجوده
يدري بنا اللي قريب ويدري اللي بعيد = ومدّونة سيـــــرة البشران ومجسدة
ولربعي اليوم في بنك المراجــل رصيد = ولهم بعد في سجـل المكرمات ارصدة
يتقدم اصفوفنا شيخاً وقـــــاره يزيد = اللي توشّح وشّـاح الـــطيب وتقلده
هذاك ابو سامي الـرمز الحكيم الرشيد = ونحن رجاله وفي وقـت الطلب نعضده
واليا دعتـنا حكومتـــنا نضد الضديد = لا صارت انفوس بعــض الخلق مترددة
ولنا رجالاَ على حد الــــوطن ما تحيد = امعســكرة في سبـــــيل الله ومجندة
اما انتصرنا ومات الـــرجل منا شهيد = ولا حكمــــنا ديار المعتدي وبلده
نقدر نواجه ونردع كــل خصـــماً عنيد = ونصبّحه فـــي ميادينه وفـي مرقده
من عهد عبدالعزيز اللي بعهده نشـيد = اللـي بنّا موطن التــوحيد وموحده
ونحن على العهد والميثاق عود ولــيد = وبلادنا حبــها في داخـــل الاوردة
واقول في تالي ابياتي واكــرر واعيد = يوم البلابل براس الــنايف امغردة
لاشك في مدح ربعـــي يستثــار القصيد = ويغــنّي الحرف وتراقص له المفردة
جندب المالكي=
بسم الله =
بسم الله ابدا واستهل اقوالي =بسم العظيم الواحد المتعالي
رب العباد الخالق المتصرف=امقدر الاقدار والاجالي
رباً بعث فينا النبي محمد=وانزل عليه الطور والانفالي
امجده واقدسه سبحانه =مالي وما للخلق غيره والي
هو خالقي هو رازقي هو ربي= هو صاحب الانعام والافضالي
عز وجل وجل في علياءه=رباً له التنزيه والاجلالي
اسألك يامولاي تشرح صدري=يا رب سدد منطقي وافعالي
الهمني اللهم حسن المنطق=بين الرجال اللي بتتوحالي
وخلاف هذا القول يهل المحفل =يامن لي انصت واستمع واصغى لي
سلاماً ازكى من شذا الكبودي=واحلى من الشهد المذاب الحالي
وانقى من الماي القراح الصافي=توه نزل من وابلاً همالي
حبيت اشارك عبر هذا الليلة= ببيات شعراً من جديد امثالي
في حفل تكريم المربي الفاضل= عبداللطيف المسفر السيالي
استاذنا المتفرد المتميز= رمز الرموز امربي الاجيالي
راع المكارم والوفاء والشيمة= ابن الاماجد محتمين التالي
رجلاً قيادياً بمعنى الكلمة=فيما يوكل له من الاعمالي
وبكل اموره حازماً ومسدد=مايقبل التقصير والاهمالي
امضى ثلاثياً قضت من عمره= في دوحة التعليم والابطالي
سالوا عنه سالوا عن ابو لطفي= امعرب الاعمام والاخوالي
رجلاً خلوق ومنطقه ما ينمل=شادو بقوله طيبين الفالي
ياجب ويتحتم علينا الليلة=اكرام هذا النادر المفضالي
لاشك تكريم الاكارم واجب= واجب على أهل القول والافعالي
وبمعرض الابيات عندي كلمة=بشرح لكم وشهو تصور بالي
الوقت هذا ما يطمن وضعه= تتقلب الاوضاع و الاحوالي
برض اليمن حرباً تدور رحاها=مثل اللهايب والسعير الصالي
بسباب حوثياً تبين مكره=الرافضي الغادر الختالي
وبسوريا بشار دمر شعبه= وراهم التنكيل والاذلالي
نكل بهم ولد المجوس الخاين= واستاصل الشيّاب والاطفالي
وتسلطلوا برض العراق الشيعة=حتى اشعلوا نار الصراع اشعالي
والطايفية نارها مشبوبة= ويقودها السستناني الدجالي
والقدس من قبل الكوارث هذي=في قبضة المحتل الامبريالي
لاشك وضع المسلمين الراهن=مايرضي الا العالم الضلّالي
يرضى به المتلون المتصهين= هذاك علماني وذا لبرالي
والمملكة من فضل ربي تنعم = بالامن والخيرات والاموالي
في ضل قايدنا المليك الحازم=امزبن الخايف وامان الجالي
سلمان سلمان القرار الحاسم=راع المقام المعتبر والعالي
نسألك يامعبود يامولانا =ياربنا وفق ملكنا الغالي
انصر به اللهم دين محمد=وادحر به اهل الزيغ والاضلالي
واجنب وطنا الشر ياخالقنا = والخوف والويلات والاهوالي
والختم صلى الله على افضل خلقه=امحمداً والصحب هم والالي
صلوا عليه وسلموا ياخواني= عد الحصى والرمل والانمالي
جندب المالكي=
لا تسألوني=
لا تسألوني ليش اقول القوافي = هذا السؤال اللي مااحبه، ولا ابيه
يكمن ورى نظم القوافي خوافي = وراع الهوى ما كل موضوع يبديه
والحب موت احمر، وسم زعافي = ماله علاج ، ولا طبيب يداويه
يؤتي ثماره كل ما كان خافي = واذا انكشف للناس ضاعت معانيه
واصبح حديث أهل النفوس الضعافي = ما احد يخلي صورته دون تشويه
وتذبل زهوره قبل وقت القطافي = ولا يجني الا الهم، والغم راعيه
يصير خاين عهد لو كان وافي = والناس بالبهتان، والزور ترميه
يجردونه من ثياب العفافي = ويقال فيه و فيه شيء ما هو فيه
ويصدر بحقه حكم دون اعترافي = وتستأنف الجلسات من دون تنبيه
ومهما تظلم ما يشوف العوافي = قاضيه يطعن في نزاهة محاميه
قضيته مصدر نزاع، و خلافي = ماله حقوق، و لا حكومات تحميه
مثل الغريب اللي بوسط الفيافي = يسير في دربه على غير توجيه
او مثل بحار تعدى المرافئ = والموج الأزرق يرفعه، ثم يرخيه
هذي حقيقه ما عليها اختلافي = حادث مؤكد،، غير ممكن تلافيه
وين المحب اللي حموله خفافي = يقضي حياته في سعاده وترفيه؟
و يا هل ترى المهزوم له شوط إضافي= ؟ أكيد : لا ، ما فيه عاقل يقول : ايه
وارجع واكرر في نهاية مطافي = للي سألني : يوم اقول الشعر ليه؟
لا تسألوني ليش اقول القوافي = هذا السؤال اللي ما احبه ولا ابيه
سالم منصور السواط=
::::::::::::=
سمعت لي شعراً=
سمعت لي شعراً مكلـــف وضافي= استيسرتني وادهشتنـــــي قوافيه
من شاعراً صاغه بشكل احترافي= يعجب جماهيره ويطرب محبيـــــه
اتقول مرشـــــــد مسنداً للنصافي= آليا قصــــــــــد في ليلةً من لياليه
قــــــــــــاله بجواً شاعرياً وصافي=جواً علـــــــى بدع الطواريق يغريه
اختار من بنــــــك البيوت اللطافي= ابيات شعراً من سمعهـــــا تسليه
وصّف لنــا الموضوع وصفاً خرافي=في ذمتــــي مافيه وصفاً يضاهيه
يغرف من امحيط القصيد اغترافي=يومن كلاً ما قرب من شواطيه
لاجيت اجاري مفرداته بقــــــــافي= اشعر برهبة كلما جيت اجاريه
وانكان ماجاء الرد كافي وشــــافي=ما ودك الشاعر على الناس يلقيه
وأقول ياراعي البيوت الظـــــرافي= لعل ما تفقد وليفك وتبكيه
والحب اذا جاوز حديث الاشافي=اصبح كلاماً معظم الناس تحكيه
واللي له المحبوب كــــــاره وجافي= يصبر على جفوة وليفه وغاليه
وان شاف ضوء الحب خافت وطافي=يشعل شموعه في نهاره واماسيه
قدام خفّاقه يجيه ارتـــــجــــــافي=من هجر محبوباً فواده مهاويه
والصب لو يمشي على الشوك حافي=من شان مضنونه تحمّل مواطيه
والود من جانب فقط غير كــــــافي=ونهايته توصل لدوامة التيه
مثل الكتاب اللي بليا غـــــــــــلافي=تقرا بمتنه ما يعارض حواشيه
واللي بدا بالسعي قبل الطــــوافي=يصبر على تانيب شيخه ومفتيه
وآخر كلامي يالشجيع السنافي= اسلم ودمت ولك من الورد بوكيه
جندب المالكي=
::::::::::::=
جو القوافي=
جو القوافي صار صافي ودافي=تعالت أنغام الفرح في مغانيه
اقبل يزغرد في ثياب الزفافي=وبدون ما اشعر قلت: ياهيه، ياهيه
رجعت له مشتاق بعد انصرافي=استدرك الموضوع واضيف تنويه
للشاعر اللي لا انطلق ما يخافي=يطير، واسراب القوافي تباريه
وان قال : صفي لي، تصف اصطفافي=وتقول دون شروط : لبيه، لبيه
وليا حضر في المهرجان الثقافي=قامت جماهير المحافل تحييه
شعره يذكرني بعصر الرصافي=يوم الأدب يرفل بكامل تعافيه
جزل المعاني يكتشفها اكتشافي=ويلعب عليها باستثاره، وتمويه
كنه مهاجم في بطولة (فيافي)=يقودها نجم (البرازيل) (بيليه)
في السوق سهمه مثل سهم المصافي=يوم المؤشر كان واصل لعاليه
والحب فيروس القلوب الرهافي =والفطن يا جندب هو اللي يخبيه
وترى انكشافه ماهو اي انكشافي=والصب لو يخفيه ما عاد يمديه
تصبح علومه بين مثبت ونافي=و سهوم خلق الله تصيبه وتخطيه
في كل مجموعه مراسل صحافي=اما يجيب العلم ولا يوديه
ونهر المحبه يعتريه الجفافي=ترحل عصافيره وتجدب نواحيه
وتبدا كوابيس السنين العجافي=ترقص على جرح المولع و تدميه
يسهر وغيره تالي الليل غافي=ويحس بالغربه وهو بين أهاليه
ماله على صكات بقعا مكافي=كلاً مثل ما قيل : مافيه كافيه
الرابح اللي مهتني ومتعافي=تجنب أسباب الغرام و دواعيه
وخصص لنفسه وقت للاعتكافي=قبل الفجر ساجد لربه يناجيه
تم الكلام، و في ختامه تضافي=من كاتبه عذب التحيه لقاريه
سالم منصور السواط=
:::::::::::::=
يعــــــمير=
يعمير كيـف البــن ماهو بكافي=بن اليمن ماهوب نسكاف كافيه
قم قهوني وان جاء من الـــقوم لافي= دير الدلال وكل مطنوخ قهويه
وزيد القبس بين الثـــلاث الاثافي= والنجر دقه لــين الاحرار توحيه
منزلك لهل الطيب ريف ومضافي=والـناس دايم تــــتجه له وتـلفيه
لا تذبح الا من سمــان الخرافي= والــغالي افلـح من يبعه ويشريه
واكثر من الترحيب وادن الصحافي=واكرم ضيـوف آبوك واكرم عوانيه
وآليا ارتشفت امن الدلال ارتشافي= ودي علــــيك اردد القاف وامليه
رداً علــى ابياتاً عذاب ونضافي= من شاعراً شعره عن الناس مخفيه
مخفــي قصــيداً راقياً ما يعافي= اتقول بسـتاناً تدنت نواميه
فيه السفرجــل والعنب والجوافي = والــخوخ والرمان داير حواليه
والتوت مزروعاً بكـل الحوافي = يبغى الذي يقطف ثماره ويجنيه
لا خذت حوله جولةً والتــــفافي = ابهرني المنظر واطلت النظر فيه
شعراً تفوه به زعــيم القــــوافي= الشاعر اللي مالك الملك معطيه
مايبدع الا المحكمات الحصافي = وامتاز بسـلوبه وقـوة تحديه
وفي الهوى ماهوب مسرف اسرافي= والسر والكتـــــــمان عادة معاليه
حافظ وداده عن حكي كل هافي= ومحـــال يتفوه بـــسره ويفشيه
من شان لا تذهب جـــهوده جزافي= ثم يشمت الـعاذل ويفرح معاديه
ذكرني ابوقتاً مضالي وطافي =وقتاً تذوقنا مــراره وحـاليه
ايام كنت آقف واطيـــل الوقافي= راس العســـيراللي تعاوى ضواريه
اشكي غرام اموردات الــشفافي=المـــكثرات امن العتب والمــشاريه
احداهن اتلـفني هواها تــلافي = مزيونةً سلم الــهوى ما تدانيه
بنت المعاثير الغلاظ الجــلافي= اللي لعـــطران الشـــوارب مكاريه
لو هو حلال النهب والاختطافي =خطفـــتها واللــيل خاويت عاويه
قد في محبتها انجرفت انجرافي=حـــتى دنا موتي وبانــت مواريه
مرات قـــدامي ومرة خلافي =وبكل ســـكة تعــترضني دواهيه
وياما انذرف دمــعي عليها انذرافي= وابــكي ســواة اغليماً فاقد ابيه
عبر السنين الثايرات الصلافي =اللي تـــهد الـجدّر واحــيان تبنيه
تعصف عواصفها وتسفي السوافي= وفي البـــــحر قامت تزمجر عواتيه
ومن المواليف افتــــقدت المـــرافي= واللي هوته الـــنفس بين تجافيه
واللي يعــــاني من جراح التجافي= بيموت والجــــرح الذي فيه يشكيه
ماينوجد طبه بكل المــــشافي = (وبشمس) لو يبـــحث عنـه ما يلاقيه
عينه ترا وتشوف مـــالا يشافي= من فورة اعصـــابه وكثرة طواريه
ماينطفــي جمـره بماي المـــــطافي= وحتى المحيط الاطلسلي مايطفيه
والمهتوي تصبح عضــــامه نحافي=ويعاف كل اللـــي يريده ويبغيه
يلقى بدربه لفــةً وانــــعطافي=وتزيد روحــاته وتـكثر مساريه
عبر الدروب الضيقات القصــافي = اللي بها الرجـــال يلقى بلاويه
لوهو يكب الـــغي والاقترافي =نال الــذي يسعد فواده ويرضيه
هو ماعليه الا يقــــول الكفافي =والله هو اللي وقتها سوف يهديه
الوقت يمضي والليـــالي مقافي=والعــــمر يربح من تدارك تواليه
وازكى تحيــات القــلوب الولافي=تاصل لسالم في محله واراضيه
جندب المالكي=
نحمد الله=
نحمد الله يوم ربي حفظ كــــل الحجــيج = ادوأ الحجّة وهم في رحّـاب المملكة
تحت حكم الحاكم اللي عدل عوج العويج = حاكماً يحكم وهو متـــكي في مصمكه
الله اكرمهم تعالى في الــيوم البــهيج = بعد ما كلاً على السنّـة ادّى مـنسكه
والشكر والحمــد لله ويفـــــوح الاريج = بالثناء للحاكم اللي شـعوره حرّكه
الزعيم اللي حمّى كل بــلدان الخلـيج = الذي قاد الكتـايب وخـاض المعركة
احتمى حد الجزيرة بتـــــرنيدو وميج = الذي تنـسف كيان العــدو وتدكدكه
والذي في كل موسم يســــوون الضجيـج = ردهم عنا وحــــوّل بــهم للمهلكة
طغمةً ما عندها غير فـــــتنة وتأجيج = لاتزال ابغـــيها والـغلط ماتتركه
وضعها مشبوه وتــدور في امراً مــريج = تستسيغ الكذب وتحـب شـغل الفبركة
كلما اقبل عام سوت دعــاية وتهــريج = ما تكب الخبث تلك النفوس المشركة
والسعودية نسيجاً يعــد اعظم نـــسيج = شرعةً غــــرّاء ونعمة وخيراً وبركة
والملك عنده من الحزم والحــكمةمزيج = والرجال اللــي معه ملهمة ومحنكة
واحمد الله يوم ربي حفظ كـــل الحجــيج = ادوأ الحجّة ولا زعـزع أمن المملكة
جندب المالكي=
خواطر مسافر=
لا تنبهر بالغرب يامن تـــمرّه=ولا يغـــرك به جمال الطبــيعة
لقيت فيه ارزاق واعمــال حرّة=وقانون وضعي والــمذاهب وسيعة
ولا للقيم في مجتمعـــهم مبرّة=والسوق الى ماطاوع امرك تطيعه
عالم على فعل الرذيــلة مصرّة=ما يرغبون اهل النفوس الرفيعة
تشوفهم كلا بكـــــــلبه يجرّه=ملبسه حلّــــية يامال القطيعة
واثيابهم يالله دخيــــلك تشرّه=الحال مـــزري والمناظر شنيعة
لو حصّل المسلم علومـــاً تسرّه=ياسرع ما يـــلقى وراها فجيعة
ويذوق بعد الحلوة الفين مرّة= خصــوص اذاكانه في آخر ربيعه
انا اشهد ان العيش معهم معرّة=مثل الذي تقــفل عليه القريعة
قلته وانا مابغي لواحد مضرة=ودي يكون الــوضع وفق الشريعة
وكلاً على كيفه يـــــحدد مقرّه=أما انحدر والا ظهـــر بالطليعة
وانا كرهت الــغرب خيره وشرّه=لو ان لي به قصر بالدّين ابيعه
احمد ابو طلايب=
سمعــت لـي=
سمعــت لـي شاعـــر يا لله درّه= نفـسه بقـانون القصايد ضليعة
قامت دوالـيب الهـواجس تـفرّه= حتـى تهـيّض بالبيـوت البديعة
نجماً تسامى مـع نجوم الـمجرّة= اللي مـديحه كـلا قـرماً يذيعه
الشاعر اللي ثوب الابـداع زرّه= واستـحظر الهاجس بنفساً شجّيعة
شيخاً صدى صــوته شـدّابه وجرّه= ثم وصّف اصحاب النفوس الوضيعة
العالم اللي كـــل سـواً تقرّه= ماعندهم غــير الامور الخليعة
والغرب لا بو الغرب بحره وبرّه= ياجعل تولــع في بلدهم وليعة
ناساً يحبون الخنّـــا والمغرّة= بهايماً ترعــى يامال القليعة
ومن الشرف ما فيه مـثقال ذرّه= والعهر فـــعلاً ماخذينه طبيعة
وديارهم ماهــــي بديرة مسرّة= ومن زارها ضاقت عليه الوسيعة
والشخص لو هو في مـجاهيل حرّة= وتحيط به لمــعة سراباً بقيعة
اخير من داراً على غـــير مرّة= اللي خذوها امقرد الخلق ضيعة
جندب المالكي=
كاتب الخط=
كاتب الخط يفنى والقلم والدواه=والكتابه تخلّد جيل من بعد جيل
كلما دوّن الكاتب بكفّه لقاه=بالصحايف موثّق من كثير وقليل
خطّ بيديك شيٌ يعجب اللى قراه= مثل تمرٍ يجنّى من عذوق النخيل
شف زهير ابن سلمى عاليٌ مستواه=لجل منطوقه الحكمه وشعرٍ جزيل
له قصايد فريده في صدور الرواه=قبل علم العروض اللى وظعه الخليل
خاض بحر التجارب في ضروف الحياه=ثم دوّن قصيدن ما لمثله مثيل
أنشر الخير دائم واطلب الله رضاه=واترك الحجه اللى ماعليها دليل
حسن الشهري=
:::::=
ترحيبة=
حيوا الشاعر اللي يلفت الانتباه = ياهلا مرحبا به عد مبدا سهيل
شرف المنتدى والمنتدى منتداه = ماله الا تراحيباً وبناً وهيل
صاحب المفردات الشرّد المنتقاة = نادراتاً تعد امن العيار الثقيل
لوعرضنا تماثيله لشيخ النحاة = قال هذا هو الشعر البديع الجميل
ما يجي غير بالجزلات لافظ فاه = والمعاني الذي تبري جراح العليل
كل متذوقاً للشعر يسمع غناه = يروي الذايقة من صافياً سلسبيل
والف يامرحبا بك ياعميد الدهاة = عد ما غرد القمري وجر الهديل
جندب المالكي=
البقاء والمرحب =
البقاء والمرحب طوّل الله بقاه=جندب المالكي جاب الكلام الجليل
شاعرٍ فالقصايد عالياً مستواه =شرّف الله لسانه مايجيب الهزيل
مثل صقرٍ يمّد الأجنحة في سماه=ومثل سيفٍ نهار الهول حدّه صقيل
من يقول أن عليكم زود تبّت يداه=يارجالٍ يكرّم ضيفهم والدخيل
تشهد القادسية والقسي والرماة=والسيوف الصوارم في نهار الصليل
أنكم سم علقم في نحور الطغاة=وللمسالم وللمظيوم ظلٍ ظليل
وادعي الله ومن يدعيه يسمع دعاه=أن يعلي مقامك يالخوي الزميل
حسن عامر=
ياجيبي اللي=
ياجيبي اللي على الطرقة مـخاويني = ناوي بسيره بعـــيدة يالله الخيرة
أنشهد انك وفي دايـم توديـــــني = أمسي بديره واكون الصبح في ديرة
ياباني الصنع ماهو وارد الصــيني = يازين صــوته اذا افترت تواويره
لي شف في رفقة الاجواد مشقــــيني = كب الذي رفــــقته شيشة وتعميرة
رفقة نشاما من اهل الطيب والديني = ممن يعظم كتـــــــاب الله وتفسيره
رفقة هل الطيب تشرى بالملاييـــني = ولا الردي رفـقته تجلب لك العيرة
والعاقل يعرف ويش الزين والشـيني = يمشي بعــــقله وتدبيره وتفكيره
خوي الذيب =
::::::::=
ياجمسي اللي=
ياجمسي اللي لو اعطـــوني بلاييني = ما بعــته ابداً ولاني مشتري غيره
له عندي اكثر من الخمسة وعـشريني = عاماً ومن زارني يـــحضى بتصويره
جمساً موديله من الــتسعة وسبعيني = الموتر اللـــي عريضاتاً مواخيره
صنع اليهود المنـــاجيس الملاعيني = شرابة التــبغ والشيفاز والبيرة
اليا اشتغل يطربك صوت الـشكاميني = تقول طيارةً فـي جوها أمــــغيرة
ون جيت ابزور لي ناســـاً بعيديني = ناديت لعمير يتـــــفقد مواصيره
ويعاير الزيت ويشـــوف البلايتيني = حتى ويعرف مدى قـــــوة تغاييره
واليا توكد من الجمس احمر العيني = ثماًعطــاني عــن الموتر تقاريره
دقيت سلفه وقلت اركب علـى ايميني = نبغى نسيّر علــــى مكرم مساييره
ثم استلمنا طريق الـــبر من حيني = واعطيته النــار حتى صفّر انبيره
تقول ركاب فـــــوق ام الجناحيني = اللي لها بالسمــا حومة وتدويرة
لا دست بنصه وهو في نمرة اثنـييني = حرّك ومن سرعــــته ثارت معاصيره
ويا زين مشيّه وهو بـين البعاريني = في مهمــــهاً توها تنبت نواويره
نمشي ولاحن بغـــــاوين العناويني = وجهاز الاقـمار ما يجعلك في حيرة
والياوصلناالعزيز ابن العـزيزيني = نسل الكرام الحشام وزاكي السيرة
رحب وهلا بنا نــــــسل الكريميني = اللي سواة الســـحب عجة مباخيره
ثماً قلطنا بمجــــلس ريف الادنيني = المجـــــلس اللي مولمةً مباهيره
ادلال بناَ تقدم للــــــــمياميني = وتمور ما كنّها الا الذّوب والشيرة
مجلس يرودونه النــــاس التقييني = عند الــــذي باذلاً للمجتمع خيره
وجبنا له اعلومنا والناس مصـغيني = وعبر لناالشــيخ عن حبه وتقديره
وادنا علينا المعرب ســمن وسميني = من جود والشــيخ ما حسّب مخاسيره
ثم انصرفنا وحن للشــــيخ راجيني = يلقي عليــنا من ادروسه وتذكيره
والقا علينا دروس العلم والـديني = والشيخ له مـــنطقاً ياقو تاثيره
وشرح لنا بعض احاديث الصــحيحيني = والكل مصغي لمنــــطوقه وتعبيره
مرات قال ابن باز وبن عثـــيميني = ومرار قـــال المحدث في محاضيره
ويحب سرد الادلة والــــــبراهيني = وايراد الاقـوال في بحثه وتنظّيره
وانهى دروسه ورحنا مستفــــيديني = علماً بنمشي عــــلى ضوّه وتنويره
ثماً رجعنا لـديرتنا سريـــــعيني = بالموتر الــلي بعيداتاً مشاويره
والختم صلّوا على سيد الـــنبيّيني = ماحوّم الطّير فـــي عالي مواكيره
جندب المالكي=
قامت هجوسي=
قامت هجوسي توردني على الجمة =وبيوت شعري عزاز وحسبة اولادي
دورت لي كلمة تبرا بها الذمة = لا ينقدوني محبيني وحسادي
قل للجنوبي يغني لك على الدمة =والا الشمالي يدّح الصوت ويهادي
لا تعطي اسرارك الحرمة ولا الرمة =اثنينهم يفضحونك لا بدا بادي
الشهم يغتاض من طيحة ولد عمه =والا الردي لو يشوفه يحترق عادي
نشوف بعض الرجال احيان ف القمة =واذا هرج قلت يا ستار ياهادي
ثلاث تركي على الرجال وتسمه =الدَين والجهل والحاجة للاوغادي
وثلاث تنجيك والاحزان ملتمة =الدِين والعقل ومخاواة الاجوادي
وثلاث منها السنافي يحترق دمه =البهرجة والهياط وقلّ الارشادي
وثلاث تكسر مقام الرجل وتذمه =ولا تعيب الذي ماعنه نشّادي
نّقال هرج القفا.والكذب .و النَّمة =ماهي لمن يعرف المعروف والقادي
واللي رمى بالمراجل من طرف كمه =هذا كما الحرمة اللي مالها حادي
محمد بن حوقان =
::::::::=
وصلتني ابيات=
وصلتني ابيات راعي العزم والهمة = الشاعر اللي تحدّى كل قصّادي
سوّا بيوتاً ويوم إنه نطق فمه= كلاً تمثل بها حتى شدا الشادي
حصن مضامينها خوفاً من الخمة = الخمة اللي تحب اتغث الاكبادي
وامتاز في بدعها المحكور واتمه = من شان لا ينتقدها كل نقّادي
واضحت كما البندق اللي مابها زمة= اللي يدوّر عليها كل صيّادي
اليا توحى لها السامع ذهب همه= وتحول الهم ذاك الّونس واسعادي
غنا بها شاعرا سمت عليه امه= اللي تفنن بنظم الشعر واجادي
نحفظ قصيده ليا اوحيناه ونصمه= ونردده في مجالسنا وفي النادي
نال الثناء يوم بعض الناس ما شمه= مدحاً وهو يستحقه عوق الاضدادي
والنخبة اللي بقول الشعر مهتمة= هو عندها من فطاحلةً وروادي
لاطب ميدان شعر الشقر وخضمّه= جاب الفرايد ورد الصاد بالضادي
ينعد نكبة على الشعّار ومطمّة = لا صار في الملعبة تعجيز وعنادي
ويضل شاعر بني مالك في القمة = ويشاد بسمه في التلفاز والرادي
جندب المالكي=
في ذالسنة=
في ذالسنة يا عيوني عذري من كل مرغوب=وعذري في رخيصاً هافياُ ما لي فقه فيه
الغالي الي نبيه ابعد ونيله صار متعوب=والي رخيصاً بعيني هان ماعد له شفية
ياصحابنا لو تغير وقتنا والحال مقلوب=الشيمة الساكنة فالراس ما منها جفية
من عز نفسه بيبقى في عيون الناس محبوب=ويعيش في مامنه فالقوم والخطر صفية
ياماجرى فيك يالدنيا وهذا الحال مكتوب=ماهو تجزاع من مقسوم لكن منصفية
الصاحب الي يهمك جربه لوجاك مكروب= ترى ضروف الزمان يبين لك منها خفية
ابو حسن المالكي=
؛؛؛؛؛؛؛؛؛؛؛=
يابو حسن=
يابو حسن يابديع الصوت والكلمة والاسلوب=ياللي بيوتك كما صرف البنوك المصرفية
انته حقيقة بدون مجاملة مبدع وموهوب= وابدعت يالقرم في بدع الطروق العاطفية
سلام احلى من التمر السري واحلى من الذوب= وازكى من العود الازرق والورود الطايفية
واقول ياصاحبي عيد النظر والصبر مطلوب= واليا تخيرت دوّر صاحب النفس الوفية
لا صرت في صوب واللي تعشقه يالقرم في صوب = يصير حالك وحاله بين شمس وبين فية
واليا تعلقت في غرواً من الخفرات رعبوب = اتخير ام الملامح والوصوف اليوسفية
الغادة اللي حلاها عن عيون الناس محجوب = ما كلمت شخص حتى بالخطوط الهاتفية
مزيونةً دونها تقطع رقاب وتنشب حروب = من جد ما هو كلام ولا هروجاً فلسفية
بنت الرجال الذي تاريخهم مثبت ومكتوب =اهل الوغاء والمعارك والسيوف المشرفية
يتعب على مثلها لو كان به غالب ومغلوب = ياللي مزجت التجارب بالعلوم المعرفية
واقبل تحيات اخوك العاطرة يا مشرع البّوب =ما غرّد الطّبر في روس الرجوم النايفية
جندب المالكي=
خذ ماتريد =
خذ ماتريد ولا تحرك جروحي= البعض منها ما توقّف نزيفه
غادرتني من بعد ماشقيت روحي=ولا بقي لك غير ذكرى خفيفة
مالك على تعبات قلبي صلوحي= لا تحسب انك يالمعاند تخيفه
قابلت غلطاتك بطيب وسموحي= وقابلت معروفي بردّه عنيفة
ماني على ولف المقفّي لحوحي= ولا حاملاً همّ النفوس الضعيفة
ولاني على بذل الجمايل شحوحي=ماتصبح النفس الابيّه قصيفة
الكفو اذا جاله علينا شبوحي=اعطيه من حالي ومالي نصيفة
والمغتني لاصار عنا نزوحي=ماني بيومٍ طامعاً في رغيفه
اختار عن ضيق الرفاقة بروحي= واشوم عن رد العلوم السخيفة
والناس فيهم زايدا عالمدوحي= مثل البحر لا مدّ موجه لسيفه
ماكل سوقا للتجارة نصوحي= كلا على ماقيل يجمع وليفه
تاجر معه في كل بيعة ربوحي= وتاجر يرى بيع الخساير حليفه
ورجلا يشيّد في حياته صروحي= ورجلا يادوب انه يسوي سقيفة
وانكان مالك في المعالي طموحي=اصبر على عيش الحياة الشظيفة
واللي لصوت العقل ماعاد يوحي= لابد من يوما يغصّ الحسيفة
احمد ابو طلايب=
:::::::::::::::=
اوحيت=
اوحيت لبيات البليغ الصدوحي =راعي البيوت الحاليات الظريفة
ابيات شعراً راجحاتاً رجوحي = ياجب علينا نشرها في الصحيفة
غنّا بها راعي اللسان الفصوحي= راعي المراجل والاصول الشريفة
الشاعر الشيخ السموح الدموحي = المتخذ فعل المكارم وظيفة
الشيخ ابو يحيى الذكي اللموحي= اللي تفوه بالمعاني النظيفة
معانيا تبري العلل والقروحي= وتسر الانفس والقلوب المعيفة
تلقى كلامه مفعماً بالوضوحي= ومدعماً بالمفردات الطريفة
والجد عنده يمتزج بالمزوحي = ويصوّر المعنى على كيف كيفه
ومحال تلقى في حديثه جنوحي = ويغلف الكلمة بحكمة رديفة
وبسكة النوماس يجمح جموحي = كله من اجل اكرام جاره وضيفه
يعرف ويذكر بالقسا والفروحي = والناس تعرف سيرته وتعريفه
شيخاً قرا كل السيّر والفتوحي= وتذوّق ابداع النصوص اللطيفة
والشيخ في بحر الجزالة سبوحي= واستل في ميدان الاقدام سيفه
ولا تنطفي للقرم ناراً وضوحي = ليل ونهار وفي ربيعه وصيفه
واقبل تحياتي بمسكاً يفوحي = ماغرد القمري براس المنيفة
جندب المالكي=
يا باثرة =
يا باثرة ما يجيبك للصعود الا تلفريك = حتى علـى قمتك ناخذ لنا عدة ليالي
متى نجي عاذر الافيح متى ياود ونجيك = القرية اللي على جــــــــدرانها الورقا تلالي
انا وسربة رجالاً ما بهم خلة وتشكيك = اهل الوفاء والكرم والطـــــيب والنهج المثالي
عسى مزون المطر يا بثرة تنزل وتسقيك = ثلاثة شهور ما تاقــــــــف هماليل الخيالي
يا باثرة من عرفتك والحشاء متعلقاً فيك = متعــــلقاً فيك يا ذات الطبـــــــيعة والجمالي
والعين ياباثرة ماشافت ارضاً مثل اراضيك= لا في ديار الجنوب ولا في اديار الشمالي
يا محلى جلسةً يابثرة بحدى روابيك = لا فاح ريح الزهور وهبت انـــــــــسام العوالي
المسعد اللي سكن برضك وعنده دار تمليك= ويعيش باقي حياته بين هــــاذيك الجبالي
يقضي نهاره وهو يرعى حلاله في مراعيك = ما بين ذيك الوهاد وبيــن هاذيك المفالي
واليا اقبل الليل عاد وقام ولع ضوء الاتريك = ولا سمر هو اصاحيبه على ضـوالهلالي
اخير من عيشة اصحاب الترف واكآلة الكيك=العيشة اللي تغث كبود وصدور الرجالي
جندب المالكي=
مرثية في شيخ القبيلة =
البارحة غنا البشيري بيـــوته =ومن الـــــــــــــحزن كلاً توحى لصوته
على الذي هز الرجاجيل مـوته= ياشيخنا الــــــــــــــلي قبل ليلة توفيت
نهارالاحد هالوا عليه الهيالي=
يالله ياربي والهي ومولاي = ياعالـــــماً سري وجــــــــــهري ونجواي
ترزقني اخلاصا بعلمي وتقواي = وانك تثبتي عـــــــــــلى الدين تثبيت
وترضى علية ياعــــــزيز الجلالي=
ياربي اغفر لي وللمسلمينا = وعبـــــادك الزهـــــــــــــــاد والمخبـتينا
واعيذنا من غفلة الغافلينا = وتولــــــــــــــنا يارب ياحــــــــامي البيت
وعذنا من الشيطان واهل الضلالي=
وخلاف بدعي للبيوت الجزيلة= بــوجه الكلــــــــــــــــــمة لـكل القبيـلة
ربعي هل النوماس واهل الفضيلة =الغانمين الطيـــــــــــبين النـعاتييت
هل الطيب والطولات واهل المعالي=
اسال ربي يالقروم الشواميخ = يحسن عزانا اليوم في حضـــرة الشـيخ
الشيخ ابو غرم الله ابن المطانيخ = شيخ الشيوخ وذايع الذكر والصـيت
زعيم القبيلة بالسنين الخــــــوالي=
رمز الرموز وبين الاجواد معدود =سمح الجناب ومركز الطيب والجود
ولكل ربعه باذلا كل مجهود = عوق الخصيم امسكت الضد تســـــــكيت
سراج الضلام ابحالــكات الليالي=
يوم اخبرونا عن وفاته بكينا =لكن لغـير المعــــــــــــــــــتلي ما شـكينا
مهما تكلمنا ومهما حكينا = الفقد صـــعب ورحمة الله علــــــــى المـيت
الا يالولي ترحم كريم السـبالي=
واليا تكلمنا عن الشيخ ساري = شيخا على فـعل النواميـــــــس ضاري
ما ينثني وقت الخطر والطواري = لا طـق عودا عود وتراجع والــهيت
ليا قيل وين القوم وين الرجـالي=
لاشك في موته خسارة كبيرة = على خوامـــــــــــــــسنا وكل العشيرة
والادمي مولاه يعلم مصيره = ولمــــــوته المــــــــحتوم ساعة وتوقيت
والارواح تاليها الفـنا والزوالي=
الله يجعل جنة الخلد لــــــــه دار= حتى وينعم في بســـــــــاتين وانهار
الجنة اللي عــدها الله لــــــــلابرار= دار العباد الصالحين المبـــاخيت
ذوات الحدايق وارفات الضلالي=
تشهد لوقفاته ملفات الارشيف = بين الرجال المـــــــــاجدين العواريف
طلق الحجاج وبهجة الجاروالضيف= واليا تكـــــــلم بكت الخصم تبكيت
ليا زاد هرج مكثرين الجـــدالي=
واليوم مات ولا مفراً من الموت = وش يعــــــمل الانسان لا فاته الفوت
واللي بكاه اليوم لو يرفع الصوت = كثر البـــــكا ما رد مـوتى التوابيت
وياكم فـــقدنا من عزيزا وغالي=
مات الذي يذكر بفعل الــــــجمايل = اللي يطـــــــــــارونه جميع القبايل
والامر مثبت عنــــــــــدنا بالدلايل= ياللي عن المــرحوم سلت وتقصيت
والافعال نثبتها بـــــصدق المقالي=
هذا وعندي كلمةً ياجـــــــماعة = يهل الـــوفاء والمـــــرجلة والشجاعة
من بعد ابو غرم الله سمعاً وطاعة = انقــــولها من دون قرعة وتصويت
لبو سامي اللي يرتكي للثـــقالي=
بوسامي الواعي طويل الــــــذراعي = الوافي النادر حميـــــد المساعي
اللي يحل المــــشكلة والنزاعي = واليا حضر تذهـــــب جميع العفاريت
يدوس المخاطر كلــها ما يبالي=
هو راسنا المنصوب هو شيخنا اليوم =والـــعلم ذا بيـن الرجاجيل معلوم
والكل بقبوله مكلــــف وملزوم = واللي يعارض له قـــــــلوا له يابالفيت
قلوا له يشد ويعلن الاعتـــزالي=
اقدم يبو سامي بعزم وعزيـــمة = ترا المهـــــمة يابو ســــــامي جسيمة
وانته ترا قد الامور العــــظيمة= وبحزة الشـــــــــــــدات ما قد تواريت
ولا يحمل الاثقال غير الجمالي=
حنا رجاجيلك في العسر واللين = ولا نــــــــــــخاف ولا نهاب المعادين
نجهز على الباغين وسط الميادين =مقلوتنا البـــــــــــلجيك ماهو نبابيت
ليا ثارت الهيجاء وقام القتالي=
ابشر بنا في كل موقف ينومــــــس = ارمـــــوزنا هم والجبر والخوامس
ولا تخاف اليـــــوم ولا تعو مس = ما دام ربعك مـعك لن رحت ون جيت
رجالا عزايمهم تهد الجبالي=
حن داعي البشرآن حماية الريع = اللــــــــي لنا الاخصام دايم خواضيع
واليا حضرنا ما تطول المواضيع =وافعـــــــــــالنا منها الاوادم مباهيت
هلاك الخصوم وملتجى كل جالي=
واقول ياربعي المطـــــاليق الاجواد = لابــــــد من نبذ التباغظ والاحقاد
وامشوا على المنهاج وسلوم الاجداد =وتجنبوا درب العـصاة الطواغيت
وسيروا على النهج السوي المثالي=
والختم صلى الله على معلم الخير= محــــــــــــــمد اللي جالنا بالتباشير
عد الحصى والرمل والوحش والطير= وعداد ما مــرت حشود المواقيت
عداد النجوم وعد مبدا الهلالي=
شعر : جندب المالكي=
البارحة=
البارحة وانا على اعلى المراقيب= ذاك الطويل اللي تروع هضابه
الشامخ اللي عسر بالحيل وتعيب= ماضن شخصاً غير شخصي رقابه
جيته وعديته عسير المناشيب=والذيب يعوي في محاني شعابه
واخذت لي ساعة وانا اجاوب الذيب= ذيباً واضنه يشتكي من صوابه
حتى تذكرت اخوتن لي واصاحيب= أهل الوفا والمرجلة والمهابة
ميدي هل الفزعات والعرف والطيب= قصدي بني عاصم شباب وشيابة
أهل القيم وأهل الشيم والتراحيب= ذباحة الباغي بيوم الحرابة
قيدومهم زيزوم واستاذ واديب= رشيد راع المرجلة والنجابة
قيدوم قوم وله في الراي تصويب= ومشيخينه من بداية شبابه
الوافي الضافي عريب المناسيب= ريف الفقارى والضعوف الغلابة
وازكى تحياتي لطب المصاويب=اهل الحسب واهل النسب واللبابة
محمد الوافي بعيد المحاضيب= اللي مشرع للمسايير بابه
وابو مهند مثله اليوم ماجيب= حراً نهار المعظلة يعتزابه
وابو سعود ابلا شكوكاً ولا ريب= الطيب خيم عند حظرة جنابه
وازكى تحياتي لشيخ اللواعيب= سعود بن حمدان ذيب الذيابة
راعي سلوم وقايماً بالمواجيب = واليا تنصاه الرفيق احتفابه
شاعر حكيم ويطرب الروح تطريب= واليا تمثل بالقصيد اعتنابه
واقول أنا يسعود يومني اغيب= ما غبت غير امن الزمان وصعابه
والغيبة اللي غبتها ودي اجيب= انكان تبغى للسوال الاجابة
امضيتها بين الحلق والمحاريب= ومرافق اهل العلم واهل الخطابة
واليوم جاي ولا عن الوضع تجنيب= غايب وتوه عايداً من غيابه
مثل الذي غرب عن الدار تغريب=ثماً رجع للموطن اللي نشابه
اذكر وفاكم دايماً يالاصاحيب=اتقول يربطني معاكم قرابة
لكن دنيانا تقص العراقيب=وتحارب المسلم كما حرب غابة
اليا اقبلت تصفى جميع المشاريب= واليا تولت كشرت بالنيابة
اتشيب اللي ما وصل فترة الشيب =وتحول القصر المشيد خرابة
حاولت اسايسها بكل الاساليب= لكنها ملعونةً ما تجابه
والوقت هذا ياطويل الاشانيب=لاشك والله معجبوني شبابه
الشاب ياتي يسحب الثوب تسحيب= ولا على جسمه مضيق ثيابه
ولا لبس له من لبوس الاجانيب= بنطال والبنطال كل الردابه
ثم قام يتمايل سوات الرعابيب= خايب ومتعلم علوم الخيابة
واللي مجنب منهج الدين تجنيب=لا و خسارة والده يوم جابه
ودك يصلب تارك الدين تصليب= ولا عليه ايقام حد الحرابة
واخص واستثني شباباً مناجيب =اهل الورع والصدق واهل الانابة
ثلة شباباً ما مشو سكة العيب= الحي منهم لا لمحته تهابه
والناس فيهم مخطي العلم ومصيب= واصابع ايدين الفتى ما تشابه
والنفس والشيطان وام العواقيب= عندي تشكل في الحقيقة عصابة
واللي نراه امن العبر والاعاجيب=شياً طبعياً ولابه وغرابة
ناساً مقاتيلاً وناساً مصاويب= في عالماً كلاً يشوف اظطرابه
واحترت اميز في وليد الانابيب= لاهوب من خندف ولا من شبابة
ومن الحتوف اقواي صارت معاطيب=واشكي من الويلات مشكي صبابة
مثل السجين اللي تعرض لتعذيب=اللي عليه امشددين الرقابة
وجروح قلبي عيت اتصح وتطيب= وازرى يعالجها خبير الطبابة
والارض من ما راح لي من ذواهيب= صارت بعيني مثل حجم الذبابة
والسر من بين الضلوع المحاديب= مكنون والمكنون محداً درابه
غير المهيمن عالم السر والغيب = هو عالماً بحوال قلبي ومابه
وانا من البشران كسابة الطيب= قوماً لنا وقت المواجيب جابة
اخصامنا يوم الملاقا مغاليب= يعني عذاب اللي براسه صلابة
واعداد مشراقاً من الشمس ومغيب= واعداد ماهلت مزون السحابة
صلو على اللي هذب الناس تهذيب = محمد اللي ناصروه الصحابة
قال الذي =
قال الذي عنده للاشخاص تشخيص=واجرى على بعض الاوادم فحوصه
وملخصٍ حال الرجاجيل تلخيص=ومضمن اوصاف النشاما نصوصه
ما قصدي انغص على الناس تنغيص =بالقول هذا اللي كما حد خوصة
لكني ادري واعرف الذيب والنيص= وادري عن الديك الحمر هو صوصه
وانا لو املك للرجاجيل ترخيص= رخصت بالعليا لناس امخصوصة
حتى نقلص من هل الدون تقليص= والمذهب الوافي نحدد شخوصه
وان كان تحتاج العبارة لتنصيص= اخشى على الخاتم تناثر فصوصه
والعالم اللي بالمعاني مباخيص= تدري عن اعموم الكلام وخصوصه
وانصحك ياللي تجهل العوم والغيص= انصحك لا جيت البحر لا تغوصه
وان كان ما رصصت موترك ترصيص= حوص بك الموتر ثلاثين حوصة
واصبحت في دنياك من حيص في بيص= والوقت احاطت بك عصابة لصوصه
اقولها من جد ما هي تخاريص = والو ضع شايك والامور امخبوصة
اذلف وطس =
اذلف وطس وورنا عرض الاكتاف= وان ما عجبك اشرب ولا هوب صافي
لنته من اجواداً ولنته من اشراف=يعني خسيس ودايم الدوم هافي
كنت احسب انك من بعيدين الاهداف=اثرك من اصحاب القلوب الضعافي
عساك ما تسلم من اسهوم الاصداف= وعشرين حجة ما تشوف العوافي
وتطوفك الدنيا بسبعين حذاف=وياخذ عليك الفقر سعي وطوافي
بخيل ومرابي وخاين وحلاف=وعند المعاهد منت يالنذل وافي
مجلسك ما طبه مسايير واضياف=وايديك مدنت للكرام الصحافي
ومن العذاراى فيك يا لهافي اوصاف= وشعاد لو نبدي جميع الخوافي
ما تصحب الا انذال واخباث واجلاف=سود الوجيه اهل العقول الخفافي
عوج الهروج اهل الخطا والتلقاف=واقدامهم بالسوء تمشي حوافي
وانا اصدقاية يسود الخافق اشراف=قوماً مواقفهم تحل الخلافي
اهل المكارم والملاحم والانصاف=اهل العطايا بالسنين العجافي
قوماً لهم شيمة وقيمة وميقاف=اهل البرانو والسيوف الرهافي
شجعان قوم وسلمهم سلم الاسلاف=اصحاب نهجاً ما دخله اختلافي
امثال ابو حاتم ذرا الحر لا خاف= اللي مقامه بين الاجواد ضافي
وابو فهد عن منهج الحق ما صاف= اللي على الباغين سماً زعافي
ولا انت قومك خالفو كل الاعراف= مافيكم احدن قد تسمى سنافي
واللاش لو يملك ملايين والاف=مانال مدح ولا لبيته ملافي
والعام يوم الفيت نايف ونواف=طلع حقيقتهم جهاز اكتشافي
اثر الرجال اشكال والوان واصناف=واللاش لسلوم النشاما منافي
ذا قول من يلعب على كل محراف=ويجيد بدع امعوسرات القوافي
قال الاستاذ=
قال الاستاذ النبيـغ البليـغ الجهبـذ =امبراطو ر الفحول الجها بذة
كم على يدي من اهل القصيد اتلمـذ = واغلب الشعار عندي تلامذة
من يريد ايصير بين العرب شاعر فذ= يفتهـم مملـو عليـه الاسـاتـذة
اه من قلب ن من الهم كنـه يحنـذ = بيد حنا ذا توقد محا نذه
والدما غ امن التفا كير كنه يفلذ= بيد حدادا بفولاذ فالذه
والعناء يهل المكارم علي استحـوذ = وانفتـح للمعضـلات الـف نافـذة
ابتغي في كل وجة طريـق ومنفـذ = لاهفا الهافـي وضاقـت منـا فـذه
وانا لاقررت شـي ن لـزوم ينفـذ = ون حلفـت يميـن بتصيـر نافـذة
والذي عايش وهـو دايمـا متلـذ ذ = كيف لو يبدي لـه الوقـت ناجـذه
والذي عن منهج الدين الاسلامي شذ = ماجـزاه الا الجفـاء والمنـا بـذة
كل واحد من كلامه يرد ويوخذ= والغبي لا زل محدن يواخذه
والكلام الزين بين الرجال امحبذ= واحتزم بالسيف لا صرت شاحذه
(مجاراة)=
أول اقوالي من ابليس من يتعوّذ=حصنّه ربه وعانه وعوذه
قال الاستاذ الحريص البخيص المنقذ=الدرر ما جابها غير نوخذه
والمراجل قسمت واقتسمنا ما لذ=ما ملكها المالكي لامواخذه
والذي ما فيه لذه نجذه ينجذ=ما نحب الشين والزين ناخذه
واننا من همنا في هممنا نشحذ=واي زاد الجوع اذا زاد لذذه
من موايدنا النبيذ المحرم ينبذ=والحلال احلى وحنا نحبذه
دلنا تحبيذ دله يباريها الفذ=والذي ظهره يباري مفاخذه
شعر ذب وشعر ذاب وشعر ثالث بذ=الكبود المرهفات المفلذه
من عليها عض يا مالكي با الناجذ=يا عساها ساعة الضيق تنقذه
كم حديث كان للناس حوله ما خذ=لين جاه الترمذي ثم ترمذه
والتحيه للنبيغ البليغ الجهبذ=جهبذتنا جهبذت كل جهبذه
عبدالحميدالفهمي=
(مجاراة ) =
قال ابوجاسم قليل الحيل مستنفذ=والمعاضل من رحات الزمن مستنفذه
والعدودالصافيه دلوهايستجبذ=واردين العد لدلوجابذه
ول ياوقت الشقى من بعد ماناخذ=من صروفك جوهرالعلم ناخذه
دام بعض الناس يحتال حيلة قنفذ=قلت وشلون ابتصير القنافذه
صارفكري من عضول الزمن متجذذ=كنهالابيدجزار جذذه
هقوتي من همتي بالمعالي تشحذ=عادتي واكره سلوم المشاحذه
والحظيظ اللي بلحم الكبد يتعذذ=وكل عظما يكسره ويتعذذه
والذي ينطق كلام الخطأ يتعوذ=خير مماقال ذكر المعوذه
عاشت الأيام دام الردي يتملمذ=مايجافي عن زمانا يملمذه
والغريق اللي بحاجه لفزعة منقذ=يلزم اللي يشرع البحر ينقذه
والجواب الحق مضمون مايتفذذ=والردي دايم علومه مفذذه
والكلام الزين غير الكلام المهتذ=والحقيقه ياهل العرف هكذه
عوض الكاشري=
سلامٍ ازكى=
سلامٍ ازكى من بخور العـود =وازكى من اليشموم والكـادي
سلام ينصى اخوي ابـو فهود =مشكاى لامن حد نـي حـادى
اسمه مسجل في سجل الجـود =ويعد عندي شيـخ الاجـوادي
بين النشامـا دايمـاً معـدود =وان غاب كلٍ عنـه نشـادي
حقايقٍ عندي عليها اشهـود =اشهود من حاضر ومن بـادي
عساك تحيا في هنـا وسعـود =وايام عمـرك كلهـا اعيـادي
واليوم اباعنـز لـك المـردود =مثايلٍ هاضـت مـن افـوادي
البارحـه والعالميـن ارقــود =اتقـول بالاعمـاق وقــادي
والقلب يابحر الصخـا ملهـود =اتقول ناشـة سـوط جـلادي
واسبابها غدر الليـال السـود =اللي علـيّ اسيوفهـا احـدادي
مما جرى لي يا مفيـد الفـود =اعتفت حتى الشرب والـزادي
واقول انا ياليـت عنـدي ذود =احوف به مـن واد فـي وادي
احب انا الصحراء بليا احـدود =واحب واعشق جوها الهـادي
اخصوص لا هبت هبوب النود =والا ليـا مـن دن رعــادي
لا اشوف لا عابـد ولا عبـود =وافتك مـن عايـد وعـوادي
وابعد عن اهل الحقد والمنقود =امولعـت نيـران الاحـقـادي
ياجعل دار اهل الردى بسكـود =يهوي بهـا والقـوم هجـادي
والوقت قيدنـي بغيـر اقيـود =وامرار يتفنـن فـي ازهـادي
لا صار دخل الاجودي محـدود =وش حيلتة في دفع الاقصـادي
والرزق بيد الواحـد المعبـود =ماهو بيـد احمـود وحمـادي
واشوف جفت يبن ابوي اعدود =تـروي مـن اول كـل ورادي
وان كان طق العود راس العود =لا تسمع النشرة مـن الـرادي
و الختم صلى الله على المحمود =الـلي بعثـه الله لنـا هــادي
جندب المالكي=
قال الذي=
قال الذي في نظم الامثال دكتور =واليا قصد شكل قصيده خطوره
املك مع الشعار شهره وجمهور = جمهورا اقدر كثافة حضوره
لاقلت قولاً جا من احساس وشعور = وكلاً يعبر عن حقيقة شعوره
وابسند امثالي و شعري على الفور = على اجودياً طايلاتاً شبوره
سلاماً ازكى من رياحين وزهور= والذ من ذوب العسل في قدوره
يلفي على صقراً تسلسل من صقور = ابن القروم اهل العزوم الجسوره
بو حاتم اللي بين الاجواد مذكور=ابن الكرام اهل النفوس الوقوره
يا مسندي ورتني ايامي الجور = حتى استتدارت بي ثمانين دوره
دنياً لها ياخوك روغة وتغيور = دنياً تراها يالعديم امعثوره
اليا اقبلت شادت لنا دور وقصور = واليا ادبرت قامت علينا بثوره
لا كن ابشرح لك مواضيع وامور =واسرار قلباً با الضمير محشوره
للمجتمع نضره وانا انضر بناضور=وكلاً بناضوره يحدد سبوره
ومن العشاء يا خوك لا شقت النور= والقلب كنه في حلوق النموره
اتقول صايبني على الكبد صاطور = من يد جزاراً يقصب جزوره
بسباب اموراً تودع الحر معقور = وتشيب اللي تو تطلع ضفوره
احداً سعيداً في حياته ومسرور = واحداً بوقته ما تحقق سروره
والناس مختلفين غياب وحضور= واحدأً غيابه خير لك من حضوره
واكثر شباب اليوم بفجور وشرور= من شرب قاروره على لعب كوره
في مجتمعهم صايراً مالهم دور = ون سولفو صارت سوالف بزوره
والبيت لوزانه ستاير وديكور = ينهد لا صارت ضعيفه جسوره
واشوف لي ناساً سواليفهم عور = يا شين حظ اللي طلبهم مشوره
لو اضحكوله وابدو الراي والشور = ماهو محصلهم بوقت الضروره
وبعض العرب يسوى من الناس طابور = نسل الرجال اهل النفوس الغيوره
ويامسندي با الف بالقول وادور = واجنح بموضوعي مع اخر سطوره
ياحن قلبي حنت اتروس ماطور= ماطور جمسن موثقاتاً سيوره
على هنوفاً نورها يتبعه نور = سبحان من نور عليها بنوره
اشكي مفارقها من اسنين وشهور = اقيم بالطايف وهي في شروره
عنها ابعدوني خمة الزيف والزور = امبعدين انوار عن دار نوره
وجتك البيوت ومابها بيت مكسور = ابيوت شعراً يالشجيع امحكوره
من شاعراً شعره مع الناس مشهور= ياما التقط بفلاش الافكار صورة
قال من للشعر=
قال من للشعر يهل الوفا متفرغ=طالما الساحة من الشعر فارغة
الذي يوحي لهذا الكلام ايبلغ=دامت اشموس الطواريق بازغة
احمد الله واشكره بالغ(ن) لي مبلغ=مبلغ(ن)بالعزم والجد بالغه
والحقيقة قبل نجمي يطل ويبزغ =والعرب تطلق علي اسم نابغة
والذي بيقول ما للكلام امسوغ=ما ذكرته صدق ماهو مبالغة
وان طغى الباطل وهيمن فلا زم يدمغ=بالدليل وحجة الحق دامغة
وحسافة كيف جلد الغضنفر يدبغ =الله انه لا يبقي لدابغه
والردي لو صار واصبح عظيم المبلغ=مع رداته ما تفيده مبا لغه
وانت يالي للمشاعر نويت اتدغغ= خل عنك الفبركة والمراوغة
واه من قلب(ن)يالاجواد كنه يلدغ= لدغة الرقطا بنابين لا دغة
والسبب فيما جرالي من ابو لغلغ=موذي العالم بصيحة لغا لغه
وانشد العراف قدام قولي يفرغ=منهو الي علم الببغا لغة
غير ياعود الثمانين بطل تصبغ= منت مخفي الشيب لوكنت صابغه
واعرف الشيطان بين الخلايق ينزغ=لين ذاك الود يصبح مدامغة
وافصح امن القول ذا يالاكارم وابلغ=الله انعامه على الخلق سابغة
بني مالك =
قال الذي عنده للاحوال تحليل =ون هاض جاب المفردات الجزالي
حنا بني مالك رجال(ن) حلا حيل=اهل الشيم واهل القيم والمعالي
قوما(ن)لنا بين الرجاجيل تبجيل=ولنا المقام المعتبر والمثالي
الغانمين الحازمين المشاكيل=اهل السلوم امومنة كل جالي
تشهد لنا الهيجا وتشهد لنا الخيل=يوم احتدام المعترك والنزالي
والمعتدي دايم نحده على الويل=بالنيمسي ومصقلات السلالي
والضيف يلقا عندنا كل تكميل=والسكرية قبل صب الدلالي
وحنا مصابيح السرا لضلم الليل=بالعصر الاول والسنين التوالي
ما نارد الا صافيات المناهيل=واليا تكلمنا قطعنا الجدالي
وحنا الكرام امثقلين المعاديل= واهل الوفا كله من اول وتالي
واللاش لوتعطيه=
قال الذي في بحر الامثا ل غواص=ونفوس خلق الله بحدسه فحصها
يا مال فرقى العين يابعض الاشخاص=ناس(ن)تهين انفوسها من لبصها
لا ثارت الغارات بصياح ورصاص=حاصو ولا صو من بداية حصصها
لو اخلص الوافي لهم كل الاخلا ص=جوه ابعلوم(ن)خافقه ماخرصها
والوقت لعزوم الرجاجيل مصاص=ياكم علوم(ن) بالفواجع خبصها
والذيب اشوفه داخل اشبوك واقفاص=وام الصياح اتحررت من قفصها
وصار النحاس منافس اللول والماص=وزادت على احلوق النشاما غصصها
لا قفت الايام بعلاج الاقراص=وقصت على اصحاب المطالب قصصها
قلنا بعالي الصوت لدان والقاص=وشلون بالله منتهزنا فرصها
واللي بوسط البحر يالربع ما غاص=لو عاين اسماك البحر ما قنصها
واللي عن الواجب ودرب الوفا حاص= مخباة ماله بالعطا ما نقصها
واللاش لوتعطيه من جيبك الخاص=لو هي شويكة في يدك ما نبصها
ما في اللاش =
قال منهو بدا بالشعر عرف وفراسة =كل فنا عرفه وكل حكمة درسها
والله مشره على راعي الردى والخساسة=مشره الا على قرما علومه طمسها
وضعك اليوم يالهافي درسته دراسة=واكتشفت العلوم الي ضميرك حبسها
ما في اللاش خير ولا براسه حماسة=غرسة(ن) لا عسى الله يرحم الي غرسها
لوقضيت العمر مابين كرسي وماسة=منت مستوعب اعلوم(ن) يضوي قبسها
اعرف الدرة البيضا واعرف النحاسة=واستشف الامور الغامضة واقتبسها
والحب اعرف متى حصده وحزة دياسه=والميادين اعرف احصانها من فرسها
واصحب الي يجي بالراي من مخ راسه=راية الخصم بالميدان ياما نكسها
واتجنب قليل المعرفة والسياسة=مهفي الروح بدروب الخباث ودنسها
واصحب الي ليا جيته لقيت الوناسة =اجودي(ن) لبوس اهل المكارم لبسها
جعل مثله بوقته مايشوف التعاسة=والليالي السعيدة مايطوفه ونسها
قال الذي =
قال الذي غنى على كل طاروق=ويجيد بدع امعوسرات الطروقي
ابا تمثل كان للمستمع ذوق=وابين الي في خفايا خفوقي
مثايل(ن)يطرب لها الحر ويروق=وتسلي الي خالفته الوفوقي
جار الزمان وصار في مقدمي عوق=ودنيا الحتوف اتفننت في عقوقي
بغيت حق وصرت يالربع محقوق=واصبحت بين اهل الحقوق امحقوقي
ومن الخطا صارن في قلبي احروق =ازرا يعالجها طبيب الحروقي
بسباب ناس(ن)تعشق الغش والبوق=وقلوبهم بعد المعاهد تبوقي
ولا السنتهم ما حكت حلو منطوق=ومن النقايص ثوبهم به شقوقي
اقصد عفون(ن) عندها الشر معشوق=عوج الهروج امدنقين العنوقي
اهل العيوب امتابعة كل مطفوق=امشغلة للشر صوت البروقي
امسوية لشر بين البشر سوق=سود الوجيه امعاملة كل سوقي
امفرقة ما بين معتق ومعتوق=خباث الطباع امدورين النشوقي
الي على الفتنة غدا شوقهم شوق=ودهم بشر ايحوق الاجواد حوقي
حتى تشب وتنشب احلوق بحلوق=في ساعة (ن) يبلش بها الي حموقي
هاذا ولولا الخوف من واحد(ن) فوق= الي خلق يالربع كل امخلوقي
لرد لهل البا طل الطاق مطبوق=صباح يوم(ن) ما لشمسه شروقي
ذا قول من قوله موكد وما ثوق= ما هو بقول السيفهان الطفوقي
وانكان عند الناس ضاعت لي احقوق=مولا ي عنده ما تضيع الحقوقي
اللي درس =
سلام يامن خوته ترفع الراس=سلاما اسمى من سمو الحماسة
واثمن من الياقوت واغلى من الماس=واحلىمن الذوب المصفى بكاسة
والذ حتى من مذاق الا نا ناس= في دوحتن غنا تجيب الوناسة
يلفي وينصى صيرمين وقرناس=امعرب المجنى من اصله وساسه
بن جابر اللي كاسبن كل نوماس=صافي ذهب ماهو بمعدن نحاسة
ابن الذي لا عدو اهل التفراس=عدوه الاول بين ربعه وناسه
من لابتن تعرف وتذكر مع الناس=اهل الوغا واهل الوفا والفراسة
ويا خالد افهم ما كتب فوق الاطراس=معاني اللي بحر الاشعار قاسه
معانين تلبس من الحكمة الباس=جواهرن فيها الحلى والنفاسة
الوالدين اشرب مع برهم كاس=كاس الرضا ومسايستهم سياسة
واحرص على السنة فهي خير نبراس=ومرافق اهل العلم واهل الكياسة
والدين يا خالد هو الاصل والساس=ورجلن بليا دين ينهد اساسه
اجلس مع العلم في كل مجلاس=وافهم دروس العلم والبس لباسه
واحذر هل الغرات والناس الانجاس=اهل العلوم الهابطة والنكاسة
واحذر من الهلاس تباع الادناس=اللي يدوبح للنقايص براسه
وحق الخوي يلزمك ياراعي الباس=واليا حدنه عوج الايام واسه
واللاش لو يملك من الثروة اكياس=ترى علومه كل ابوها طفاسة
واليا بغيت اتحدد احوال الارماس=وتحيط بغموض المسا ر ومجاسه
دورلها اللي يعرف ارموز الاقواس=اللي درس حل الطلاسم دراسة
هذا وانا عندي للاشخاص مقياس=والرجل مايخفى عليه مقاسه
واسلم ودمت وكل معنى من الراس=معاني اللي شيب الوقت راسه
والختم صلى الله على خيرة الناس=اللي على اهل الشرك داس بمداسه
محمد الشافع لنا يوم الاتعاس=لا ضيع الانسان جملة حواسه
بدون نقاط=
ولد مالك امس العصر عدا على المدهال =ودار الهوى واهدى على ام الحلى حله
الا ردد الملهم على اهل الهوىمـــــوال =احالوه لهل الحلم والعلم والمـــــــــــله
احس الالم والهم والسل والســـــــلال =وحلو الملامح ما رحم والهوى عــــــله
واهل المدامع كلما الد للا طــــــــــــلال =ولا اود ولا اهوى سوى ساحر الطـــله
هواحلى الملاح وللحوالك سطوع اهلال =واله السما الواحد عطاه الحلىكـــــله
اهلل مع الاسحار وادعو مع الاصـــــــال =واسال الله الماوى مع مدلع الحـــله
اصور على المسرح حلول اول الاحــــوال=واحل الطلاسم واحكم الامر واحــــله
وامر الامور اهدار الاعمال والامـــــــــا ل =وامرالامور امرار مسلم على مــــله
نشيـد(مجالسي)=
الا ياالله يا مجري الهوى =ويا منهو على العرش استوى
ويا عالم بقلبي وش نوى=وياعالم خفايا كل نية
اسالك وانت علام الغيوب=ويا من تعلم اسرار القلوب
الاياالله على عبدك تتوب=وتغفرلي وتمحى كل سية
دعيتك وانته الرب الكريم =تثبتنا على النهج القويم
وتهدينا السراط المستقيم=وتحيينا الحياة اللي رضية
والا يهل الوفا واهل الثبات=تهيض خاطري بالمفردات
طواريقن كما سكر نبات=تحتمها الضروف الواقعية
والايا مرحبا بغلى ضيوف=واكررها ملايين الالوف
وفي جيتكم نصف الصفوف = ويا صباب دير الشاذلية
لفيتونا على راس الشجيع = رفيق الجنب لنسد كل ريع
حليف الجود محمد الصنيع= ابو خالد مفرق كل هية
ليا حل الملاقاء والهواش= على الاخصام سلال وعماش
وللا صحاب هتان ورشاش = من اللي يرفعون المعنوية
ولن جا ذكر خالد بالكلام = مقول الا كريمن من كرام
له التقدير هو الاحترام= كريم اسبال وكفوفه ندية
وابو راكان مزبان الدخيل = له القالات والذكر الجميل
ولن صار المعاند له قبيل = طويل اذراع وعزومه قوية
وماجد مانسيت ولارجب= هل الفزعات اذا الواجب وجب
تجدهم دايمن عند الطلب= تقل عسكر بوضع الجاهزية
وشرفتم على سمن وسمان = وحنا اخوة على طول الزمان
ومن شخصي لكم عهد وضمان =ويالله لاتجيب المكرهية
لفيتم يارجاجيل العزوم =وراحت وانتهت كل العلوم
ولا عد بيننا غير السلوم=كلامن صدق والعهدة علية
ويصحاب المكارم والنبا=ترو حنا عواني واقربا
ومن يشنا لكم جعل ايهبا=ويالله لاتبقي له بقية
ولخواني على شخصي حقوق = ملاذي لاتلاشن الوفوق
ولن نشبت حلوقن في حلوق=بدوكنهم كتيبة عسكرية
واحب اقول في هاذا النشيد=كثير العد قالو مايفيد
ومن قول العوارف نستفيد=ولاتصعب على القاضي قضية
وفي هاذا المقام احب اقول =كلامن تفهمه كل العقول
كلامن ياهل العرف امعقول = على ضوء الحروف الابجدية
منا الايام شيب مفرقي = وبالغبات حول زورقي
وكن القلب ناشه مطرقي = وبا الاعماق عله داخلية
ومن طاوع هوى نفسه ندم= ومن عثرات بقعا ماسلم
ومن بالدين يالربع التزم =فلا يرضى الحياه الفوضوية
وتقوى الله وخوفه خير زاد= ومنهو طاع خلاق العباد
هداه الله لدروب الرشاد= وصارت عيشته عيشه رضيه
وكل الخير وفي الاتباع = وشر الشر شر الابتداع
ودرب ابليس تاليه الضياع= وعوده للحياة الجاهلية
وربي ماخلق عبده همل= ولاكنه مكلف بالعمل
ودين الله على الحق اشتمل = ودين الله خيرن للبريه
ومنهو حاد عن درب الصواب = تعرض للمتاعب والصعاب
ولسواله فلى يلقى جواب = وبين الناس ماله قابليه
وتم القول واختم بالصلاه= على المبعوث نورن للحياه
عدد ماحدثو عنه الرواه= وما هلت من المنشا نشيه
مساجلة =
يقول من لا بالمثايل تكلكل=له في مجال الشعر منهج وملة
ابا تهيض بالشعر واتمثل=من فيض فكراً كل معنىً يدله
الهم في داخل فوادي توغل=والجاش فيه اكثر والفين علة
بسباب وقتاً يالنشاما يهول=وقتاً على الاحرار سيفه يسله
وقتاً حرامه صار واصبح محلل=لين ابتلشنا في حرامه وحله
هذا وبا اوجه كلاماً مفصل= للي قصيده ماوقع فيه خلة
اللي من احروف الاعاجم تبهذل=حتى تحير في مسايل سجله
قولك صحيح ومن على الله توكل=لا قا المنافذ كلها شرعاً له
وبتالي الامثال حاول تحلل=لغزاً عجزت القى حلولاً تحله
وشهي شجرةً ما يجي تحها الضل=واليا يبس فيه الورق ما تهله
وان كنت عاجز يبن هندي عن الحل=ما ضني احداً يبن هندي يحله
ليلة ربوع=
ليلة ربوع الفى جواباً مسجل = من شاعراً بحر الشعر مدهلله
ناقد بديع وكل معنى يجمل = مايبتلش مابين دقه وجله
شاكي لنا هماً بقلبه تولول = عليه كنه مزنةً مستهله
الهم لقلوب الرجاجيل مدهل = شابو وعافو عن دروب المضله
يامالكي اصبر ومثلك تحمل = والحر مثلك ما حصل فيه ذله
هاذا زماناً فيه ابو زيد همل = ساق النضاً ثم اعلن الحكم لله
لو يلتبس في ليلة اشقر الزل = كنه علئ جمر الغضاً مشحلله
يشوف جهالاً عليناً تجهل = يقول عن درب السنع مرخصله
الشرع واضح والمهبل مهبل= لا تنخدع فيهم عسى الموت شله
صاحب رجال العلم بالعلم تبتل = العلم يرفع صاحبه بالمطله
ون كان ترغب راينا لا تملل = هاذي نصيحة غامدي في محله
اللغز واضح والرجاجيل تفصل = صوره بليا روح من غير ضله
صبنا الهدف والمعرفه ماتمشكل = ون كان جنبناً هذا اللغز حله
بنشدك وش مخلوق له ثوب ماشل = اربع معه وثلاث ما وا فقله
بحر الشعر موجه علينا يهول = واللي عجز يشرب من الكيف دله
ومني على جندب سلاماً مكمل= اعداد ما زاع الخبر بالمجلة
سالم بن هندي الغامدي=
اهلاً هلا=
اهلاً هلا تعداد وبلاً تهامل = وعداد جمعاً قامو الفرض لله
وعداد من سبح وكبر وهلل = في ماقفاً كل البشر وجهن له
بردود من لا عن ردوده تكاسل = بو مطلق اللي كل معنىً فطن له
شاعر وقافه ماتزعزع ولختل = والشعر يخضع له وهو ما خضع له
اللي عليه ابواب وقته تقفل= يصبر ويلقى يالوفي مخرجاً له
واللي عليه الارض قامت تزلزل=لا يشتكي لهل الردى ما حصله
واللي على غير المهيمن توكل=خاب وخسر واصبح على شر ملة
وراع الخطا بالسيف الاملح يجندل= وان هو سلم بغض الاوادم جزاً له
هذا وفكري يبن الاجواد ماضل=عن ما زعجته فوق صفح السجلة
بوزيد فعلاً مثلما قلت همل=من عقب ما كان الو غا منهلاًله
هذا وبن شداد هو والمهلهل=سادو بادو واصبح الامر لله
اليا اضحكت دنياك قالت تدلل=ون كشرت هدت عليك المطلة
دنياً غرور ومن تبعها تمشكل=ويروح وقته قبل ما يستغله
في طاعة اللي له كتاباً منزل=اللي جميع الكاينات اخضعن له
قلت الوكاد وقولك القول الامثل= وصبت الهدف صبته وجا في محله
واللي تقول انه معه لبس ماشل=شال الحمل والصبر عنده جبلة
كم من حمولاً شالها ما تململ=وثلاث ما جازت ولا وافقاً له
هذي رموعي والمحلل يحلل=والمعذرة لن كان في الحل خلة
والسالفة ما هي بطولة مسلسل=والصوت والصورة تحل الشكلة
وش رايك =
قالو لي اصحاب التجارب والابحاث= وش رايك الواضح بشعر الحداثة
قلت الحداثة تشبه اموات الاجداث=موحيت لصحاب القبور استغاثة
الشعر وان ما صور اوضاع واحداث=عند اغلب العالم يسمى غثاثة
مهبلين اصحابها اذكور واناث=لو يمزجون اخلاقهم بالدماثة
والقافية لا جت وصارت سوات اث= الوزن والمعنى تكمل ثلاثة
والبيت يا زينه بديكور واثاث= ياللي سكنتم فيه من غير اثاثه
ولكل شعب اعراف وامجاد وتراث=ولا خير في شعباً يضيع تراثه
وياداخل المسجد بثوماً وكراث= بيت العبادة ما وضع للخباثة
ومن لا ورث من ثروة ابوه ميراث=لا يخدع القاضي بصك الوراثة
والزارع اللي ما بياديه محراث= يحرص على قلع الشجر واجتثاثه
سلاماً ازكى=
سلاماً ازكى من اليشموم والفلي=واحلى من الذوب ومن السكر الحالي
واصفى من الوابل الهتان لا هلي=وانساب واصبح مع الشعبان شلالي
وازهى من الزهر لا من صار مبتلي=من وابلاً مع شروق الشمس همالي
وابهى من البدر لامن صار متجلي =واغلى من الماس ومن اللولو الغالي
يلفي على الَي بضيفه دايم ايهلي=محمد العاصمي محمود الافعالي
راعي وفا وبصفات الطيب متحلي=من طيب الاعمام ومن شموخ الاخوالي
حب المراجل بشخصه حباً اجبلي=ومنين ما جيت له تلقاه رجالي
له مجلساً ماجلس به كل منحلي=وعلوم الاجواد فيه الوان واشكالي
من لابةً قدرهم سامي ومتعلي=ذباحة الضد لا جا حرب وقتالي
امومنين الدخيل وكل متجلي= وان قامت الحرب صارو هم الابطالي
اقصد بني عاصم اهل العقد والحلي=اهل المقامات واهل المستوى العالي
جابو لنا الَي سوات السيف منسلي=محمد الَي تعلى روس الاقذالي
اسس لنا موقعاً من جاه ماملي=اصبح للاجواد مركازاً ومدهالي
يحوي علوماً تسر النفس وتسلي= وبكل الاقسام تاجد راحة البالي
وابومهند على يمناه متولي=ابن الكرام الحشام وطيب الفالي
ايدير الاعمال وان جا الواجب مصلي =وان جاب ما جاب غير اسمان وجزالي
وابوسعود المسمى سامي الدلي=ابن الحرار القروم وسمح الاقبالي
امواصل الجد لا هوَن ولا كلي=واليا اشكل الامر قام وحل الاشكالي
والطيب معكم سوات الفي والضلي=وان شلهب الوقت صرتم في وضلالي
ولواكتب امداحكم بكتاب وسجلي=جف الحبر قبل موفيكم بالاقوالي
شياً شهدته مهوب انسان قايلي=ولا فبعض العلوم اعراض وطوالي
والله يجنبكم اهل الحقد والغلي=والله يقاكم شرور اخباث الاعمالي
يقولها شاعراً ماهوب متسلي= ومن اختلاف الليالي شاف الاهوالي
اوجس بالاعماق مثل اعيار عصملي=من رامياً ينسف الاهداف طوالي
ومن التفاكير اخاف اصير مختلي= ويقولو الناس جاه جنان وهبالي
لو اذكر الَي مع الايام حاصلي=مستوعب الامر حتى الحاسب الالي
واخر كلامي عبير الورد والفلي =وازكى التحيات واجمل ما تهيالي
والختم صلو عدد ما هل منهلي= واعداد ما قدر المولى من اجالي
صلو على الَي عليه الواجب انصلي=محمد المصطفى والصحب والالي
يامرحبا=
يامرحبا من هجوساً تشفي الغلي=ترحيب غالي لشاعر منزله عالي
ترحيب وافي يمجدني وينقل لي=ترحيب مني ولاهو بسمي لحالي
عن تاج راسي وانا لو لا اسمهم ملي=ربعي بني عاصم اللي تثبت اقوالي
راسي وساسي وخلي يابعد خلي=واسمي ورسمي وقسمي فول وتالي
وعن محمد ويوسف وخدم الدلي=يامرحبا هيل عد السيل يالغالي
رحبت عنهم وجيت مرحب مهلي=ياجندب المالكي ياطيب الفالي
مدحت ربعي وانا من غير يدع لي=خدام ربعي وشيل اخفاف وثقالي
ربعي عساني فداهم يايبه كلي=ما ارضى بدلهم لو الدنياء تهيالي
لو مت ومجاد ربعي تاخذ امحلي=كني مع امجاد ربعي عايش وسالي
ياجندب اسمع كلامي زين وفطن لي=المكربه تنجلي والحمل ينشالي
ياجندب المالكي ياصاحبي يالي=مثيل ظلي معي دايم على بالي
اخوتك تنشرى بالمال وتغلي= هب نود الهبوب جنوب وشمالي
لاانا اشهد انك كفوا ما تعرف الذلي=وانا اشهد انك رجل وعلى الحكم والي
اعرفك من غير لا اوصلك وتوصلي=فارس تعادل ميه فارس وخيالي
شمسك لنا مشرقه والنور متجلي=اقولها صادقاً ماهي من اهبالي
من غير ما زيد فالاعلام وعلي=اسمك ورسمك وقسمك ما بتنزالي
شاعرعلى ساحه الامجاد متولي=شاعريشرف ويعمي كل محتالي
شاعر كلامه نهار الضيق منزلي=يظلني ظله اللي يطرب امثالي
يظلني ظله وظلله من ظلي=يعني نكمل بعض في كل الاحوالي
شاعر كلام يزيح الهم ويسلي=بيتي وقوتي ومخراجي ومدهالي
شاعر يشرف ومن عارضني يولي=شاعر يوازن شموخه واسمه اجبالي
شاعر اذا حصص الحق مابيختلي=شاعريعادل غلاه كنوز واموالي
شاعر ولا هو بمتغطرس ومتغلي=اغلاء من اغلاء غلاء وشريك وموالي
يخاف رب العلا ويصوم ويصلي=يحارب الحاقدين وغدر الانذالي
والمشكله لا حضر تندك وتجلي=شيخاً ولد شيخ منصب عز ومعالي
ماقال تكفى اعطني يومين ومهلي=في ايديه مفتاح يفتح كل الاقفالي
ياهملالي وياحالي وياحلي=عجزت اكمل وصوفه يابعد حالي
من فين اكمل له الاوصاف من فلي=ما توصفه لا ملاييني ولا ريالي
والخوف لو فكر انه يوم يرسلي=وهيبته ما احتملها بث الارسالي
لا طاح من هيبته اكبر برج متعلي=محداً بيشره عليه انا وجوالي
سعود حمدان العاصمي=
صبري لربعي=
لوموا وعدوا على اهل الباديه واجهدو=حطوا لسياتهم مسودة القايمه
قلبي متيم بحب الباديه والبدو=ماعاد يسمع ملامة صاحب اللايمه
أحب قوم المطايا والظعن والشدو=سلو المسافر صحات الحلة النايمه
قومًا ليا سافروا برًا بليل اهتدو=للدرب حتى ولو ان السما غايمه
واحب قوم الغنم للورد لاوردو= يسقون ميلانهم والأهل والهايمه
وان شعشع الصبح رُعيان الرعايا غدو= يم المراعي لأجل يرعون بالسايمه
واحب خُوة هل المقناص لا صيدو=في البر وإلا الجبال الشمخ الشايمه
الصيد موروث لو في صنعته جددو=احب من يحفظ الموروث و لايمه
واحب اسولف مع اهل العرف يوم ابتدو= في مجلسًا والدلال الصفر متكايمه
ربعًا لهم كل قوم المعرفه مجدو= مثل الصقور الحرار بجوها حايمه
واحب ربعي ولو انهم علي اعتدو=واصبر عليهم ولو زادت بي الضايمه
صبري لربعي ولاصبري لذل العدو= ذلاتهم ماتدوم أما العدو دايمه
عوض الكاشري=
(وهذه مجاراتي لقصيدته)=
يامرحبا بالبيوت الَي علِي اوفدو= اعداد ماذعذع النسناس بنسايمه
اشوفها ثارت الهيجا وراح الهدو=والكاشري هجمته ماهي بمتوايمه
لاكن يازين من بعد الرواح الغدو=ومكابد الليل تالي الليل وجهايمه
اخاوي الي بسيد المرسلين اقتدو=اللي تربو على الاسلام ودعايمه
واللي لقول الله المعبود ماجودو=مستطعمو لذة الاضهار ودغايمه
وارافق اللي لرب العالمين اسجدو=واروغ عن صاحب الاجرام وجرايمه
واجالس اللي لنيران الخلاف اخمدو=لاصار كلاً يريد الخير ومرايمه
واصغي لمنهم بزينات المعاني شدو=واصد عن مجلس النمام ونمايمه
واتجنب اللي لنيران الصراع اوقدو=اللي على الشر مابين البشر هايمه
واساند اللي على احدود الاعادي بدو=مستغنمين الفرص لا صارت املايمه
وان كان ماصبت يامغرم بحب البدو=لياك تلقي علي اليوم باللا يمه
واهل الطريق الصحيح استرشدو وارشدو=واهل الضلالات ما قامت لهم قايمه
جندب المالكي=
في صفحه المجد=
في صفحه المجد والتاريخ ياابن ادم=امجاد وافعال تقعد راسي القاسي
امجاد ربعي بني مالك بني عاصم=روحين في قلبي وعينين في راسي
اللي بيحضر يسد اللوم واللازم =ساسي وراسي وراسي الشامخ وساسي
تاريخ فيه القرار الصارم الحاسم=يجري معي في دمي ويسابق انفاسي
في وقتنى اللي مضى والحاضر القادم=بمجادنا نحقق اكبر رقم(ن) قياسي
واليوم بضرب لكم مضرب مثل حازم=واكتب لكم اسم (جندب) بين الاقواسي
واحيان جندب يلقب نفسه (القادم)=في كل الاحوال يلبس عز الالباسي
اسمه كماء الغيث له توقيت ومواسم=رحمه من الله تجود وخير لناسي
في كل موقف قراره حازم وجازم=يصدر قراره ويجلي الهم والباسي
بسمه وصلت القمم وانا منا عازم=بسمه تعلمت ماطاوعت وسواسي
من يوصل ويعتلي القمه مهو نادم=لوطاح وقع وهو واقف ومتواسي
ياجندب الله يديمك ذخر يالقادم=جمايلك بحر عمقه مابينقاسي
بعيش وانا افتخر بك في بني عاصم=وموت شايل معاريفك على راسي
سعود حمدان=
حي المثايل =
حي المثايل وحي الي لها ناظم =اعداد ما خطت ادوادةً بقرطاسي
واعداد مستعزم المعزوم للعازم=واعداد ما دارت الدلة بمجلاسي
واهلاً هلا هيل يا شاعر بني عاصم =يسعود يبن الوفا والجود والباسي
يا مهديا ً لي بيوتاً علمها غانم =مثايلاً تنسي المتعوس الاتعاسي
ابيات شعراً مسنّدها على القادم=ما كنها الامن الياقوت والماسي
واقول يسعود يا مشكاي يالفاهم=الكل با مر الولي والناس للناسي
وانته رقيت القمم قبلي مع العالم=واصبحت مثل الطويل الشامخ الراسي
والّي لكم في ميادين الشعر صادم=عاد الحسابات وتراجع بالاياسي
والّي على شخصكم يامسندي ناقم= هذاك ما هو محصل غير الافلاسي
واقول ابو زيد لا يامن لبن غانم=والسيف محداً مقابلّه بالامواسي
واقول يسعود جاك الرد متناغم=من شاعراً في بحور الشعر غطاسي
واقبل تحيات اخوك الشاعر القادم=وازكى سلامي وما ينطق به احساسي
والختم صلو على المعصوم ابا القاسم=اعداد ما هل غيث وهب نسناسي
مقاطع بلاتوث=
البارحة جتني مقاطع بلاتوث=من واحداً ما سرني بالتوثه
اتوقع المرسل لها شخص(؟؟؟)=متخكرياً يحمل صفات الانوثة
الناس خابو واصبح الشر مبثوث= واصابت افكار اكثر الناس لوثة
والمسخ اضنه جاي لو قالو الغوث=وانا اعتقد ماهو بعيداً حدوثه
وابليس بين الناس للشر باحوث=وموزعاً بين الخلايق بعوثه
واللي لبث الشر ناشر و باعوث=لعل والله مايطول مكوثه
اقولها والصدر ضايق ومغثوث=والنفس من تلك الامور امغثوثة
يابو مهنا=
البارحة يابو مهنا-سهران مانامت عيوني=بسباب من حوله ودونه-جيشاً كما جيش الا ثاني
القلب بسبابه معنا-واهم قلبي وا حزوني=كيف اقضي اوقاتي بدونه- يامبعدينه عن مكاني
كلاً مع احبابه تهنا-وانا مواليفي جفوني=والحر ما ترقد عيونه-اليا حداه اللي حداني
اليا سمعت الورق غنا-على الغضي هاضت شجوني=والليل اذا خيم سكونه-يندار دولا ب المعاني
يا عود ريحاناً تثنا-لك ميزةً بين الغصوني=اللي ليا مالت غصونه-ازتاد همي وامتحاني
امشاهدي لك ما تسنا-وان جيت اشوفه هددوني=ومعزبينه يمنعونه-ومحذرينه-لا يراني
اوجس كما رمح المثنا –ايمر من حدر المتوني=والقلب تتزايد حزونه-اخاف اصير اهبيهباني
يا موطن العز=
يا موطن العز والاكبار والدين العظيـم القويـم=ياموطن المجد والتاريخ يـادار الهـدا والسـلام
يا موطناً وحدك بالعدل هاذاك الزعيـم العظيـم=العاهل الراحل الي واجه الاعـدا بحـد الحسـام
عبد العزيز الذي رد العـرب للمنهـج المستقيـم=احيا الشريعة واقام العدل واقر الحكـم والنظـام
عقب وراه الملوك العادلين امروضيـن الخصيـم=اسعود والفيصل وخالد وابو فيصل شموع الضلام
واليوم يا موطني حنا تحت ضل الكريم الحليـم=بو متعب الي بنا الامجاد واسس للمعالي مقـام
واقول ياموطن استبشر بمقـدام الاميـر الكريـم=سلطان راع المكارم والملاحم والمهـام الجسـام
يا والي العهد والجيش السعودي قايده من قديم=الواقع انك على اهل الحرب حرب وللمسالم سلام
يا فزعة الخايف الملهوف يا ماسح دموع اليتيـم=يالي عطاياك للعربان دايـم مثـل هـل الغمـام
الارملة والكبير السن والمسكيـن والـي سقيـم=اسكنتهم بالقصور وبالفلل بعد العشش والخيـام
امداد جودك توالت للمواطـن ووصلـت للمقيـم=واوليتنا يا سليل المجد كل الحـرص والاهتمـام
اسال ربي يردك للوطن يا ميـر وانتـه سليـم=وتعود للدار واهل الدار وتباشر جميـع المهـام
واقول يا سيدي حبك ترى متمكناً فـي الصميـم=والله يعلم ويشهد لي يبو خالـد علـى ذ الكـلام
البارحة=
البارحة وامة محمد هواجيع=قضيت انا ليلي على راس كوعي
تقول ينزع بالمحاني منازيع=وبقصى الضماير مثل نار الشموعي
كله سبايب كايدات المواضيع=مشاكلاً يهل المعرفة تروعي
مشاكلاً يبلش بها الرجل ويضيع=وتخضع الرجال كل الخضوعي
هذا وبا اسند على حامي الريع=امعرب المجنى بعيد الرموعي
صاطي الليمين امطوع المال تطويع=امومن المفزوع يوم الفزوعي
ميدي لغياث الضعوف المجاويع=اللي على كسب المراجل ولوعي
شوق الملاح الفاتنات المفاريع=ابن الرجال امفرقين الجموعي
اخويه الوافي بعيد المطاليع=بوغيث لا هوم الغشوم الطموعي
له مجلساً بوبه بليا مصاريع=ومهيلاتٍ يقتفيها القدوعي
ومفطحا تٍ في صحوناً لواميع=اتحوفها الخيرات من كل نوعي
وسوالفاً تشرح صدور السواميع=مابين قال الله وقال الشفوعي
وسلاماً ا صفى من زلال اليا نبيع=وازكى من الازهار بين الزروعي
هذا وبا افرع لك العلم تفريع=وابين اشيا خالفتها رموعي
تبدى مشاريعاً وتنهى مشاريع=وانا مشاريعي سرابن لموعي
ومن العثاير صدع الراس تصديع=واعلنت لاحداث الليالي خضوعي
واسلم وتبقى واخر القاف توقيع=والعد ماهو مثل ماي النقوعي
عجيب=
عجيب ياقلبي وعجبتك دوبك=ماشوف علم ٍجايزاً لك و مــــــــــــــعجبك
ياقلب حاسبني وحاسب ذنوبك=ماادري بخلان الرخــــــــــاوش مرغبك
وش ولعك في ناس ماقلدوبك=ولاثمنوا حقك وقــــــــــــــــاموا بواجـبك
ربعاً يذريهاالذرى عن هبوبك=خسران لوتــــــــــشكي علــيهم مصايبك
ان كان ماتلمس يدينك جيوبك=في ذمتي مامنهم اللي يصـــــــــــــاحبك
وان حصلوا مقصودهم ربعوبك=سووا لك الــــــــــخط الزلق لين يقلبك
وعندالنهايه برقوا وضحكوا بك=كم من ضحوك ٍيستـــــــغيبك ويشذبك
اليوم صدقانك وباكرحكوا بك=وبعدالرجا منهم تكدرمـــــــــــــــــشاربك
هراجة المجلس ليامالقوا بك=شياً يقولونه حــــــــــــــــــــــداهم تنكبك
ومالوبسوق المهزله ونزلوبك=ضعاف العقول الي تسـولف على الدبك
يحكي بك اللي عاجزاً عن دروبك=لافاعل ٍفعلك ولاهــــــــــــــــومجنبك
اعرف على جسمك تفاصيل ثوبك=واترك مذاهبـــــــــــهم وعزز مذاهبك
رشيد الزلامي رحمه الله=
مجاراة=
ياشاعراً كل القبايل دروبك = يالشاعر اللي تتقن الحــــــــــبك والسبك
ابهرت رواد القصيد ابسلوبك=اسلوبك اللي مقــــــــــتبس من تـجاربك
واقول ياقلباً تزايد شبوبك = اصبر على جفوة ربوعـــــــــــك واقـاربك
الجود لا من جدت غطا عيوبك =والبخل يبدي للــــــــــــخلايق مثـالبك
وان شفت خلق الله تمنى رسوبك=احذر تـــــــــخلى يافـتى عن مراتـبك
ناساً ليا من جيتهم رحبو بك= واستبشرو بقـــــدوم شخــصك وموكبك
وناساً ليا من جيتهم سفهو بك = وابدو لك الـــــــحقران وابدو معايبك
ولا كثرت همومك وزادت كروبك =والكل مـــــــبغض لك وكلاً محاربك
ازبن على اللي عالماً عن غيوبك= اللي ليا طــــــــــعته يحقق مطالبك
ون فضيت امن المال كلتا جيوبك=حاول تحلل يبن الاجــــــــواد راتبك
وفي المواقف لا يسجل هروبك=ويصير كلاً في المــــــــــجالس يعاتبك
وبحزة الشدات بين وثوبك=قدام يغرق في المحـــــــــــــــــيطات قاربك
ون ما حمى السيف المعلق جنوبك= لا تحتزم به يوم كلاً يـــــــشاغبك
واعلن على كل الاعادي حروبك= حتى على اخصــــامك تطوق كتايبك
واليا انبتت وسط المزارع حبوبك= انفق ترا رب الـــــــــــبرايا يراقبك
واليا اتجه وفد المطاليق صوبك= احذر تقطب للـــــــــــمطاليق حاجبك
جندب المالكي=
بسم الله =
بسم الله ابدا قبل ما اعد الابيات= قدام اصوغ القول والمفرداتي
يالله ياللي سامعاً كل الاصوات=ياخالقي يامكون الكايناتي
ياللي خلقت الارض هي والسموات= ياللي بعثت الرسل بالمعجزاتي
يالله تسددني بكل العبارات=وبما كتبته بالقلم والدواتي
وخلاف ذا مني سلام وتحيات= مقرونةً بالورد ومعطراتي
تلفي على راع العلوم الشريفات= اللي علومه كلها سامياتي
شيخ المراجل والوفاء والجمالات=وقت القسا وبحزة النايباتي
الشيخ والاستاذ وابو المروات = امعدل العوجات والمايلاتي
آخويه اللي له مواقف وقالات= ابو علي متعلي النايفاتي
أمضى في التعليم عدة سناوات= امسجلة في دفتر المنجزاتي
واللي يبي مني براهين واثبات= هذي علوماً كلها مثبتاتي
وعلى يديه ايسلمون الشهادات=واكثر تلاميذه في الجامعاتي
علم تلاميذه سنيناً طويلات=علماً يعلم به لمن سوف ياتي
ومقيم بالمسجد جميع الصلاوات= وانت الامام وملقي الموعضاتي
ومدعماً قولك بحاديث وايات= وايراد قول اشيوخنا والدعاتي
وتكرم الضيفان في كل الاوقات= بالطيب واصنافاً من الطيباتي
صبح ومساء ودلالك الشاذليات= امزهبة لضيف ومولماتي
والعود الاشقر والكبوش السمينات= امقلطة لضيف ومقدماتي
وبحزة الشدات والمدلهمات= تقدر على الصعبات والكايداتي
ومن القبيلة نلت كل الاشادات=واثنوا عليك الغانمين الثقاتي
والعود ربي يرحمه عندما مات=ازرتنا بضروفنا القاسياتي
وربيتنا واحسنت ياطيب الذات=وبكل امانة قمت بالواجباتي
حتى تحدينا جميع الصعوبات=والكل منا حقق الامنياتي
وانت الذي دايم تحل العسيرات=وتصير عندك كلها هيناتي
وانت الذي عنا تميز بميزات =وامتزت بصفاتٍ من اسمى الصفاتي
بيمنك شيخاً والماً للمهمات =راع الشرف والطيب والمكرماتي
قرماً تجد له حزة الضيق وقفات= يقدر على الصعبات والمعظلاتي
واخوانه اللي دايماً في الصدارات= اهل المزايا السامية والسماتي
ويابو علي جاء للتقاعد قرارات = بعد العمل والجد والتضحياتي
ضحيت يالوافي وحققت غايات= يوم السنين امضى من المرهفاتي
لاشك من حققك تهنى براحات = وتعيش عمرك يا وثيق الصلاتي
الله يزيدك من نعيمه زيادات = بيامك الجيات والمقبلاتي
والله يحوطك بالهنا والمسرات = وتعيش متنهني طوال الحياتي
والختم صلى الله على ازكى البريات= امبلغ الايات والبيناتي
جندب المالكي =
ياولد خالي=
ياولد خالي كلما ضاقت النفس=والوقت كشر لك بوجها عبوسي
قوم اذكر الله خالق الجن والانس=اللي بذكره تطمئن النفوسي
لابد ماتدرك وتستوعب الدرس=حتى تفيد امن العبر والدروسي
والغيث لامنه نزل ينبت الغرس=وبناظرك تزدان كل الغروسي
يامرحبا=
يامرحبا واهلين والله يحييك=أعداد ماغنا القميري على الراك
واعداد ماتصبح وتمسي مماسيك=واعداد ماتركع وتسجد لمولاك
ياالوافي اللي ماندم من يخاويك=ياراعي الفطنة وياراع الادراك
الشايب اللي بسم سامي مسميك=الله تعالى وفقه يوم سماك
والله يعيد العيد واجيك واتيك=واعتز يالمطنوخ وافخر بملفاك
واقبل تحياتي عسى الرب يبقيك=يالوافي اللي ما تعدد مزاياك
جندب المالكي=
قال من=
قال من لا يعجزه نظم الحروف الابجدية=ودي اتمثل واغني بالبيوت التالياتي
بعد ما عديت في روس الشواهيق العلية=اسمعو ردي على راعي البيوت المخزياتي
يالمباحث سلمو راعي البيوت البربرية = سلموه المحكمة عند الغلاظ من القضاتي
لجل يتعاقب على ذيك العبارات الردية=لجل مرة ثانية ما عاد يهرج في الولاتي
بذن رباً عالماً بالبينة واللي خفية= مايقوم بدار اخو نورة شغب ومظاهراتي
وافهمو بالربع والتوجية لعموم الرعية =طاعة اولاة الامور من الامور الواجباتي
وانت ياراعي البويتات الهزيلات الغبية=اعتبر نفسك مسجل في سجلات الجناتي
اجهزتنا لك ولمثالك بوضع الجاهزية=جاهزيناً لك ولمثالك من الناس العصاتي
لوتمعن في كتاب الله وفي سنة نبيه=ما نطقت ابذا العبارات الخفاف السافراتي
لكن اعلمك هذا القول ماله قابيلة=والسموع لمثل هذا القول ماهي مصغياتي
انته اضنك عميلاً للجهات الاجنبية=الجهات الخاينات الحاقدات المغرضاتي
تبغي الشعب ايتورط في حروباً طايفية=تحصد الشعب السعودي مثل حصد الحاصداتي
ودك اترجع عربنا للحياة الجاهلية=للمشاكل والقلاقل والحروب الطاحناتي
والذي غره كلامك في ندوة توعوية=بينو فيها المشاييخ القضايا الشايكاتي
واغلب الشعب السعودي لاحسبنا الاغلبية=كلهم ضدك وضد اقوالك المتنافضاتي
وانا لو بيدي سلمتك وزير الخارجية=يقلعك برا تعيش امشرداً طول الحياتي
لجل تبقى طول عمرك ضايعاً وبلا هوية=مثل شخصك ماجزاه الا التشرد والشتاتي
والقسم باللي محيط ابكل سر وكل نية=ماقصدت ابذا الكلام الا تثير المشكلاتي
ماقصدت ابذا الكلام الا تسوية مسرحية=مسرحية زعزّعة ومخاوزة وموامراتي
والعبارات الخفاف الناقصات الفوضوية=مالها عند الرجال الا سلال المهملاتي
وانت لو عندك عقل ناضج وعندك عبقرية=ماحكيت ابذالحكي بهل الوفا والمكرماتي
وانت لو ناقشت لك بعض القضايا الواقعية=كان قلنا الرجل مقصوده يحل المعظلاتي
كان قلنا للملا هذا الفتى صاحب قضية=سلموه امهمة احلول القضايا الكايداتي
لكن انت اجحفت واتبليت ياشين الطوية=ماذكرت الا علوم امزورة ومزيفاتي
لا تقول أنك غلطت اليوم غلطة مطبعية=رافضين العذر ما نبغى عذر ومبرراتي
والذي يجري ويحدث في حلب واللاذقية=ينعرض بالصوت والصورة بكل القانواتي
ندري إن الحرب وسط الشام حرباً كارثية=ماتوقف عن بلاد الشام قصف الطايراتي
وجه الطاغي على شعبه جيوشاً عسكرية=جلت الشعب المسالم بالاف وبالمياتي
غير من يذبح كما ذبح الشياه الساحلية=غير من يحرق بنار القذافات المحرقاتي
غير من صابه رصاص وغير من جتله شضية=غير من داست عليه امدرعة ومجنزراتي
لكن اسياسة حكومتنا سياسة منهجية=مستمدة من مصابيح النصوص البيناتي
وانت ياللي تجهل افعول الحرار الصيرمية=اقر عن تاريخها اللي حافلاً بالمنجزاتي
نحمد الله عايشين ابخير والعيشة هنية=فرق ما بين السنين الراهنة والماضياتي
تحت حكم املوكنا اللي يرفعون المعنوية=الملوك اهل المواقف والفعول الوافياتي
كلنا للدين وولاة الامور بكل هية= كلنا درعاً لموطنا من الست الجهاتي
كلنا ندري بمكنون النوايا الفارسية=والله اعلم وش تبقى من نوايا امبيتاتي
والله يكفينا شرور المحدثات الدنيوية=والله يكفينا الخطوب وموجة المتغيراتي
والمنافق يالله انك لا تبقي له بقية=تقلعه عنا ولا تبقي لمثله باقياتي
والسلام ورحمة الله وبركاته والتحية=واحسن الاقوال اقول الباقيات الصالحاتي
شعر : جندب المالكي=
(لا والله الا وصلوها)=
لا والله الا وصلوها مواصيل = ناساً يحطون القصيرة طويلة
ناساَ بلانا الله بهم يامشاكيل=وصرنا معاهم بين حطه وشيله
ناساَ ضمايرهم علينا مغاليل=وقلوبهم فيها الدسايس نزيلة
جينا لهم بمحكمات المعاديل =في مجلس اهل العلم واهل الفضيلة
لكن ما جا من قصار المنا ويل= الا علوماً ما وراها حصيلة
ولولا معزة متعبين المعاميل= قمنا بيوماً ما يومن دخيله
غير ان ما قدامنا الاهواميل= سود الوجيه امقلدين الحليلة
مجلاسهم ما قلطو فيه حلحيل=ومن جاه مرة بعدها ما يجيله
مافيهم الا السب والقال والقيل=وعند االلقا يطفون نا ر الفتيلة
هذا وانا يا الفاهمين العواقيل=ما اقول قول الا وعندي دليله
واقول من لا يعرف الوزن والكيل =صارت عليه الهينة مستحيلة
والي بعمره ما شكا الهم والويل =وغدر الليالي معترض في سبيله
رايح تصيبه نكبةً يارجاجيل=لو جابه النكبة بمليون حيلة
والي جنح عن منهج اهل التنافيل=حرام و الله ينتسب للقبيلة
والمنزل الي ما حوى البن والهيل= لعل صلفات الحوادث تشيله
والفرق بين الجيل الاول وها لجيل=واضح وجيل اهل الوفا ننتمي له
شعر : جندب المالكي=
(يقول بن صالح)=
يقول بن صالح سلامـاً وتقديـر =موجهـاً للشيخ/سـاري وربعـه
اهل الكرم والجود والحب تصدير=يوجب الضيفان يانـاس طبعـه
قيدومهم شهماً وما فيـه تاخيـر=وقت اللزوم تشوف فعلاً وفزعـه
حنا بني قاصد سيوفـأ مشاهيـر= ندمغ الاعداء بخمسـاً وسبعـه
لنا رجاجيـلاً شهامـاً مغاويـر=تشوفهم في حزة الضيق سنعـه
اقولها والقـول يحتـاج تدبيـر=حنا بني عم جنب في جنب درعه
جيتك من ارض اتهم مافيه تزوير=واسمي صريح يريد رفعه وسمعه
شيخي ولد مقنع عقيد المناعيـر=سيفه صقيل وله بريقـاً ولمعـه
يؤمن المحتاج من كـل تقصيـر=ويودعه ويقول عـوداً ورجعـه
لكم تحياتي علـى كـل تفسيـر=ومباركين المنتدى حسـن نفعـه
شعر : ابوعمار القاصدي=
((يامرحبـا ))=
يامرحبـا ماغـردن العصافيـر=واعداد ما يطلع للاقمـار طلعـة
واعداد من صلى لربـه بتكبيـر=واعداد مايركـع لمـولاه ركعـة
واعداد مدوار المحالة على البير=واعداد ما حاف المزارع بزرعه
بالوافي النـادر بديـع التعابيـر=اللي يشوق اهل النواميس بدعه
يبن الاكارم والرجال المشاهيـر=قوماً في الدحلة وبطراف مرعـة
يصحاب مقلوتاً يهـز الطوابيـر=اللي يطيح روس الاخصام وقعـه
وانتم وحنا كالجناحيـن للطيـر=والكل عنـده للمواجيـب نزعـة
واهلاً هلابك يا ربيـع المناعيـر=في موقع اهل الناصرية وقشعـة
قوماً جعلنا الله على الخصم تدمير=لو كان من دونه ثمانيـن قلعـة
وختامها نرجو قبـول المعاذيـر=ان كان جا في ردي اليو م هزعة
شعر: جندب المالكي=
(( ياموطن النخوة ))=
ياموطن النخوة وياموطن العز=يامعقل اصحاب النفوس العزيزة
الكل يتباهى ويفخر ويعتز= ياموطناً لك بين الاوطان ميزة
والحب لك ياموطن العز ماهتز= اصبحت في قلب المواطن غريزة
قادتك حكاماً تحقق وتنجز=اخذو من الشرع المطهر ركيزة
سارو على نهج الكتاب المعجّز=المعجز اعقول العباد اتعجيزه
وامن العلا حتى نصل باب هرمز=ومن الوديعة لين روضة عنيزة
والدار في شكل القماش المطرز=والشرع قايم والمكانة حريزة
من دونها الغازي توقف وغرز=وانحاش عنها ما كسب له بريزة
ومواطن الدولة عزيزاً معزز=امومناً ما خاف يسرق كنيزة
والمعذرة يهل الكلام المركز=إن كانت ابيات القصيدة وجيزة
شعر/ جندب المالكي=
المجلس=
المجلس اللي في عيون اهله تشوف انك ثــقيل = سلّم عليهم واشرب الفنــجال الاول وانـسحب
من دون لا تترك لهم تحليل لاسباب الرحـــيل = غلطه ولا تنعاد واللي صار مكتوب انــكتب
حتى ولو فنجالهم يحرقك مثل الزنجــــبـيل = اشربه دفعة واحدة لا ابوك ياشر انــــشرب
انه يحبونك جميع الناس هذا مستـــــــحيل = يوم الرضا غاية ولا ادركها مطانيخ العرب
هذا الكلام اللي هبوه اهل الحكم باول رعيل = قالوا بعد لا تقرب الجربا وتبــليك الجرب
على الاصل دور واذا جار الزمن تلقـى الاصيل = يعني على سقف الطموح اللي تـهب حظك يهب
ترى البلا لا من وثقت بمن تصنّع للجمـــــيل = مثّل عليك المسرحية وانت تـــصرف لـه ذهب
هذا اللي اخفى الاستقالة لين قرّر يسـتقـيل = من طاردين المصلحة ماجا على شانــك طرب
ولا ابتليت بمن فتح سمعه على قالاً وقــــيل = وجهه غدى شكلين من كثر المــحبة والـعتب
ولا راحو اصحابك شلل كلن مع الاخر يمــــيل = اختاروا الميثاق الاسهل بعد ميـثاقاً صعب
لا ياوجودي عالرجال اللي مشابههم قليــــل = اللى يعزون الخوي لا ثار دخــــان الكرب
يوم الحمول الجايرة ماينتقلها الا شـــعيل = ماضر سمحان المسمى قولهم يابــــــو حدب
هذا الزمن لا فزت بالصادق لا تبحث عن بـديل = والكامل الله لا تسلط لك على الغــــالي رقب
لا زل زلة عدها وارشيفه العامر يشيــــــل = اكبر خطية حطها الشيطان من باب الـــنشب
استثمر المعروف وبتجني من ارباحه حصـــيل = هذا تحدي .. هات مستثمر بهذا ماكـــــسب
حاولت افنّد تجربة مرت على جيلاً وجــــــيل = اما الثقيل اللي في اول بيت حلقه ملتهب
عبدالمجيد الدهيسي=
مجاراة=
صحت لسانك يالدهيسي جبت لك علمٍ جـــــزيل = والمجلس اللى يفقد التقدير جعـــله ينقلب
حيالله الشاعر وقوله حق ما يبغا دلــــــيل = أيوالله أن بعض المجالس خير ما فــيها الخشب
فيها النمايم والغثاواللى بجواله هبـــيل = الجسم بالمجلس وفكره راح من فـــوق السحب
ماعاد لاهل العرف غير الصمت والصبر الجميل = بعض المجالس تفتقر حتى القـــليل من الأدب
أنشهد أن قولك يلامس واقعٍ ماله مثــــــيل = لكن دامك حيّ جاهد والحياة لـــــــمن غلب
خاوا الرجال اللى سوالفهم مثل تمر النخيل = والرجل منهم لاتكلّم لا يغـــــــــثّ ولا كذب
مجالس اهل العلم واهل الذكروالقول الفضيل = هذي مجالس خير في ميدانها تثــــنى الركب
خابت مجاليس النفاق وخذ وهات وحط شيــــل = ما ينتحيها الا الرخوم أهل النذاله والزلب
ابعد عن اللى بالسوالف عادته حطاّب لـــيل = مامن ورى الثرثار والهلاّس فود الا التـــعب
كم واحدٍ وسط المجالس تسمع لصوته صــــهيل = واذا اضرمت نيرانها قام يتذرى واحتــــجب
ومجالس النمّات والغيبات والقول الـــهزيل = ماتنوجد فيها النشامااللى تبشر بالـــشبب
هدي النبي المصطفى أن الدين من دينالخليل = والشوك يثمر شوك مايثمر بتين ولاعــــــنب
الرجل يعرف بالجليس وبالمصاحب والزمـــيل = الراس جنب الروس والاذناب بــــجوار الذنب
اهل التقى ابوبكر وابوعبيده والطـــــفيل = واهل الظلال ابو جهل وابن خـــلف وابو لهب
راع الكرم والجود لا يمكن يصاحب له بخــيل = الله اذا قسم صفات الخلق وعروق الـــــــنسب
والوحده أفضل من مجالس تنثر القول الرذيل = واذا عدمت مصاحب الاخـــــــيار دوّر للكتب
حسن عامر=
مجاراة=
سمعت لي شعراً مسوينه على بحر الخــــليل = حالي سواة الشهد والسكر ومـــــنقي الرطب
واصفى من الماي الفرات ومن نميرالسلسبيل = وازكى من الريحان ومن الشـيح وزهور السكب
غنوا به اثنيناً من الشعار مــوقفهم نبيل = اللي معانيهم كما ضــــوء النيازك والشهب
المبتدي به شاعراً في قمة العــليا نـزيل = سيف القبيلة والمطاليق اطلـقوا هذا اللقب
عبدالمجيد اللي وصّف وضع العفون الهنذويل = الخمة اللي تختفي وتغــــيب في وقت الطلب
والشاعر الثاني وله في عالي القمة مقـيل = اللي عليه اثنوا واشادوا به مشاهير النخب
ربعه بني شهر المطاليق الذي تحمي الدخيل = اهل المقام المعتـبر واهل المناصب والرتب
قاموا بمايشفي وما يكفي وما يروي الغليل = وش ينبغي ينقال في المجلس وش اللي ما يجب
وتكلموا وتحدثوا عن شي من هذا القبـــيل = وتناولوا بعض بالمسايل بالــحديث المقتضب
ماشاء الله ماشاء الله عليهم ولن نبارك بتهليل = عيني عليكم باردة يهــــل النتاج المرتقب
لكن ابا اجاري فرايدهم وانا عابر سبــيل = الا هم اهل الذوق ذوليك الـــمطانيخ النجب
والمجلس اللي مايقدّم للمسيــــّر بن وهيل = لو يفرشونه بجوّد انواع الــزوالي والكنب
لا تقربه ما دمت لهل الطيب والقـالة سليل = هذاك ما يجلس به الا اهل الــصفاقة والصخب
هذاك مجلاس المهبّل والهلايم والــــــهميل = الخمة اللي لا وصول ولا ســـــــلوم ولا حسب
ماهو بمجلاس الذي ما قد ربا فيـــهم ذليل = النخبة اللي تــــنجدك ماهم بذويلك الدبب
اهل المكارم والملاحم والعــطايا والجميل = اللي مواقـــــفهم تزيل الهم وتزيل النصب
ناساً سوالفهم تسر البال والــصدر العليل = انظر لهم لا ضجت اصوات الــــمناير والقبب
لا حدثوك ابموعظة دمعك على خـــــدك يسيل = وايات حقاً يقتفــــــــيها كل قولاً مستحب
والشخص لو جاهم وهو متحملاً دِيّة قـــــتيل = قالوا تطمن والجميع لفـــزعته قام و وثب
واليا زبنهم جالياً لوكان من دعــوى بكيل = حموه بالبندق من اعتى خـصم ومن اطلق شنب
والهرجة اللي مالها منحى ولا تملى الصميل = ينطم راعيها ولا يقـــــعد يقل ويش السبب
لن الحساب الهندسي للدايرة والمـــستطيل = يرجع لقـــانون التوازي والتقاطع والنسّب
والشخص لا فكّر ومــــــيّز كل وزن وكل كيل = يبان له من ناتج التفـــكير وش سر العطّب
واللاش لو يملك بنوك المال وحقول الجبـيل = ماهو براعي وقفـــــةً تذكر ولا هو ينحسب
والختم صلوا عد ما هلت هماليل المـــخيل = على النبي اللي نشا في بيــت عبد المطلب
جندب المالكي=
ســلام والدنـيـا=
ســلام والدنـيـا حـظــوظ وتـوافـيـق=والــرجُــل مــنّــا سـيـرتــه راس مــالـــه
إن طاب طابت سيرته وأعتلا طويق=وإن خــاب ورّث خيبـتـه فــي عـيـالـه
وأنـــا هـنــا بـيــن الـرجــال المطـالـيـق=أهـــل الشـجـاعـة والـوفــا والأصــالــه
ماجيت لجل اصدح بعذب الطواريق=ولاجـيـت اشــارك واحــدٍ فـــي حـلالــه
جيت ومعـي شعـر وعهـود ومواثيـق=مظـمـونـهـا طــيــب وســــلام وجــزالــة
لـدروع جنبـي محزمـي حــزّة الضـيـق=عـيــال مــالــك حــــيّ مـنـهــم عـيـالــه
ربـعـي بـنـي مـالــك أعـــزّ المخـالـيـق=أهــــل الـطـنـاخـه والــكــرم والـرجــالــه
وأهــل البـنـادق معتـلـيـن الشـواهـيـق=عــدوّهـــم خــســـران حـــالـــه ومـــالـــه
اصغـرهـم يشـيـل الثـقـيـلات ويـطـيـق=وأكـبــرهــم يـــواجـــه قـبـيــلــة لــحــالــه
شيـخـان ورجــال وزحــول وسوابـيـق=لـلـطـيـب وعــلــوم الــوفـــا والـجـمـالــه
أخترت مـا تطـرب لـه النفـس ويليـق=في حضرة اصحاب السمو والجلاله
وأحمـل رسالـة حـب خلـف المعاليـق=مــن خثـعـم رجـــال الـوفــا والشـكـالـه
لـدروع جنبـي محزمـي حــزّة الضـيـق=عـيــال مــالــك حــــيّ مـنـهــم عـيـالــه
عبيد السراد الخثعمي=
يـامـرحـبــا =
يـامـرحـبــا مــاحــلــق الــطــيــر تـحـلــيــق=واعـــــداد مـــــا حـــــوّم بـعــالــي جــبــالــه
واعــداد مــن صــدق بـالايـات تـصـديـق=واعـــداد مـــن يـنـطــق بـلـفــظ الـجـلالــة
واعـداد مـا تشـرق شمـوس المشاريـق=واعــــداد مــــا حــــط الـمـسـافـر رحــالـــه
ترحـيـبـاً ازكـــى مـــن زهــــور الـزمـالـيـق=والا الـخـزامــى فــــي حــدايـــق صــلالـــة
واحلى من الشهد المصفى على الريق=عـنــد الـــذي مـــا غـــش مـنـتـج نـحـالـه
بالشـاعـر الـلـي نـسـق الـقـول تنـسـيـق=واجــــاد وابــــدع وانــفـــرد فـــــي مـقــالــه
لـــه مـــن جـمـاهـيـره هـتـافــاً وتـصـفـيـق=ويـشـاد بـــه فـــي كـــل مـحـفـل وصـالــة
الـشـاعــر الــســرّاد عـــــون الـمـشـافـيـق=الــــلــــي لــضــيــفــه والــمـــاتـــاً دلالــــــــه
ابــــــن الامـــاجـــد والـــرمـــاة الـتـفـافـيــق=اهـل الـوغـاء والـحـرب واهــل الصمـالـة
اهـــل الــعــزوم امـروضـيــن المـطـافـيـق=الــلــي لــهـــم يـــــوم الـمــعــارك بـســالــة
اولاد خـــثـــعـــم مـــدبـــيـــن الـــزواهـــيـــق=ومـهـجــديــن الـــضــــد لــعــلـــن قــتــالـــه
قـــومـــاً كــــــرام وبـالــجــزالــة نــواطــيـــق=والـنــعــم بـالـمـنـشـى ونـــعـــم الــســلالــة
واهـــلاً هـــلا يعـبـيـد مـــا مـوتــراً ســيــق=يــاشـــاعـــراً مــتــمــيــزاً فــــــــي مـــقـــالـــه
جندب المالكي=
مرثية=
البارحة غنا البشيري بيـــوته =ومن الـــــــــــــحزن كلاً توحى لصوته
على الذي هز الرجاجيل مـوته= ياشيخنا الــــــــــــــلي قبل ليلة توفيت
نهارالاحد هالوا عليه الهيالي=
يالله ياربي والهي ومولاي = ياعالـــــماً سري وجــــــــــهري ونجواي
ترزقني اخلاصا بعلمي وتقواي = وانك تثبتي عـــــــــــلى الدين تثبيت
وترضى علية ياعــــــزيز الجلالي=
ياربي اغفر لي وللمسلمينا = وعبـــــادك الزهـــــــــــــــاد والمخبـتينا
واعيذنا من غفلة الغافلينا = وتولــــــــــــــنا يارب ياحــــــــامي البيت
وعذنا من الشيطان واهل الضلالي=
وخلاف بدعي للبيوت الجزيلة= بــوجه الكلــــــــــــــــــمة لـكل القبيـلة
ربعي هل النوماس واهل الفضيلة =الغانمين الطيـــــــــــبين النـعاتييت
هل الطيب والطولات واهل المعالي=
اسال ربي يالقروم الشواميخ = يحسن عزانا اليوم في حضـــرة الشـيخ
الشيخ ابو غرم الله ابن المطانيخ = شيخ الشيوخ وذايع الذكر والصـيت
زعيم القبيلة بالسنين الخــــــوالي=
رمز الرموز وبين الاجواد معدود =سمح الجناب ومركز الطيب والجود
ولكل ربعه باذلا كل مجهود = عوق الخصيم امسكت الضد تســـــــكيت
سراج الضلام ابحالــكات الليالي=
يوم اخبرونا عن وفاته بكينا =لكن لغـير المعــــــــــــــــــتلي ما شـكينا
مهما تكلمنا ومهما حكينا = الفقد صـــعب ورحمة الله علــــــــى المـيت
الا يالولي ترحم كريم السـبالي=
واليا تكلمنا عن الشيخ ساري = شيخا على فـعل النواميـــــــس ضاري
ما ينثني وقت الخطر والطواري = لا طـق عودا عود وتراجع والــهيت
ليا قيل وين القوم وين الرجـالي=
لاشك في موته خسارة كبيرة = على خوامـــــــــــــــسنا وكل العشيرة
والادمي مولاه يعلم مصيره = ولمــــــوته المــــــــحتوم ساعة وتوقيت
والارواح تاليها الفـنا والزوالي=
الله يجعل جنة الخلد لــــــــه دار= حتى وينعم في بســـــــــاتين وانهار
الجنة اللي عــدها الله لــــــــلابرار= دار العباد الصالحين المبـــاخيت
ذوات الحدايق وارفات الضلالي=
تشهد لوقفاته ملفات الارشيف = بين الرجال المـــــــــاجدين العواريف
طلق الحجاج وبهجة الجاروالضيف= واليا تكـــــــلم بكت الخصم تبكيت
ليا زاد هرج مكثرين الجـــدالي=
واليوم مات ولا مفراً من الموت = وش يعــــــمل الانسان لا فاته الفوت
واللي بكاه اليوم لو يرفع الصوت = كثر البـــــكا ما رد مـوتى التوابيت
وياكم فـــقدنا من عزيزا وغالي=
مات الذي يذكر بفعل الــــــجمايل = اللي يطـــــــــــارونه جميع القبايل
والامر مثبت عنــــــــــدنا بالدلايل= ياللي عن المــرحوم سلت وتقصيت
والافعال نثبتها بـــــصدق المقالي=
هذا وعندي كلمةً ياجـــــــماعة = يهل الـــوفاء والمـــــرجلة والشجاعة
من بعد ابو غرم الله سمعاً وطاعة = انقــــولها من دون قرعة وتصويت
لبو سامي اللي يرتكي للثـــقالي=
بوسامي الواعي طويل الــــــذراعي = الوافي النادر حميـــــد المساعي
اللي يحل المــــشكلة والنزاعي = واليا حضر تذهـــــب جميع العفاريت
يدوس المخاطر كلــها ما يبالي=
هو راسنا المنصوب هو شيخنا اليوم =والـــعلم ذا بيـن الرجاجيل معلوم
والكل بقبوله مكلــــف وملزوم = واللي يعارض له قـــــــلوا له يابالفيت
قلوا له يشد ويعلن الاعتـــزالي=
اقدم يبو سامي بعزم وعزيـــمة = ترا المهـــــمة يابو ســــــامي جسيمة
وانته ترا قد الامور العــــظيمة= وبحزة الشـــــــــــــدات ما قد تواريت
ولا يحمل الاثقال غير الجمالي=
حنا رجاجيلك في العسر واللين = ولا نــــــــــــخاف ولا نهاب المعادين
نجهز على الباغين وسط الميادين =مقلوتنا البـــــــــــلجيك ماهو نبابيت
ليا ثارت الهيجاء وقام القتالي=
ابشر بنا في كل موقف ينومــــــس = ارمـــــوزنا هم والجبر والخوامس
ولا تخاف اليـــــوم ولا تعو مس = ما دام ربعك مـعك لن رحت ون جيت
رجالا عزايمهم تهد الجبالي=
حن داعي البشرآن حماية الريع = اللــــــــي لنا الاخصام دايم خواضيع
واليا حضرنا ما تطول المواضيع =وافعـــــــــــالنا منها الاوادم مباهيت
هلاك الخصوم وملتجى كل جالي=
واقول ياربعي المطـــــاليق الاجواد = لابــــــد من نبذ التباغظ والاحقاد
وامشوا على المنهاج وسلوم الاجداد =وتجنبوا درب العـصاة الطواغيت
وسيروا على النهج السوي المثالي=
والختم صلى الله على معلم الخير= محــــــــــــــمد اللي جالنا بالتباشير
عد الحصى والرمل والوحش والطير= وعداد ما مــرت حشود المواقيت
عداد النجوم وعد مبدا الهلالي=
شعر : جندب المالكي=
اوحيت لي=
اوحيت لي قافاً للاوجاع بلسم= يشفي جروح اهل القلوب الوجيعة
ماقاله الا فيلسوفاً مخضرم = نفسه بقانون المعاني ضليعة
استاذ وبنظم القصايد معلم =ماياتي الا بالبيوت البديعة
اجاد واتحفنا بقافاً منظم =اتقول منظر من جمال الطبيعة
اليا تكلم بالشعر ما تلعثم =والهيض في كل المواقف يطيعه
هاذا وبنصح كل مؤمن ومسلم =حسب المقرر من دروس الشريعة
اتجنب المحظور واللي محرم=قدام عمرك لا يقفي ربيعه
واصفح عن المخطين ولغيضك اكظم= واحذر تقول الصبر ما تستطيعه
واللي صبر لابد يكسب ويغنم= وبياصل ابصبره مكانة رفيعة
واحذر يجي قولك مشفر ومبهم=خلك صدوق ابكل قولاً تذيعه
لاتصحب الا كل قرماً مكرم = وتجنب اصحاب النفوس الوضيعة
ومن الحوادث والتجارب تعلم=قدام لا تصبح سراباً بقيعة
جندب المالكي=
يسعد صباح الديار=
يسعد صباح الديار اللي عليها الكلام=اللي لاضاقت بنا الــــــــدنيا رحلنا لها
صبح وعشية يداعبها المطر والغمام = على ضفاف المــــحيط اينشّي خيالها
ماتنب الا الشمطري والنفل والخزام=واطيب من اللي ذكـــــرته طيب منزالها
ياعنك ما ازورها الامرةً كل عام =واليوم مرت ســــــــــــنة وانا اتــــهيا لها
انام مشتاق واصحى من لذيذ المنام =الشوق ما يترك العشــــــاق فـي حالها
ليلي على الكوع واليا ناح ورق الحمام =كنه من الشوق غنّـا لي وغنـــّا لها
لبا عيون الجمال اليوسفي والقوام =تطنخ حلا من محــــياها لخـــــــــلخالها
لما تناظر وتتبسم وترخي اللثام =عرش الزعامة تلـــــــــيق بها وتزها لها
وان مرت السوق ما اسرع ما تسبب زحام = اقفايها يسحر الالبـاب واقبالها
يادار الاحباب يادار الهوى والغرام =لا جيتك انسى تـعب روحــــي وغربالها
عليك من صادق احساسي جزيل السلام = ما لاح برق المزون وهل همّـالها
رمضان المنتشري=
انا أنسجمت =
انا أنسجمت الحقيقة غاية الانسجام = من شاعر أبيات شـــــــــعره كلـما قالها
قاموا وقالوا له أهل الذايقة ياسلام = وش هالبيــــــوت الـذي غنـــــّيت موالها
واثنوا عليه النشاما والرجال الكرام = في منتدى الكلمة الــــــــجزلة ومدهالها
يحضى بالاجلال والتقدير والاحترام = بين الرجــال الذي تــــــشهد لها افعالها
وأهتم بالشعر والقول البديع اهتمام = واهتم في مخرج الكلمة ومــــــــدخالها
بوفيصل اللي علومه كلبوها تمام = من لابةً ينـــــحسب من خيرة رجـــــــالها
ذكرني اليوم بم الحسن وام الوشام = الغادة اللي هوت شخصـى وانا اهـوا لها
مزيونةً ما تحقق لي معاها مرام = يرثى لحــــــالي يبو فيــــــــــصل ويرثالها
تسببوا في تباعدنا العفون اللئام = العالم اللـــي عسى الله يحــــــــبـط اعمالها
مدري هو عناد ولا بغض ولا انتقام = ولا يريدون قهر الـــــــــــنفس واذلالـها
تطري علّي كل ما حل المساء والظلام = واتذكر ايامنا الحـــــــــلوات وليـالها
واتذكر البوح والنظرات والابتسام = والقــــمة اللي بتالي اللـــــــــــيل نرقالها
واتذكر العنق والوجّنة وذاك الزمّام =واذكر عقوداً يلف العنق ســـــــــــلسالها
لو يرجع الوقت لايام الدخن العسام = وخيول ما يعتليها غير خيـــــــــــــــالها
اخذت مدعوجة الناظر بحد الحسام = وبنيسـماً يــــــــــــــنطل العبرود زرفالها
لكن الاوضاع محكومة بشرع ونظام = ما يقدر الشخص يمشي عكس منوالها
واتلا كلامي ومنطوقي ومسك الختام = ازكى التـــــــــــحايا مع الدلة وفنجالها
جندب المالكي=
قال الذي=
قال الذي لا تهيض وابتدا بالكلام = سمعوعباراته الاجواد واصغو لها
يابو فهد حرك الجيش السعودي قوام=خله يسيطر على صنعا وما حولها
ماعاد ينفع مع الطغمة عهود وسلام=مادام صالح هو اللي قايد افلولها
قود الكتايب وعجل والهمام الهمام=حتى تجي رمية اجنودك على اصولها
ابشر بنا في نهار الزحف والالتحام= لاطق نادوس بندقنا وناشولها
انحن رجالك بني مالك سباع الظلام= اللابة اللي تدوس الضد برجولها
ماهمنا الحوثي المسخوط ولد الحرام= لوينتخي في جيوش ايران واسطولها
واليا انتصر جيشك المنصورعود لشام= شام العرب ينتخي دولتك وزحولها
بشار دمر ديار الشام يبن الكرام =سوا سوايا يشيب الطفل من هولها
تكفى طلبناك ياسلمان يبن الامام = نبغى نصبّح ديار الشام ونجولها
نبغى نعكر على بشار حلو المنام = لو هو تخبّى ورى البيبان وقفولها
وان حاولت روسيا تبدا بحرب وصدام = بنوري الروس قوتنا ومفعولها
حتى يجيها الذهول وتعلن الانهزام = حنا هل الحرب والميدان ماهو لها
وبساحة المعركة حنا الرجال العظام =وكم من جيوشاً كتايبنا تصدو لها
وان قامت ايران تستعرض تريد انتقام= بنحاصر ايران باالقوات ونطولها
بنخلي اجنودها يعدون مثل النعام = حتى الهزيمة تجر وتسحب ذيولها
والمملكة بذن خلاق البشر ماتضام =ونموت مافكر المحتل بدخولها
حنا جنودك ولا تصعب علينا المهام = وفي المهمة رجالك تعرف فعولها
وانحن جنود الشريعة والوطن والنظام=والحرب حنا لها لا دقت اطبولها
اليا انتخى جارنا فينا نشد الحزام= ونضد الاخصام حتى تبدي ذهولها
ولاشك لا ثارت الهيجاء وثار العسام =الحرب تشهد لقاتلها ومقتولها
جندب المالكي=
يا صاحبي=
يا صاحبي مانقشت الشعر لك من طرب= قصيدة اعتاب لك لو ما يغنونها
ان سلت عنكم وفا سوالكم لي وجب= خل الفتن والقبس للي يشبونها
يا صاحبي لا تعرض صحبتي للنشب= وسأل ترى الناس صحبتهم يدمونها
والا عرفنا السبب يبطل علينا العجب= ذيك الهزيلة نخليها بماعونها
لا صار انا ما تحمل وانت عقدة سلب= ترى السلب عقدته لا ما يحلونها
ان كنت صاحب على الفيس بوك خلف السبب= مرات تقبل بها ومرار تلغونها
القلب لحمة ولا هو من حديد وخشب= من باعني بالدراهم بعت من دونها
خليتني مثل عود الراك والا الغرب= مسواك تلعب بي الغذال بالسونها
وانا معك وقفتي تشبه لوقفة نصب= ماهزته عاصفة برقا ولا امزونها
نصب ترونه جبل ماطال راسه شنب= له قلة(ن) من شفا الطايف يشوفونها
ابو حسن المالكي=
::::::::::=
استوقفتني=
استوقفتني بيوت الشاعر اللي كتب = اللي كتب له بيوتاً يوم يقرونها
تلقى الثناء والاشادة من جميع العرب= والناس بصواتهم لازم يشيلونها
احلى من الذوب والسكر وطعم الرطب = والدلة اللي في المجلس يصبونها
ما كنها الا من الالماس ومن الذهب= نفايساً في متاجرها يبيعونها
لاشك بعض المسايل ماوراها عتب = دام انكشف لك غطا القصة ومكنونها
والعطف ما ينوضع بين الرضا والغضب=ياللي تكلمت عن ليلى ومجنونها
واليا دخلت الحديقة واجتنيت العنب= لا تقترب من سفرجلها وليمونها
واليا تعينت لام الرمش وام الهدب = تظهر لك السالفة من نظرة عيونها
ويبين الصدق ويبين كلام الكذب = وتفتّح ابواب مقفولة بكيلونها
والهم والغم والضوضا وكثرالصخب=تثّر على الروح وتزوّد من حزونها
والحب والعشق يرّث بالفواد العطب= حكمة وكل العرب مثلي يقولونها
وانصحك لا شفت خلق الله تثير الشغب =لا تقرب الجمرة الحمراء وغليونها
مادام نهر المودة والمحبة نضب = والشجّرة اللي تضلل يبست غصونها
وام الحلا والرحيل المزمع المرتقب = وشلون ما تنتشد عن وجهة ضعونها
يمكن تشوف القمر والشمس ما تحتجب= وترد لك روحك اللي جنت جنونها
وانكان دمعك على فرقى العنود انسكب=والخنجر اللي بصدرك جضّت طعونها
واستعمرتك المواجع والعناء والتعب = وجروح كل الاطباء ما يداووونها
ارفع يدينك وحدد بغيتك والطلب = من واحداً يعلم اسرارك ومضمونها
الواحد اللي يفرج لك جميع الكرب = اللي خلق مسعد الدنيا ومحزونها
جندب المالكي=
:: ( يالشيخ ):::=
يالشيخ ابو يحيى ترا القاف يصرخ=يبغى المرّد المعتبر يابن آخي
الناس بين ابها البهية وشمرخ =والطايف المانوس حلو المناخي
وانته مصيّف في مدينة ميونخ=دار التهاون والوهن والتراخي
اخشى عليك اليوم تاقع في الفخ=ويصيب قلبك لوعةً وانشراخي
مع ترفةً يومن تزيّن وتكشخ=من سحر نظرتها يجيك الدواخي
لارحت عنها ضخ دمع الحزن ضخ=ثم ابتدا فصل البكا والصراخي
ولّا هواها داخل القلب يرسخ=وتشدّخ عروق الخفوق انشداخي
ثم بعدها للحب تخضع وترضخ=والعقد ماعد يقبل الانفساخي
اريد وابغى جابةً تدخل المخ=ياللي لضيفك ما ذبحت الفراخي
جندب المالكي=
.....( رد ) .....=
مالي على بعض السواليف منوخ=ولا لنا فيها طموح ومناخي
عزالله ان القلب للدار يكفخ=داراعشقناها بعز وشماخي
قامت على سنة محمد وتشمخ= شموخ دين الحق ماهو نساخي
زبن الذي جاها من الغدر يصرخ=جاله من اذناب الخميني صراخي
فيها الشجاعة والكرامة تربّخ=ربخ الحقول اللي في الما رباخي
والجولة اللي في حياتي تورخ=تاريخها بسجل عمري يشاخي
في عالماً فيه الحضارات ترزخ=والعلم ياجندب عطاهم زماخي
ماهم مثيل اللي له افعال تدوخ=اللى ملك ناقه تشوفه طناخي
تلقاه في بعض المواقف يلبّخ=ليت المهايط ناقته ما تناخي
احمد ابو طلايب=
مجاراة=
يامرحبا ياصقر بالجو يكفخ=صقراً مدرب للهدد والكفاخي
إذا لفاني القاف ماني مصمّخ=ارد بالجزلات وإبليس صاخي
ابشّر بمردوداً برقماً مورّخ=من هاجسي صغته ماهو بنتساخي
اطوّع الأبيات والشعر نوّخ=وان جارت الحملة لها العود ناخي
اقولها والراس عالي ويطنخ=وإللي مصمخ ياعساه الصماخي
إسمع ردود القاف والصدر يطبخ=يطبخ على نحت البيوت الطناخي
واحمد عريب الساس شيخاً تشيّخ=شيخآ واخو شيخآ على القوم شاخي
لابد يعطيك الجواب المشمخ= دامك بدعت المفردات الشماخي
وإن كان تبغى الصدق قافك من الجخ=قافاً ترسخ في العقول إرتساخي
سعد السويحي=
مايليق من الحديث=
مايليق من الحديث الا جميله=ولا يطيب من الفعول الا الجزيلة
والمواقف تختلف فيها المواقف=والكلام يعوض عن كثره قليله
هيه يااللي في ثرى لندن لعبتوا=احتفلتوا والله اعلم بالحصيلة
ما دريتواعن جبل دخان وينه= وما دريتوا عن رجال فالثويلة
الرجال اللي على الحد الجنوبي=الرجال اللي يشيلون الثقيلة
جاعلين الروح دون الدين ترخص= والوطن دونه هم سيوف صقيلة
والرجال اللي بعال الجو طاروا=يوم طاروا ضيع الخاين دليله
بالنهار وبالليالي ما استراحوا= خلو الحوثي على نار ومليلة
والرجال اللي على طول السواحل= ما يعرفون التعب والمستحيلة
فارضين الحظر والهمة قوية= ما يجي للخاين المجرم فتيلة
يوم بعض الناس همه في فريقه=همنا كيف الوطن همه نزيله
اللواء مطلق لأزيمع=
من عيون الشعر=
من عيون الشعر والا سلسبيله =يالبيوت اللي كما المهر الاصيلة
جادت بها كف من كفه طليقة =الكرم من يوم يومه يرتكي له
مطلق القايد وفعله كنه اسمه=يازبون الطيب ماادري ياعميله
ايه انا تلميذ في حضرة بيانك = مارس استاذيتك ونشيل شيلة
من حدود الفكر والحد الجنوبي =والدروع تعالج النفس العليلة
ندعس اذناب المجوس الفارسية=كل صبح وكل عصر وكل ليلة
واجتماع الشلة اللي وسط لندن =خططت لكن جزا النذل الفشيلة
الوطن في دبرة الله ثم جنده =تحت راية سيدي ستر الدخيلة
مر عام وزود وجنوده بواسل =امره نطيعه جميع وننتشي له
والحدود احنا لها بالروح ساتر =والعدو يبطي نميل ونرتخي له
ارضنا هي عرضنا والعرض غالي=مايهون الا على ارباب الخذيلة
والختام تعيش وتعيش القيادة =والوطن وجنوده اللي تنحني له
العريف صالح الشهري=
غطرفي يا بنت =
غطرفي يا بنت والا صفقي له= بيت شعري جاك نوّه والمخيلة
وارقصي من نشوة الورد الحجازي= واسرحي في طيف منسوع الجديلة
اللواء مطلق نسج حبل القوافي=والقصايد في يده والكيل كيله
بالوفا كال المدايح للبواسل=وانتقد ربع التعصب للفنيلة
ثم جا صالح جراد بكل جزلة= ورّد الضامي على عده وغيله
جمّلوا في ماقف الوافي لوافي=واعلنوها للملا بالمستحيلة
يا الرجال اللي على الحد الجنوبي= فعلكم بارض الوغى ما له مثيله
كلنا جند الملك سلمان يبشر=لا دعانا في ثواني ننتخي له
يا وطنا لك جنود بكل ديرة= يحتمونك من حقود ومن سفيلة
من يحاربنا لقا منا صمالة=ومن يسالمنا لقا منا الفضيلة
رفرفي يا راية التوحيد عليا=والله انك في ذرى العزة ضليلة
والختام يعيش قايد مملكتنا=رايته بيضا ووقفاته مهيلة
عبد الله عطيه المالكي=
قال منهو=
قال منهو ينتمي لقوى قبيلة = ربعي الملّك معدين الطويلة
الرجال اللي يشرفني نسبهم = واتشرف في بني مالك بجيلة
استمعت الشعر شعّاراً نوابغ =الثنين اللي مواقفهم نبيلة
قايداً ينخى جنوده ويتعزوى = وافتخر واعتز كساب النفيلة
والعريف اللي مع المعنى تفاعل = قام يتمثل بمنطوقه وقيله
كل واحد قام يتحدث وياصف = ويتجاوب كل واحد مع زميله
صوروا حالة عساكرنا البواسل = في ميادين البطولة والفضيلة
الرجال اللي فعايلهم تجمّل = صيح بندقهم كما رعد المخيلة
في حدود المملكة ولا سماها = خصمهم يانكبته ياويل ويله
من مدافعهم ليامن وجهوها = ترجع الاخصام وتعُود ذليلة
اوردو خصّامهم حوض المنايا = لين صار الوضع ماعد يستوي له
قادهم سلمان حاكمنا المعظم = الزعيم اللي يزبّن من يجي له
والفشل ليران والحوثي وصالح = ناقضين العهد شينيين الفصيلة
والذي من دارنا حلوا بلندن =ويش وداهم لبلدان الرذيلة
لابو الكوره ولا بو من جلبها = ماوراها الا الكسافة والسفيلة
والتحية مني لمطلق وصالح = الثنين اللي مواقفهم نبيلة
جندب المالكي=
مرحبا=
مرحبا واعداد نواً سال سيله= ياسيوفاً شابية ماهي نصيلة
مرحبا ترحيب ينشر في الجريدة=من هجوساً قلتها ماهي بخيلة
يوم شفت الشعر والشعار غنو=هاض فكري بالقوافي واعتني له
قلت أبتمثل مع أصحاب المثايل =والبيوت جداد ماجبت الهزيلة
كلنا دون الوطن نحمي حدوده= والوطن غالي ولا نرضى بديله
تحت راية قايد الدار المحنك=الملك سلمان ربي مايزيله
جيشنا يوم الملاقا والحميا=ينقلون المرت وحزام النهيلة
من تمنا في لقاهم ماتهنا=والعدو من ضربنا ينهد حيله
شفتم الطيار وسط الجو يرقص= يوم فرق شمل خلاً عن خليله
يامجوس الفرس يا اذناب الخميني=دون حد الدار جيشاً يعتزي له
ندفع الاموال والارواح دونه= من ترابه شبر تعقب ما تطيله
البواسل عن حدود الدار ضحو=والمعادي ياحليله ياحليله
ساعة الصفر إبتدت والحرب قامت=والمجوسي وش بقي له وش بقي له
مابقى له غير قتله والذخيرة=مابقى له غير يعلن عن رحيله
والوطن في هيبة إرجال الزعامة=القروم اللي لها حيلاً وحيلة
وأمدح إللي يستحقون المدايح=أهل قولاً مثل شهداً من نحيله
مطلق وجندب وعبدالله وصالح=ارفع اعقالي لكم يهل الجزيلة
سعد السويحي=
ياسلام الله =
ياسلام الله سلام اصفى من الماي المبرد=الذي ما يبرد اكبود العطاش الا براده
وبعد ازكي من شذى اليشموم ومن المسك والند=عند عطاراً يبيع الطيب واسعاره زيادة
وبعد اغلى من جنيهات الذهب ومن الزمرد=عند شيخة حسن يزهى عنقها عقد القلادة
السلام اللي كما ذوب العسل ماهو مقلد = عند نحالاً على المنتوج اخذ كاس الريادة
يتنصى خالد المشرف عريب الخال والجد=الشجيع اللي كما طير الهدد حزة هداده
ودي ابارك لكم يابو محمد في محمد =جعله رب الخلايق من مواليد السعادة
والله انه يجعله خيّر ومنطوقه مسدد= وبصفوف العلم والتعليم يعطى اعلى شهادة
والله انه يجعله للدين الاسلامي مجدد =يخدم الدين الحنيف ويخدم حكومة بلاده
يقضي الايام مابين المصنف والمجلد =في ركاب اهل الندا واهل الورع واهل العبادة
ينشر العلم الصحيح ويقمع اصحاب التشدد =وامة الاسلام تنهل من علومه واجتهاده
واختم اقوالي بتكرير السلام وكامل الود =وامنياتاً صادقة والصدق للاجواد عادة
جندب المالكي=
سلام لأحمد=
سلام لأحمد ولد حامد كما طعم الحلى والعسل=ولا كما المسك ولا العود ولا عطر ورد الهدا
ولا كما الماس واللولو مع اهل المال واهل الحلل=ولا على صدر مملوح الملامح لا ورد موردا
ولاكما الهاطل المدرار لا عم الوعر والسهل=واحاط كل الوهاد وكل راصد راسل المرصدا
وامس المسا ردد الملهود مواله ودمعه همل=وارسل صدى الروح راس الطود هاك اللامع الاسودا
الملهم العالم العدل الورع ودع وراح ورحل=وولاد مالك ورود وماحصل مسرود وموكدا
ومحمد احمد ولد مالك لمطلاعً المحامد وصل=وادرك مدى الآمر ومحمد عطور الاصل والمولدا
واهل الكلام المسدد واهل الادراك ادركوا ما حصل=واعادو الامر لهل الامر واهل الطار واهل الصدى
احاول الملم الاعلام واحدد مسار العمل=مادام كل المعاول حول سور الصرح والمعهدا
واهل الهمم والعمل ماهم كما اهل الوحل واهل الكسل=لوهم كما اهل الكسل ماعدو المطلاع والمصعدا
واسلم وسلم وصلى الله على محمد وكل الرسل=اعداد ما حال حول ومول الراحل وردد حدا
جندب المالكي=
(يا جندب)=
يا جندب أهلاً وسهلاً يالحكيم اللي يداوي العلل=ياطاير السعد ياللي باللحون الهاديه غردا
جتني الرساله وانا مشغول بضيوفي وعندي شغل=لكن تقدير جندب والوفا عندي هو المقصدا
الشعر مبنى ومعنى وانت لك همّه تطول الزحل=يالشاعر العذب ياللي بالبيوت المحكمات أبتدا
الشعر من بعد أبن منصور طاحت هيبته واضمحل=سقي ضريحك يابن منصور وتربع عليه الندا
ماعاد باقي وراك إلا كباين تبتلع في هلل=وبطون تاكل عشاها من عشي وعيونها للغدا
ماني معّول على رجّال ما يقدر يسد الخلل=أنا يميني على سيفي وسيفي ما لحاه الصدا
ما دام ساقي نجيب وقادمي يقدر يعدي القلل=ابكسب المستحيل بصمت وابلجم نحور العدا
ماهمني سابقوني كدش والا هرش والا بغل=ياجعلها لي ولك من قبل ما تبلغ مداها فدا
ان كان عزمك كما عزمي سحقنا سهلها والجبل=حتى تجافا علوم اهل المكارم عن علوم الردا
لا تندب الراحلين ولا تهل الدمع فوق الطلل=كم واحداً غرته شهب السنين وراح عمره سُدا
أحمد الأعفر=
(تعليق ) =
اتعيش ياشاعراً بين العرب شعره يثير الجدل=ياصاحب المفردات الساحرات الندر الشردا
يالشاعر اللي تقاصر دون مدحه مفردات الجمل=لو نكتب المدح في دفتر وفي قاموس ومجلدا
ابدعت فالنظم والعرضة ومتميز بشعر الغزل=خصوص يومن توصف لابس الديباج والعسجدا
اديب ومثقفاً من كل فن وكل علماً نهل=وتجيد فن الخطابة يوم تصعد منبر المسجدا
وتحارب اهل الكذب والزور واهل الزيغ واهل الدجل=بالحجة اللي بعدها يسلم الزنديق والملحدا
واقول كلمة وانا عارف بياجي من وراها زعل=تراك للشعر في هذا الزمان استاذ ومجددا
واللي يجي بالكلام الغث والممجوج والمبتذل=ودك ينحى عن الساحة يبو وافي ويستبعدا
واقبل تحياتاً ازكى من عبير المسك ومن النفل=اعداد مارفرف القمري وبالصوت المميز شدا
جندب المالكي=
أبيات ومجاراة=
في صدر الامة رمح الاوغاد كزا=حتين صاب الصدر مالهم كزاز
تسمع لها من تعبة الحال وزا=تصرخ ويحزيها في الحلق حزاز
ياكم بكت ماحد على النصر فزا=راح الذي من شان جنات فزاز
اسكب لهم فالصحن لحمن ورزا=هذي مراجلهم وذا كل الإنجاز
عبدالمجيد الدهيسي =
الدم بعروق=
الدم بعروق الرياجيل نزا=حتى وصار الها في القلب نزاز
اسباب سهم بين الاضلاع خزا=وتناوشة من كل جال الف خزاز
واللي يلوم اللي للامثال رزا=اليوم صار مع الرياجيل رزاز
يرمي قريبه رميةً ثم جزا=جزة عدو فاقت عن الالف جزاز
ابو البراء =
اوحيت بسماعي بيوتاً على الزا=ابيوت بالحكمة والابداع تمتاز
شادوبها ناساًكرامٍ واعزا=من خيرة الشعار في تهم وحجاز
وانا أتكلم صادقاً ما اتهزا=اي والله اللي نزّل آيات الإعجاز
لواحسافة شمل الامة تجزا=واجهزعليهاالباغي الغادر إجهاز
امن اولاً كنّا اهل مجداً وعزا=وبنا يشاد ابكل مجلس ومركاز
واليوم صرنا ننتخي ونتوزا=مثل القطا لا حُوّم الصقر والباز
والبندقية لقربوها مرزا=يرمي بهاالرمّاي من غير معناز
ذا قول من حزّه عناالوقت حزا=حتى تجاوز عثرة الدرب واجتاز
جندب المالكي=
حلفت مُنزي=
حلفت مُنزي الروح في كل منزا=مادام راسي من قرانيس واعزاز
وانا بدعت القاف عرضه ورجزا=واعرف بيوت الشعر وفرزته افراز
وانا قريت أبيات معنى ومغزا = ومن عطاني لغز حليت ألألغاز
والشعرأدب ماهو عجينة وخبزا=وماكل من غناه في الملعبة فاز
هذا كلام الصدق ماهو مجزّا =ولانقلته من روادي وتلفاز
وابياتكم جزلة فريدة وعجزا = والصدق معناها على خاطري جاز
ومن قدم الطيّب على الطيب يُجزا=وانتم وفيتم والقوافي لها أرماز
ولكم سلامي دون همزاً ولمزا =من شاعراً ماهو بالاقوال لماز
سعدخميس السويحي=
جاك الحوار=
جاك الحوار الوان هز(ن)بهزا=وجاك الجواب الي له القلب فزاز
يوم انتخى هادي وسلمان فزا=والا انتظر مالشرق والغرب الايعاز
يالحوثي الملعون وش بك تهزا=ومعتنز بالبندقة فوق معناز
واليوم جاك الويل في من توزا=مثل الدجاجة لابصرت حومة الباز
تدرج اعيونك وفي الجو تحزا=وبيوت صعدة كنها فوق هزاز
خلك تذوق الويل لا عد تنزا=وان جيتنا بالخيل ترجع بمعكاز
ابو حسن المالكي=
إن كان=
إن كان بك همِ يضك الصدر ضك =اركه على القــــــران خله يفكــه
ما يشفي المهموم لاصار منتك =الا كــــــلام الله مــــــن غـــيــــر شـــكــــة
و ان كان هاجوسك بتال العشي دك =اربط حزامك وانحر خطوط مكّـــه
لو جيتها و انته على صدرك بللك=والله لتنـــطلهــا بلكّـــه بلكّــــه
وشلون تبغى ضيقة الصدر تنفك =وانته قضيت العمر في صن واكه
محمد محماس المطيري =
يابوفهد=
يابوفهد لتقفل الباب وانصك=وتقفلت وتسكرت كل سكّة
ارفع يديك وناج مولاك واشتك=وتوسله في تالي الليل وابكّه
واياك يتسلل لتوحيدك الشك=ولا يدخل ايمانك وساوس وشكّة
حتى يجاب ادعاك ويحققه لك=اللي رفع قدر المدينة وبكّة
وأسعد مع الايام واستر واضحك=واصعد على رجم المراجل وتكّه
واحرص على ما ينفعك وانت مدرك=واليا عطاك الله تصدق وزكًه
واحذّرك قدام تفنى وتهلك=اتقابل المولى بنفساً مجكّة
وتجنب اهل الحيف والغي والعك=امهبلاً تجلس على كل دكّة
واليا مشيت احرص على خير مسلك=لو ناوشك من غدر الايام صكّة
واقول وافطن يالفهيم المحنك=ماكل مسماراً تحصل مفكّه
والعلم لاشفته عسير ومشربك=جلدك ترى ما غير ضفرك يحكّه
ذا منطق اللي منطقه ماتلكلك=اليا بدا في منطق الغير لكّة
جندب المالكي=
المقناص =
الله على المقناص وملاحق الصيد=بم الرصف ولا معين البرادي
ارضا حموها اجدادي اهل التقاليد=اهل الوغا ومهجدين الاعادي
من فوق جيبا لا نهمته مع السيد=اتقول ذيبا حادرا له بوادي
شغل العصاة امدربين السواعيد=شرابة المخزي بوسط النوادي
بمرافق القوم القروم الاجاويد=اهل السلوم وحافضين المبادي
الحر ابو حاتم زبون المطاريد= طلق الحجاج اللي بفعله يشادي
وابوفهد لن جيت ابمدح وبا شيد=ماله مكان الا المكان الريادي
وابوغدير مسدد الري تسديد=مشكاي عند المعضلات الشدادي
وابوسعود لياحدتني حواديد=جاب العلوم اللي تسر الفوادي
واعود للمقناص واقول واعيد=الله على المقناص والجو هادي
والارض ممطورة وحنا بعد عيد=والجو لا حرا ولا هوبرادي
والكل عنده من خيار البواريد=ام القصاب اللي كساها السوادي
واليا وصلنا كل حيا رقا حيد=واحدن بدا للهول واحدن سنادي
واصغرهم اللي يوقد النار توقيد=نارا حطبها من هشيم القتادي
ماتوحي الا للعصافير تغريد=اللي على اصداها تحوم الحدادي
واليا تناصف يومهم جابو الفيد=اللي معه وبران واللي قهادي
والشاذلية والمة في المواعيد=امزهبة والذوق ما هو بعادي
والسكرية والمنعنش على حيد=والكل يزهم لخوياه وينادي
واليا توالو محتمين المضاهيد=والكل منهم لا فرع الصيد صادي
جلسو وكلا صار ينشد بترديد=وش صدت وش ما صدت نبغى الوكادي
ودارت سوالفهم بصدقا وتوكيد=سوالفا من جد ما هي دوادي
احدن يسولف بالصحاري وفي البيد=واخر يسولف في الهجن والجيادي
واخر يسولف عن بطولا ت ابو زيد=واخر يعلم عن علوم المهادي
وانا سواليفي عن اميرة الغيد=اللي محبتها تزيد ازديادي
اللي لها الخفاق عشاق ومريد=واحبها حبي لتربة بلادي
رعبوبتن من دونها السجن والقيد=والحض الاقشر والسيوف الحدادي
وان سايلوني من تكن حلوة الجيد= قلت العذر والمفشي السر غادي
وتذاكرو بعض الملح والاناشيد=ومطالعة بكتاب زاد المعادي
وان حل وقت الفرض قامو بتمجيد=الخالق الرازق جميع العبادي
والكل قام وعد للفرض تجديد=وتجملو بالذل والانقيادي
وادو فريضتهم بليا سجاجيد=فوق الصعيد اللي بهاك الحماديِ
وامضوسبوع وقابل الوضع تمديد=ومقررين العود والارتيادي
والكل مستانس ومسرور وسعيد=ومحققين المبتغى والمرادي
هذا منا ي ومطلبي يالصناديد=والله يهني ساكنين البوادي
واهل المدينة في تعاسة وتنكيد=مثل السجين ابسجنه الانفرادي
وختامها صلو على ازكى المواليد=اللي هدا الامة لدرب الرشادي
(جندب المالكي)=
البارحة=
البارحة ونيت انا ياموامين=ونة صغيراً فاقداً والدينه
او ونة اللي حده العسر والدين=من وين من اقبل قابل مديينينه
او ونة اللي حط بين المساجين=في تهمةً ما نا وشتها يدينه
ولا غيناً خاسراً له ملايين= اوشايباً ورعانه امبهذلينه
كله سبايب شيخة الحسن والزين=ام الوصوف الساحرات الحسينة
الله مكونها على اتم تكوين= لا النحف ذابحها ولا هي بدينة
والعين عين اللي كفخ بالجناحين= حُراً ليا هدوه جاب السمينة
والخد براقاً لمع بين شهرين= برقاً من القبلة تهامل غشينه
والخشم سيفاً نصف الخصم نصفين=بيد الشجيع اللي عضوده متينة
ومبيسماً كنه ورود البساتين=ورداً بوديان الهدا غارسينه
لو ذاق من ريقه مريض الشرايين=صح وتشافا من جروحاً دفينة
والعنق عنق اللي جفل بين حزمين=ريماً عواسيس القنص مجفلينه
ومجدلات يفوح من بينها البين=اعطوراً ازكى من شذا الياسمينة
وتفاحيتيناً شقت الثوب شقين=ما ناشها الورع الصغير ابيدينه
وباقي وصايفها بعيدة عن العين=والستر زين وبعض الاوصاف شينة
مادوجت بالسوق بين الدكاكين= ولا دورت عند العطاطير زينة
امعززة عند الرجال العزيزين= حماية المطرود ومزبنينه
الحازمين الغانمين الشريفين=اهل السلوم امقلطين السمينة
عنها ابعدوني في بعيد البلادين = والوقت ضدي صارو امعاونينه
جندب المالكي=


 
 توقيع : جندب المالكي


التعديل الأخير تم بواسطة جندب المالكي ; 10-29-2016 الساعة 11:53 AM

رد مع اقتباس