عرض مشاركة واحدة
قديم 10-29-2016, 11:54 AM   #9
أبو عبدالرحمن


الصورة الرمزية جندب المالكي
جندب المالكي غير متواجد حالياً

بيانات اضافيه [ + ]
 رقم العضوية : 3
 تاريخ التسجيل :  Jul 2013
 أخر زيارة : يوم أمس (08:37 PM)
 المشاركات : 3,155 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown
افتراضي



ليت السحاب=
ليت السحاب اللي تراكم على بون = ينزل على الطايف ويسقي روابيه
يسقي مصيف المملكة ، درة الكون= ما اظن فوق الارض بقعة تساويه
ومن دون رعد او برق ينزل على الهون= على ضفاف السر ويسيل واديه
تسعين يوم و ليل هتان ، و مزون= و سيل يصبح به ، و سيل يمسيه
لين المياه تفيض من كل مخزون= تصبح نهر جاري ، تلاطم شواطيه
والنَّاس من حوله يجون ، و يروحون= كلن يقول:اجمل من السر مافيه
على شواطئ وادي السر يمشون=جايين في رحلة سياحة ، وترفيه
والبعض منهم يتصل بالتلفون=يقول:شوفوا لي على السر شاليه
وعلى السريج يقام فندق شيراتون =و طيارة الميراج تهبط حواليه
و جبل قرين حياش بالثلج مدفون=اللون الأبيض صار يكسي مبانيه
واللي يجونه من فرنسا يقولون= معلم حضاري مثل قصر الاليزيه
والمركز الطبي مجهز و مضمون= أم الدبيلات العزيزة لم ؟ ليه
لا شافها الزائر وقف شبه مفتون=محتار ما يدري يقول ايه ولا ايه
يقول في نفسه: هذا يمكن يكون=قسم الجراحة في مشافي شاريتيه
للي من أمراض المرارة يعانون =و اللي بفرط السمنة الله باليه
والمعذرة ياللي بشعري تمرون=الشعر اماني واكذب الشعر حاليه
وترى غريب الدار لا صار محزون=في غربته نظم القوافي يسليه
في مجتمع ما بين صاحي ومجنون= يا كثر مجنونه ، و يا قل صاحيه
ما يسمع الا كلمةشلشت،أبر،شون=وأحسن كلام يقال له كلمة أوكيه
يا معشر الألمان مهما تكونون=كفار و أكثركم خبول و معاتيه
ومهما بلدكم صار جنات وعيون =ما هو مثل شمس الحجاز و صحاريه
ومهما لديكم من ثقافات و فنون=ما تعتبر حاجة مع اللي نسويه
شبابكم غرقان في سكر و مجون=واطفالكم ما يعرف الطفل أهاليه
وبناتكم مهما بهن حسن و زيون=ما يأخذن من العفيفات تشبيه
أنتم بشر ، لكن غجر ما تفيدون=مثل البقر بين الشجر في مراعيه
الشعب تعداده ثمانين مليون =والسيده ميركل هي اللي تمشيه
مضى بكم هتلر على غير قانون=و أوغل بكم في رحلة الذل و التيه
احرق شعوب الارض في طيش و جنون=و انهار عرشه قبل تحقيق أمانيه
خلى البشر ما بين طاعن ، و مطعون=وسط المعارك وانتحر حضرة البيه
وصرتوا كما الأقباط من عقب فرعون =ما يذكر الألمان من دون نازيه
ختمتها واطلب من الخالق العون=وآخر كلامي يرجع القول باديه
ليت السحاب اللي تراكم على بون =ينزل على الطايف ويسقي روابيه
شعر د . سالم السواط=
اوحيت لي قافاً=
اوحيت لي قافاً من الشعر موزون =استيسرت فكري بلاغة معانيه
ما كنه الا من قصيد ابن لعبون=لا قام يتمثل ويبدع قوافيه
ولا بيوتاً صاغها فكر بن عون=اللي بنظم الشعر محدن يضاهيه
من شاعرٍ غنا مع اللي يغنون=وانتج لنا شعراً من الدر ناقيه
ناساً عليه اثنت وناساً يشيدون=وكلاً يسولف به لخله وغاليه
متناقلينه بالجلاكسي والايفون=والكيك وتويتر وفيسبوك ياهيه
وانا الحقيقة لاق لي شعر سلمون=ويسرني يهل النواميس اجاريه
لعلي اتفوق على اللي يجارون=والمركز الاول يحقق لراعيه
وجعل السحاب اللي هطولاً وهيتون= يمطر على نجد العريض وبواديه
وعلى الحجاز ومن في ارضه يعيشون= وعلى الجنوب ومن سكن في نواحيه
وتسيل وديان الوطن ويتطارون = علم المطر بدنى وطنا واقاصيه
والناس من غزر المطر يستغيثون = حتى جهاز الامن يعلن طواريه
والارض تتحول ينابيع وعيون= والبر يالاحرار تنبت مفاليه
واهل الغنم والبل ماعد يشدون=كلاً خضار العشب عنده مكفيه
وللحب والاعلاف ما عد يشرون= اغناهم اللي لا دعا العبد يوحيه
وتلك الصحاري القاحلة تصبح سكون= كلاً سكن فيها وشيد مبانيه
والشخص يصرف له من البنك مليون=من بعد مرسوماً يصدّر وتوجيه
ويسددون الدين عن كل مديون = ولكل شخصاً مسكناً يهتني فيه
وايجازةً تمتد لشهور وسنون = بأمراً وزارياً يوكد بتنويه
ومواطنين المملكة يستريحون =مدة من ظغوط الدوام وبلاويه
ومدور الكشتات يكشت بصالون = بمرافق اصحابه ورفقة بنا خيه
متقصدين ارضاً بها الصيد مضمون=بطراف روضاً كاثراتٍ حباريه
الشخص لا وانه وجيعاً ومشطون =تذهب همومه كلها يوم ياتيه
والمنظر الخلاب محمي ومصيون= ومن ايدي السيّاح ما فيه تشويه
لا ربعوا به ياترى وش يسووون = كلاً يبي يخدم خويه ويرضيه
ماطب جلستهم سجارة وغليون =ولا واحداً شف التتن بين اشافيه
كلاً مولم بندقه ويتنادون = اليا عوى في نايف الحيد عاويه
واليا تكلم فيهم الشخص يصغوون =حتى ويفرغ من حديثه وينهيه
رفقة وفاء والناس يوم ايتخاوون= كلاً يبين معدنه من مباديه
وازكى تحياتي لسالم وممنون = للي يوصل له مردي وينبيه
والختم ياللي للتماثيل توحون= اقول في مبدا كلامي وتاليه
اوحيت لي قافاً من الشعر موزون =استيسرت فكري بلاغة معانيه
شعر : جندب المالكي=
قصيدة ترحيبية =
بسم الله ابدا البيوت الجديدة= لكن قدام اقول القصيدة
يالله ثباتاً على اعظم عقيدة= عقيدة امحمداً والصحابة
واهلاً هلا عد وبل المخايل= باللي لفوا من جميع القبايل
في محفل اهل الوفاء والجمايل=يهل الكرم والشرف والمهابة
شرفتمونا يالاجواد تشريف= عند الذي يكرم الجار والضيف
بوخالد اللي تعلى المشاريف=اللي بوقت الوزا يعتزا به
على يمينه مطاليق واشراف= رجب وماجد وخالد ونواف
في كل مبدا وفي كل ميقاف= كلاً تشوفه كما سبع غابة
والسبعة انعام يابن شرِيف = اللي تجمل وكمل وضيف
لو يثقل الحمل عنده خفيف=والمال ماهو بحاسب حسابه
يامرحبا عد ماهبت النود= ترحيباً ازكى من المسك والعود
عند اهل الامداح والطيب والجود= ومجردين العدو من زهابه
وجيت يالربع اهلي وارحب = عند اهل جاهاً وصيتاً ومذهب
اهل النواميس والعلم الانصب =ياحيها من قبيلة ولابة
واهلاً وسهلا بكل المعازيم= يالغانمين القروم الشغاميم
عند الذي كرم القوم تكريم=ماصك دون الرجاجيل بابه
ولراجب اليوم جينا نبارك = وبحفلكم لازم إنا نشارك
عسى الهنا والسعد في مسارك = ولا يجي ميلةً وانقلابة
والله يديم الفرح والسعادة = في ضل حكامنا اهل الريادة
امجودين الحكم والسيادة =والضد اقاموا عليه الحرابة
ونحن بني مالك اهل العوايد =ماغيرتنا الوقوت الشدايد
وايامنا الاولة والجدايد =مجداً يسطر ويقرا كتابه
ماهو قصوراً بباقي القبايل = ولا احتقرنا عيال الحمايل
والنعم في كاملين الخصايل = من خندف اليوم ولا شبابة
والمملكة دامها بيد سلمان = والله ماهمنا دولة ايران
والحوثي ابندركه وسط عمران= ونطش لحمه عشا للذيابة
ويالله تحفظ لنا الدار والدين = في ضل حكم الملوك السلاطين
يالله منزل الطور والتين = يالله عسى دعوتي مستجابة
واخر كلامي نزيد التراحيب= بهل النواميس والعرف والطيب
واللي لفا من رجال المواجيب= اهلا وسهلا ويامرحبا به
ولكم يالاجواد موعد مع الزير = وبعد بتعرض صفوف الجماهير
بحضور خيرة كبار الشواعير =رواد الابداع في كل جابة
والشعر ماهو مجرد قوافي = يبغي له افكار والذهن صافي
حتي يجي شعر كايف وضافي = من شاعراً نضمه واعتنى به
والختم صلوا على ازكى الخلايق = امنور ادروبنا والطرايق
عد الثواني وعد الدقايق = واعداد منشا مزون السحابة
جندب المالكي=
ياخالد =
ياخالد المعروف ضايع ف الانذال= انسه واعده من صحيفتك لاغي
كم واحدا سديت خلته بالمال=والبسه ثوبي واعيره شماغي
ويوم دارا الوقت وتحسن الحال=اصبح وحش كاسر ونمرود طاغي
واقسمت لاخذ لي من النذل مدهال=واكبر المركى واريح دماغي
شعر : أحمد الاعفر=
اي والله=
اي والله إنك صادقاً يبن الابطال =ياللي بنيت المنطق المستساغي
ابدعت فيما قلت واتقنت الاقوال =واسماع خلق الله لقولك مصاغي
والنذل يبقى نذل في كل الاحوال =ويروغ عن كل المواقف مراغي
لاشاف وقت الجد واثبات الافعال =حوّص وعن درب المطاليق زاغي
شعر :جندب المالكي =
(يابومهند )=
يابومهند ودي اقول بيجاز=لاهنت يستاذ الادب واللباقة
لاصار في التقدير جيد وممتاز=جبت النجاح اللي وسيعاً نطاقه
واسمك مسجل في سجلات الانجاز=اشبه بعود الطيب عند احتراقه
وانتم جميعاً عندي إكرام واعزاز=وبكم ترى تربطني اقوى علاقة
والداخلية لوبتعطيني ايعاز=سجلت اساميكم معي في البطاقة
يقولها اللي عاجزاً كل الاعجاز=عن وصفكم يهل الفخر والعراقة
(سلاماً ازكى)=
سلاماً ازكى من عطور العطاطير=وازكى من الكادي وريحة عبيره
يلفي على نسل الرجال المشاهير=اللي لهم في معجم الطيب سيرة
يلفي على سعد الخوي بالمعاذير=مني ومن كل الوجيه السفيرة
لك في ضمايرنا مكانة وتقدير=يامن فعولك بالمدايح جديرة
واللي حصل كسرً وللكسر تجبير=ولا ينجبر كسراً بليا جبيرة
ويالبدر يبن الغانمين المناعير=من غيركم في الرابطة نستشيره
انته مقدمنا ولا نقبل الغير=ونسير وانت اللي تقود المسيرة
نرقب رجوعك ياربيع المسايير=ياللي تحل المعظلات العسيرة
واسلم ودمت وبنتظار التباشير=يومن تعود الرابطتنا الشهيرة
(قال من طول)=
قال من طول على المبدا وقوفه=بعد ماغنّا جديدات القوافي
كثّر الله خير من كرم ضيوفه=الكريم الجيد القرم السنافي
اجودياً دايماً تندا كفوفه=بالرخا ولا بالاوقات العجافي
يذكرون النا س طيبه ومعروفه=سيرته مثل الشذّى والفعل ضافي
مزبني في الوقت لا كثّرت صدوفه=لصبح الحظ الردي مقبل ولا في
يازبون اللي شكى قسوة ضروفه=يوم يحدنّه مبيّحت الخوافي
يا عسى بيت الردى تهوي سقوفه=ويتعرض للزوابع والسوافي
والردي يالقرم لا كثرت حلوفه=ما تعذرت الرفيق ودوم تافي
والوقار اسمك مسجل في كشوفه=تحسن المنطوق وتحل الخلافي
هذا ابو رايد كما كلاً يشوفه=مدني الجزلات في بيض الصحافي
قلتها والشعر تخضع لي حروفه=يوم جيت الرجم بقداماً حوافي
الخفوق اتقول نيراناً بجوفه=ما تطفيها صهاريج المطافي
والفواذ ايحن واللوعة تلوفه=حنته يالربع تصحي كل غافي
حنة الجمس الذي حنة بلوفه=يوم يقطع به وسيعات الفيافي
من صواديف الزمان ومن حتوفه=والمشاكل والفتن والاختلافي
دارنا بالشر والكيد امحيوفة=والله ان الجو ذا ماهو بصافي
العدو شاهر شباريه وسيوفه=والماً للحرب يحسبنا ضعافي
مادرا انا نستطيع اليوم خوفه=ونتحداه ونحنده للتلافي
ياعسى الحلة بالاوناس امخلوفة=يالله عقبنا الستيرة والعوافي
وانتهى قول الذي طول وقوفه=بعد ما غنا جديدات القوافي
=جندب المالكي=
حيا الله اللي عاشقا=
حيا الله اللي عاشقا للنواميس=بن عمي اللي كل قمة رقاها
بوعارف اللي دارس الطيب تدريس=اللي علوم اهل المراجل حواها
ياولد خامسنا كبير الخواميس=اللي عليه الناس تبدي ثناها
بوحامد الونعم بكل المقاييس=اللي حصون الطيب شيد بناها
تشهد له الاحرار وسط المجاليس=ونحن بفعله نفتخر ونتباها
عسى مقره في علو الفراديس=ويزوجه ربي من اجمل نساها
وحي البيوت اللي زهت بالكراريس=ابيوت شعرا عاليا مستواها
من شاعر صاغ العبارة بتقييس=ماهو بناطق كلمتن ماوعاها
اليا توحوه الرجال السناعيس=في وسط مجلسها وفي منتداها
اثنو على قوله بعاد المراميس=والكل اشاد بكلمته ومعناها
ونكان تبغى الصدق من غير تدليس=هذي القصيدة طاب لي محتواها
وتحركت عندي جميع الهواجيس=والذاكرة قامت تفاعل معاها
ثم قمت اسطر فوق بيض القراطيس=عذب البيوت اللي تناغم صداها
اكرس اجهودي للاشعار تكريس=حتى تنال اعجاب منهو قراها
عندي دراية بالكتب والقواميس=واكثر عباد الله عرفنا لغاها
ومشيت بقدامي عسير التضاريس=يومن غيري قادمه ما وطاها
واسلم وتبقى ياربيع المتاعيس=في مبتدا ابياتي وفي منتهاها
متذوقاً للنادرات=
حيا الله اللي ساق لي عذب الابيات=ابيات شعراً تتسم بالفخامة
متذوقاً للنادرات الجزيلات=والطيب مولي له جميع اهتمامه
ويابومعاذ ان كان تبغى الوناسات=قم دق سلف الجيب واربط حزامه
وتخير امن اهل الوفاء والمروات=اثنين معروفين بالاستقامة
قرمين يفدونك نهار الملاقات=و بروسهم شيمة وفيهم شهامة
لرسلتهم ما قصرو في المهمات=تلقا بهم شدة وتلقا صرامة
ثم انهجو يم الديار البعيدات=الواقعة بقصى سواحل تهامة
اراضياً صارت حدايق وغابات=من كثر ما صبت عليها الغمامة
وليا وصلتو يارجال الشكالات=وارجو عساكم تاصلو بالسلامة
ثم اقضو اجمل ما قيضيتو من اوقات=ما واحدً يطري عليه استلامه
في كشتةً تسوى ثلاثين مكشات=لا قيموها نالت اعلى علامة
ياراعي الكلمة الجزلة=
حيالله اللي بيوته مثل عذب الزلال=يامقدم اهل الشهامية وياشيخها
مثلك نعده ليا جا للمدايح مقال=واهل التفاهات نسترسل بتوبيخها
واقول يامسندي والقول مابه جدال=اصقور الاوكار مايختل تفريخها
وان عودت للمواجه واللقاء والنزال=اخصومنا نستطيع اليوم تدويخها
والنوق يامسندي ماهي بمثل الجمال=واقول بعض الاباعر سهل تنويخها
لاشك عندي سواليفاعراظ وطوال=لياطرت للعرب. تصعب على ذيخها
واسلم وسلم وتبقى ياكريم السبال=ياراعي الكلمة الجزلة وياشيخها
يامرحبا=
يامرحبا بك يبن ساري ولك من صفر الدلال=فنجال بننا فيه حبات العويدي زايدة
شرفتني بمعايدتك اليوم ياجزل المقال=ياللي ليا نشت ماترمي يكون القايدة
ابوك. ساري راعي الفزعة وزيزوم الرجال=شيخا يروس القوم وايدينا دوام امعى يده
الله يديم افراحكم وسروركم طول الليال=والله يجنبكم صواديف والزمن وشدايده
واسلم وتبقى يافهد وتعيش ياقرم العيال=ياراعي الجزلة وياراعي البيوت الرايدة


 
 توقيع : جندب المالكي



رد مع اقتباس